Evangeliumo kathar o Mate
21. fejezet
Andrezhalipe ando Jeruzhalemo
1. vers
Kana aba kaj o Jeruzhalemo pashe phirenas haj kothe resline kaj Betfago pe uloj kashtengo plaj, o Jezush angle bishaldas anda peske sityarde dujen.
2. vers
Kodo phendas lenge: „Zhan andre ande kodo gav so angla tumende si. Kothe rakhena jekha magara phangles, haj lasa jekh khurora: phandenla, haj anenla kathe mande.
3. vers
Kana pale varikon te delas duma variso, phenen kodo, ke le Rajes trubuj, haj atunchi mukela len.
4. vers
Kado pale anda kodo pelaspe, andre te pherdyol o alav, so e profeta phendas:
5. vers
Phenen le Shioneska shake:
Aketa, tyo kraj avel tute:
blindo si voj, pe magarako dumo beshel,
pe magaricko khurori, pe pharimata phiradi pedoski khurori”.
6. vers
Le sityarde gelinetar, haj kerdine so o Jezush vladisardas lenge.
7. vers
Kothe ingerdine la magara haj la khurora, pe lende shutine penge gada, voj pale opre beshlas pe lende.
8. vers
Le but manusha pale tele sharadine penge gada po drom, kavera pale kranzhi phagrenas tele pa kasht haj po drom rispisarnaslen.
9. vers
E butimata, kon angla leste zhanas haj kon palaleste, kade cipinas: „Hozhanna le Davideske Shaveske! Ashtyilimej, kon ande Rajesko anav avel! Hozhanna ando uchipe!”
10. vers
Kana andre gelas ando Jeruzhalemo, o intrego foro mishkisajlas. Kodo pushenas: „Kon si kado?”
11. vers
E butimata kado phendas: „Kado o Jezush si, profetaj, anda galileicko Nazaret.”
La khangerako uzharipe
12. vers
O Jezush andre gelas ande khangeri, haj avri nashadas sa kodalen, kon lenas thaj biknenas ande khangeri. Le lovenge opreparuvalenge mesalyi haj le gulumbarenge iskamina pale opreburdusardas.
13. vers
Kodo phendas lenge: „Iskirime si: »Mure kheres le rudyimaske khereske anavarena«, tume pale, chorenge cevernake keren kodo”.
14. vers
Ande khangeri korre haj bange aviline leste, haj voj sastyardas len.
15. vers
Kana le angrashaja haj le iskiritora dikhline le chudimata, so kerelas, haj le shavoren, kon kade cipinas ande khangeri: „Ho-zhanna le Davideske Shaveske!”, chi fajasle kadi traba.
16. vers
Kodo phendine leske: „Ashunes, ke so vorbin kadal?” O Jezush kado phendas lenge palpale: „Ova. Ba chikana ginadine: »Pa cine shavorengo haj beatongo muj lashardan tuke asharimata?«”
17. vers
Pala kodo kothe mukhlas len, haj avri gelas anda foro ande Betania, haj kothe ashilas.
Le gular kashtesko armja dinipe
18. vers
Detehara kana palpale avilas ando foro, bokhalo kerdyilas.
19. vers
Dikhlas jekhe gular kashtes pe dromeski rig, kothe gelas leste, ba khanchi chi rakhlas pe leste, numa patra. Kodo phendas leske: „Tena avel pe tute frukto chikana majbut!” Pe kado o gular kasht ande kodo minuto avri shutyilas.
20. vers
Kado dikhlines le sityarde zurales bari dikhline haj pushline les: „Sostar shutyilas avri o gular kasht kasavo sigo?”
21. vers
O Jezush kado phendas lenge palpale: „Amen, phenav tumenge: te avlas tumen patyape haj na avenas labilsha, na feri le gular kashtesa shaj kerenas kado, ba kodo te phenenas kadale plajeske: »Vazdadyu opre haj shude tut ande mara«, kade kerdyolas.
22. vers
Sa kodo, so patyapesa, haj rudyimatasa mangen, lenales.”
Pushlipe pa Jezusheski zor
23. vers
Kana andre gelas ande khangeri haj sityarelas, kothe aviline laste le angrashaja haj le popularenge phure. Pushline lestar: „Soska zorasa keres sa kado? Haj kon das tuke kadi zor?”
24. vers
O Jezush kade das palpale duma: „Pushos vi me tumendar jekh butyi. Te phenenala mange, atunchi vime pheno tumenge, ke soka zorasa kerav sa kado.
25. vers
Le Janoshesko bolaripe kathar sas? Anda rajo bake kathar le manusha?” Kodal kade vorbinas mashkar pende:
26. vers
„Kodo te phenasa: »anda rajo«, kodo phenela amenge atunchi ke: »Atunchi sostar chi patyanas leske?« Kana pale kodo phenasa ke: »kathar le manusha«, daras kathar le manusha, ke savorazhene profetaske inkren le Janoshes.”
27. vers
Kodo phendine apol le Jezusheske, ke: „Chi zhanas.” Pe kado voj kodo phendas lenge: „Chi me chi phenav avri tumenge, ke soska zorasa kerav sa kado.”
Parabola pa duj shave
28. vers
„Dore pa kado so gindin? Jekhe manushes duj shave sasles. Kothe gelas kaj o angluno haj kade das duma: »Muro shavo! Zha avri adyes, haj ker butyi ande drakha!«
29. vers
Kodo kado phendas palpale: »Chi kamav«, ba maj palal gindisardaspe haj avri gelas.
30. vers
Atunchi kothe gelas vi kaj o kaver, haj zhikade das duma leste. Kodo kado phendas: »Ova, Raja!« Ba chi gelas avri.
31. vers
Mashkar le duj kon kerdas le dadesko kamipe?” Kodo phendine: „O angluno.” Pe kado o Jezush kodo phendas lenge: „Amen, phenav tumenge: le financura haj le vulyicange zhulya maj sigo zhan andre ande Devlesko them, sar tume.
32. vers
Ke avilastar tumende o Janosh pe chachimasko drom, haj chi patyanas leske. Ba le financura haj le vulyicange zhulya patyanas leske. Tume kana kado dikhline chi atunchi na gindisardine tumen maj palal, ke te patyan leske.
Parabola pa nasul drakhara
33. vers
Ashunen akanak jekh kaver parabola. Sas jekh raj: Drakh beshvelas, gradyija keradas krujal lende, shanco hunadas andral, haj kalsamo vazdas. Pala kodo avri das kodo le arendashange, haj pe strene phuva dromardastar.
34. vers
Kana avilastar le drakhengo kidipe, bishaldas peske slugan kaj le arendasha, te kiden andre o upaj.
35. vers
Ba le arendasha xutyildine le slugan, le jekhes mardine, le kaveres mudardine, le tritos pale barenca shudineles.
36. vers
Atunchi pale bishaldas kavere slugan, kathar le anglune majbuten, ba kodola zhikade kerdine vi lenca.
37. vers
Palunes bishaldas lende peske shaves, kade phendas: »Mure shaves dore patyivina.«
38. vers
Ba le arendasha, kana dikhline le shaves, kodo phendine mashkar pende: »Kathej pe kaste muklyadyol o barvalipe, aven, mudaras les, haj las lestar lesko barvalipe.«
39. vers
Xutyildine les, avri shudine les anda drakhuni bar, haj mudardine les.
40. vers
Kana apol avelatar le drakhengo kraj so kerla kadalenca?”
41. vers
Kodo phendine leske: „Le nasulen mudarela, le drakhen pale kavera arendashange dela avri, kon dena leske o upaj ande vramate.”
42. vers
O Jezush atunchi kado phendas lenge: „Chikana ginadine ande Iskirimata:
»O barr, so le butyara shuden,
kolcosko barr kerdyilas,
o Raj kerdasles kodaleske,
haj kado chudickoj
ande amare jakha?«
43. vers
Anda kado phenav tumenge, ke lena tumendar le Devleske themes, haj kasave manushenge dena kodo, kon anena kodaleske fruktura.
44. vers
Kon opral perel pe kado barr, kethane phagrel pes, pe kaste pale kado perela, kethane pizdela les.”
45. vers
Leske paraboli ashundines le angrashaja haj le farizana hatyardine, ke pa lende vorbil.
46. vers
Atunchi kamline te xutyilen les, ba daranas kathar e butimata, ke le manusha profetaske inkrenas les.
Könyvek
