Evangeliumo kathar o Mate
6. fejezet
E dimata
1. vers
Len sama pe kodo, ke tumaro chachimo na angla manusha chacharen, bare te aven angla lende, ke kade ch«avla tumen potyinipe kaj tumaro Dad, kon ando rajo si.
2. vers
Kana apol des, na zhanav avri sakonesa, sar le paxande keren ande zhinagoga haj pe vujici, te luvudyisaren len le manusha. Amen, phenav tumenge: line pengo potyinipe.
3. vers
Kana tu dimatipe keres, tena zhanel tyo stungo vast, ke so kerel o chacho,
4. vers
tena zhanardyol avri tyo dinipe; tyo Dad, kon dikhel tut garades, potyinla tuke.
O rudyipe: Amarodad
5. vers
Kana pale rudyin, na keren kade, sar le paxande, saven faj ande zhinagoga haj avral pe vujici tordyindos te rudyinpe, ke te shaj dikhen len le manusha. Amen, phenav tumenge: line pengo potyinipe.
6. vers
Tu, kana rudyis, zha andre ande tyi soba, phandav andre tyo vudar, haj kade rudyin kaj tyo Dad, kon dikhel tut garades; atunchi tyo Dad, kon ando garadyipe si, potyinla tuke.
7. vers
Ando rudyipe pale na vorbin anda khanchimata, sar le murtikana, kon kade gindin, ke anda penge but vorbimata ashundyipe rakhena.
8. vers
Na cirden apol pe lende; ke tumaro Dad zhanel, ke so trubuj tumen, zhimajanglal inke mangenas les.
9. vers
Anda kado kade rudyin:
Amaro Dad, kon san ando rajo,
te suntosardyol tyo anav;
10. vers
te aveltar tyiro them;
te kerdyolpe tyiro kamipe,
sar ando rajo, kade vi pe phuv.
11. vers
Amaro sako dyesesko manro
de amenge adyes;
12. vers
haj jertisar amare bezexa,
sar vi ame jertisaras
kodalenge, kon amenge bezexaren;
13. vers
haj na inger amen ande zumavjimata;
ba slobodisar amen kathar o Nasul.
14. vers
Ke te jertina le manushenge lenge doshimata, vi tumenge jertila tumaro rajuno Dad.
15. vers
Ba tena jertina le manushenge, chi tumaro Dad chi jertila tumare dosha.
O postyipe
16. vers
Kana postyin, na sikaven pe tumari mosura briga, sar le paxande. Ke von xoxamni mosura sikaven, ke pe lengo postyipe le manusha bari te dikhen. Amen, phenav tumenge: von aba line pengo potyinipe.
17. vers
Tu, kana postyis, makh tyo shero, tyi mosura pale thov.
18. vers
Tena dikhen le manusha, ke postyis, feri tyo Dad, kon ando garadyipe si; haj tyo Dad, kon dikhel ando garadyipe, potyinela tuke.
Le xoxamne haj le chache avuciji
19. vers
Na kiden kethane tumenge avuciji pe phuv, kaj kira haj e vrama xalle, kaj le chor andre phagen haj choren.
20. vers
Kiden tumenge kethane avuciji ando rajo, kaj chi kir haj chi vrama chi nacharel, haj kaj chor chi phagen andre haj chi choren.
21. vers
Ke kaj tyi avucija si, kothe avla vi tyo ilo.
22. vers
Le truposko fimlalipe e jakh si. Kana apol tye jakha lashej, tyo intrego trupo fimlalo avla,
23. vers
ba kana tye jakha nasulaj, tyo intrego trupo tunyariko avla. Kana pale o fimlalipe, so ande tute si, tunyarikipe si, kabor avla atunchi o tunyarikipe!
24. vers
Khonyik nashtig slugil duje rajeske: ke vaj rucil le jekhes, le kaveres pale kamel, bake patyivil le jekhes, le kaveres pale tele dikhel. Nashtig slugisaren je-kharsa le Devleske haj vi le mammoneske.
Le bidi haj o visvarimo
25. vers
Anda kado kodo phenav tumenge: Na daraven tumaro trajo, ke so te xan, haj chi tumare trupos, ke ande soste te uraven tumen. Naj maj but o trajo kathar o xamasko, o trupo pale kathar le gada?
26. vers
Dikhen le chereske chiriklyan: chi beshaven, chi kosin, chi ande sinura chi kiden ande jekh, haj tumaro rajuno Dad xaxavel len. Chi sanle zurales maj but kathar kadal?
27. vers
Kon si mashkar tumende, kon peske daramnimatasa zhanel peske trajoski vrama te lunzharel vi jekhe kujesa?
28. vers
Haj anda gada sostar khinyaren tumen? Dikhen le malyange liliomon, ke sar baron: chi khinyarenpe haj chi xuven;
29. vers
haj vi kade, phenav tumenge: inke chi o Shalamon nas kade opre urado ande pesko maj baro krajipe, sar jekh mashkar kadal.
30. vers
Kana pale le malyangi char, so adyes si, haj tehara ande bov shudena, o Del kade opre uravel, sodivar majfeder tumen, cerra patyamne?
31. vers
Na daran apol haj na phenen: »So te xas«, bake: »So te pas«, bake: »Ande soste te uravas amen?«
32. vers
Ke kadalen le murtikana roden. Ke zhanel tumaro rajuno Dad, ke sa kadal trubuj tumenge.
33. vers
Tume roden majanglal le Devlesko them haj kodalesko chachipe, haj sa kado lena pasha leste.
34. vers
Na daran apol anda tehara: ke e tehara maj darala anda peste. Dostaj le dyeseske peski bida.
Könyvek
