Janoshesko angluno lil

Fejezetek:

1 2 3 4 5

1. vers

So kathar o anglalipe sas, so ashundam, so amare jakhenca dikhlam, so dikhlam haj amare vastenca hatyardam pa trajesko Alav

2. vers

– ke o trajo sikadyilas, haj ame dikhlam, haj chacharipe keras pa leste, haj viacaras tumenge o sagutno trajo, so kaj o Dad sas haj sikadyilas amenge –,

3. vers

so dikhlam haj ashundam, kodo viacaras vi tumenge, ke vi tume ando kethanipe te aven amenca. Ke ame ando kethanipe sam le Dadesa haj leske Shavesa le Jezush Kristosa.

4. vers

Kadal anda kodo iskirisaras tumenge, ke tumari lossh intrego te avel.

5. vers

Kadij e viaca, so lestar ashundam haj viacaras tumenge, ke o Del fimlalipej, haj naj ande leste khanchi tunyarikipe.

6. vers

Kana kodo phenas, ke ando kethanipe sam lesa haj ando tunyariko phiras, xoxavas, haj chi keras chachipe.

7. vers

Ba kana ando fimlalipe phiras, sar ke vi voj ando fimlalipe si, atunchi ando kethanipe sam jekhavresa, haj le Jezushesko, leske Shavesko rat uzharel amen kathar sako bezex.

8. vers

Kodo te phenas, ke naj amen bezex, xoxavas amen, haj naj ande amende chachipe.

9. vers

Avri te phenas amare bezexa, voj lashoj haj chachoj, te jertisarel le bezexa, haj te uzharel amen kathar sakono nasulipe.

10. vers

Kodo te phenas, ke chi bezexardam, xoxamneske keras les, haj lesko alav naj ande amende.

Fejezetek:

1 2 3 4 5