Angluno lil kaj le korintushicka
6. fejezet
Le kristianonge bidake trabi
1. vers
Sar tromal mashkar tumende zhi varikon, kana krisaki butyi siles le kaveresa, kaj le murtikana te rodel o chachipe haj na kaj le suntura?
2. vers
Haj chi zhanen, ke le suntura krisarena la luma? Kana pale tume krisarena la lauma, dore chi sanle dosta pe kodo, ke pa khanchikane butya te krisaren?
3. vers
Chi zhanen, ke pe andyela krisarasa? Sodivar majfeder pe lumake butya!
4. vers
Kana apol ande lumake butya krisaren, kodalen shon le krisarenge, kon chi mol khanchi ande eklezhia?
5. vers
Anda kodo phenav kado, ke te lazhan tumen! Haj kade naj mashkar tumende chi jekh platniko manush, kon krisaripe zhanelas te phenel ande peske phralenge trabi?
6. vers
Phral le phralesa krisarelpe, haj inke angla murtikana.
7. vers
Haj aba vi kodo dosh si tumende, ke krisikane traba si tumen jekhavresa. Apol sostar chi toleralisaren barem le bi chachipes? Sostar chi toleralin le dosharipes?
8. vers
Haj inke tume keren bi chachimata haj keren dosh, haj apol le phralenge!
9. vers
Bake chi zhanen, ke le bi chache chi resen le Devleske themes? Na xoxaven tumen: chi marhisarde, chi fetisha kamade, chi ansuripe phagara, haj chi murshenca marhisarde mursh,
10. vers
chi xapavara, chi xanzhvale, chi matyarne, chi armaja cipisarde, chi chor, chi resena le Devleske themes.
11. vers
Bater, kasave sanasle unyizhene: ba thodine tumen, suntosardyipe resline, haj chachardyiline ande Rajesko le Jezush Kristosko anav, perdal pa amare Devleske Duho.
Bi moralipe haj o kristianicko slobodipe
12. vers
„Sakofalo slobodoj mange!” Ba na sakofalo zhutil. „Sakofalo slobodoj mange!” Feri me tena avav khancheski sluga.
13. vers
„O xamasko anda rinza si, haj e rinza anda xamasko!” Ba o Del vi kadales haj vi kodoles nacharel. Ba o trupo na anda marhipe si, ba anda Raj, o Raj pale anda trupo.
14. vers
Ke o Del opretrajardas le Rajes, haj vi amen opretrajarela peske saktimosa.
15. vers
Haj chi zhanen, ke tumaro trupo le Kristoske riga si? Te shinav apol le Kristoske riga, haj marhimaske zhulyake te kerav kodo? O Del te »rakhel haj te feril!
16. vers
Bake chi zhanen, ke kon marhime zhulyasa kamavelpe, jekhe truposke kerdyol lasa? Ke – sar o Iskiripe phenel –”dujzhene jekhe truposke kerdyon”.
17. vers
Kon pale le Rajesa jekhajvel, jekh dyi si lesa.
18. vers
Krujin le marhipes! Sakofalo bezex si, so o manush kerel, avral si pa trupo; ba kon marhilpe, kodo peske truposke bezexarel.
19. vers
Bake chi zhanen, ke tumaro trupo le Suntone Duhoski khangeri si, kon ande tumende si, haj so kathar o Del line, kade chi sanle tumare?
20. vers
Ke baro sas tumaro parudino potyinipe! Luvudyisaren apol le Devles ande tumaro trupo.
Könyvek
