Evangeliumo kathar o Mate
23. fejezet
Le iskiritora haj le farizana
1. vers
O Jezush pala kado kade das duma kaj e butimata haj kaj peske sityarde:
2. vers
„Le iskiritora haj le farizana ande Mozeshesko iskamin beshen.
3. vers
Anda kado sakofalo, so phenen tumenge, keren kodo haj inkren andre – ba lenge kerdyimata na keren, ke phenen von, ba chi kerenles.
4. vers
Phare haj bi shaj inkerde pharimata phanden kethane haj shon pel manushenge phike, ba von chi jekhe najenca chi kamen te mishkisaren kodo.
5. vers
Sakono kerdyimata so keren anda kodo keren, te di-khen len le manusha. Penge rutyikane brichinara po bulho shinen, le chipti bararen.
6. vers
Faj len le anglune thana pe xamimata, le anglune thana ande zhinagogi,
7. vers
le dyes dinipe pe forosko mashkar, haj kodo, kana le manusha rabbeske anavaren len.
8. vers
Tume na anavaren tumen rabbeske, ke jekh si tumaro Sityari, tume pale savorazhene phrala sanle.
9. vers
Chi tumare Dadeske na anavaren khanyikas pe phuv, ke jekh si tumaro Dad, o rajuno.
10. vers
Na anavaren tumen chi Maistrovoske, ke jekh si tumaro Maistrovo, o Kristo.
11. vers
Kon mashkar tumende o majbaroj, te avel tumari sluga.
12. vers
Ke kon pes opreasharel, kodales tele lazhavaren, haj kon pes tele lazhavarel, kodales opreasharen.
13. vers
Jaj tumenge, paxande iskiritora haj farizana, ke andre phandaven le rajosko them angla manusha. Ke tume chi zhan andre, haj kon andre kamelas te zhal, chi kodalen chi muken andre te zhan.
15. vers
Jaj tumenge paxande iskiritora haj farizana, ke andre phiren e mara haj la phuva, ke jekhe kaj o Del boldadyiles te rakhen, haj kana rakhlineles, kathar tumende inke majduvar le dyehennaske shaveske shonles.
16. vers
Jaj tumenge korrenge drom sikavara, kon kodo phenen: »Kana varikon colaxarel pe khangeri, kodo khanchij, ba kon colaxarel pe khangerako somnakaj, kodo aba krisarel.«
17. vers
Tume dile thaj korre! Haj so si majbaro, o somnakaj bake e khangeri, so suntosarel le somnakajes?
18. vers
Haj kodo phenen: »Kana varikon po oltaro del colaxa, kodo khanchij, ba kon so pe leste si tofna del colaxa, kodo aba krisarel.«
19. vers
Tume korre! Haj so si majbaro, e tofna, bake o oltaro, savo suntosarel le tofnipes?
20. vers
Haj ke kon po oltaro del colaxa, kodo colaxarel po oltaro haj pe sakofaloste so pe leste si.
21. vers
Haj kon pe khangeri del colaxa, kodo colaxarel pe khangeri, haj pe kodo, kon ande late beshel.
22. vers
Kon pale po cheri del colaxa, kodo pe le Devlesko iskamin del colaxa, haj pe kodo, kon pe kodo beshel.
23. vers
Jaj tumenge paxande iskiritora haj farizana, ke deshtope den anda menta, anda kapro haj kemenyo, ba chi grizhontume la krisake majbare vladimatanca, la krisasa, e lashipesa haj le imandimosa. Kadal trubujas te keren, haj chi kodolen ch«avlas slobodo te muken.
24. vers
Korre dorm sikavara, kon avri alosaren le cincara, le dromedaros pale tele nakhaven.
25. vers
Jaj tumenge paxande iskiritora haj farizana, ke uzharen le taxtajengo haj le tejarengo avralutnipe, ba andral pherde sanle choripesa haj biuzhipesa.
26. vers
Tu korre farizano! Uzhar majanglal le taxtajesko andralipe, ke vi lesko avralipe uzho te avel!
27. vers
Jaj tumenge paxande iskiritora haj farizana, ke cirden pe andre farbosarde murmuntura, save avral shukarenge dichon, ba andral pherdi si kodal mulenge kokalenca haj but sakofalone biuzhipenca.
28. vers
Kade vi tume avral dore chachenge dichon angla manusha, ba andral pherdo sanle paxandipesa haj nasulipesa.
29. vers
Jaj tumenge paxande iskiritora haj farizana, ke serovjimaske murmuntura vazden le profetange, haj opreshukaraven le chachenge murmuntura,
30. vers
haj kodo phenen: »Ame ande amare dadenge vrami te trajisardamas, ame chi avilamas lenge bezexasle amala ande profetange rata.«
31. vers
Ba tume sikaven andre, ke lenge shave sanle kodalenge, kon le profetan mudardine.«
32. vers
Vi tume andre pherdyaren tumare dadenge pecimata!
33. vers
Sapa, viperange falura! Sar shaj muntosajvenas kathar e dyehennaki kris?
34. vers
Anda kado aketa, bi-shalav tumende profetan, platnikonen haj iskiritoren. Mashkarlende unyizhenen mudarena haj po trushul tannarena, kaveren chunyarena ande tumare zhinagogi haj nashavena len anda jekh foro ando kaver.
35. vers
Kade pe tumende hural sako chacho rat, so avri mukle pe phuv zhikathar le chache Abelesko rat zhikaj le Zakaria-shesko haj Barakiasheske shavesko rat, kas mudardine mashkar e khangeri thaj oltaro.
36. vers
Amen, phenav tumenge: oprehural sa kado pe kado generaciovo.
Le Jeruzhalemesko tele phenipe
37. vers
Jeruzhalem, Jeruzhalem, tu mudares le profetan, barrenca shudes kodalen, kas tute bishaldine! Sodivar kamlom kethane te kidav tye shaven, sar e khanyi tala peske phaka kethane kidel peske pujon, ba tume chi kamline kodo!
38. vers
Aketa, muklino pusto avla tumaro kher!
39. vers
Ke phenav tumenge: Chi dikhena man kathar kadi vrama, zhikaj kado chi phenena: »Ashtyilimej, kon ande Rajesko anav avel!«”
Könyvek
