Angluno lil kaj le korintushicka
1. fejezet
Adresipe haj drobovjipe
1. vers
O Pal, anda Jezush Kristosko kamipe akhardo aposhtolo, haj o Sostenes phral,
2. vers
le Devleske korintushikana eklezhiake, ando Kristo Jezush suntosardenge, le akharde suntonge, sa kodalenca kethanes, kon po zhutipe akharen amare Rajesko le Jezush Kristosko anav, pe sako than, lende haj amende.
3. vers
Gracija tumenge haj pachipe kathar o Del, amare Dadestar, haj kathar o Raj Jezush Kristo.
Najisipe phenipe
4. vers
Sagda najisipe phenav mure Devleske anda tumende anda Devleski gracija, so davadyilas tumenge ando Jezush Kristo,
5. vers
ke ande sakofaloste barvale kerdyiline ande leste, ande sako alav haj pinzharipe.
6. vers
Ke le Kristosko chacharipe zurardyilas ande tumende,
7. vers
kade si tume dosta gracijake dimata, zhi tala kodi vrama, zhikaj zhukaren amare Rajesko le Jezush Kristosko sikadyipe,
8. vers
kon vi zurarela tumen zhikaj o agor, ke uzhe te aven pe amare Rajesko pe Jezush Kristosko dyes.
9. vers
Chachoj o Del, pa kaste perdal akharipe resline leske Shavesko, le Jezush Kristosko, ande amare Rajesko kethanipe.
Dumadinipe po jekhipe
10. vers
Mangav tumen, phralale, pe amare Rajesko, pe Jezush Kristosko anav, ke savorazhene zhikodo te phenen, haj tena avel mashkar tumende shindyipe, ba aven jekhtune haj jekh hatyarde zhiande kodi butyi.
11. vers
Ke kodi viaca ashundom pa tumende, mure phral, kathar le Kloe khereske manusha, ke xape si mashkar tumende.
12. vers
Pa kodo vorbisarav, ke mashkar tumende sakon kasave phenel: „Me le Palesko som”, „Me le Apollovesko”, „Me le Kefashesko”, „Me pale le Kristosko”.
13. vers
Dore pe riga shindyilas o Kristo? Apol le Pales tannardine po trushul anda leste, bake ande Palesko anav sanle bolime?
14. vers
Najisarav le Devleske, ke khanyikas chi boldom mashkar tumende, numa le Krispuses haj le Gajuses,
15. vers
tena phenel vi varikon, ke ande muro anav sanle bolime.
16. vers
Inke vi le Stefanaseske khereske manushen boldom: pa kadal kaver, chi zhanav, ke vi varikas te boldomas.
17. vers
Ke na anda kodo bishaldas man o Kristo, ke te bolav, ba anda kodo, ke o evangeliumo te viacarav, na le vorbenge platnikipesa, ke le Kristosko trushul tena xasarel peski zor.
Le trushuleski losshani viaca
18. vers
Ke o trushul alav si kodalenge, kon xasajventar, dilipej apol, ba kodalenge, kon muntusajven, kade amenge, le Devleski zor si.
19. vers
Ke iskirime si:”Mudarav le platnikimasko platnikipe, haj le godyaverengo godyaveripe nacharav”.
20. vers
Kaj si o platniko? Kaj si o iskiritori? Kaj si kadala lumako rodari? Apol na dilimatake kerdas o Del la lumako platnikipe?
21. vers
Ke e luma peske platnikipesa chi pinzhardas opre le Devles ande lesko devluno platnikipe, kade fajlas le Devles, ke perdal pa alav-viacarako dilipe muntusarel le patyamnen.
22. vers
Ke le bibolde somnura dorosaren, le hellena pale platnikimata roden,
23. vers
ba ame le Kristos viacaras, kas po trushul tannardine, ba so le bibolden chi faj, le murtikanonge pale chaladipe si;
24. vers
ba le akhardenge apol, le biboldenge haj le hellenonge jekhtunes, o Kristo si le Devleski zor haj le Devlesko platnikipe,
25. vers
ke le Devlesko dilipe maj platnikoj kathar le manusha, haj le Devlesko slabipe maj zuraloj kathar le manusha.
26. vers
Ke dikhen feri tumaro akharipe, phralale: na but si o platniko kathar o trupo, naj but o saktimo, naj but rajkano:
27. vers
ba kodo, so kathar e luma dilimataj, kodo alosardas avri o Del, ke te lazhavarel tele le zuralen.
28. vers
So kathar e luma telalutni si haj tele dikhli, kodal alosardas avri o Del: kodo, so khanchij, ke kodo so varisoj, te nacharel,
29. vers
ke chi jekh manush tena asharel pes angla o Del.
30. vers
Pa leste perdal san tume ando Jezush Kristo, kon kathar o Del amare platnikimaske, chachimaske, suntosardyimaske haj muntusardyimaske kerdyilas,
31. vers
ke sar iskirime si:
„Kon asharelpe, ando Raj te asharelpe”.
Könyvek
