Angluno lil kaj le korintushicka
2. fejezet
O Pal, le Devlikane platnikipesko viacari
1. vers
Vi me, kana tumende gelom, phralale, na la vorbake bake platnikipeske phutyarimatasa gelom, te viacarav tumenge le Devleski tajna.
2. vers
Ke mashkar tumende chi kamos pa kaver te zhanav, sar pa Jezush Kristo, pa kodo kas po trushul tannardine.
3. vers
Ando slabipe, ande bari dar somas mashkar tumende.
4. vers
Mure vorbi haj le alav-viacarimata na anda platnikipe phenos, ba anda Duho haj zorako zhanipe,
5. vers
ke tumaro patyape na pe manushengo platnikipe, ba pe Devleski zor te hodinisardyol.
6. vers
Platnikipe mashkar federa viacaras, ba na kadala lumako platnikipe, haj na kadala lumake po pustipe krisardine rajengo;
7. vers
ba le Devlesko tajnicko, garado platnikipe viacaras, so o Del kathar sagutnipe vladisardas pe amaro luvudyipe.
8. vers
Kado khonyik chi pinzhardas opre mashkar kadala lumake kraja, ke opre te pinzhardinesas, chikana tannardinesas po trushul le luvudyimaske Rajes.
9. vers
Ba sar iskirime si: „So jakh chi dikhlas, kan chi ashundas, so kaj le manushesko ilo opre chi reslas, kodo kerdas o Del kodalenge, kon kamen les”.
10. vers
Ba amenge avriphendas o Del perdal pa Duho: ke o Duho sakofalo avrirodel, inke vi le Devlesko milnope.
11. vers
Ke kon pinzharel mashkar le manusha le manushenge andralutne butya, kana na le manushesko duho, so ande leste si? Zhikade chi le Devleske andralutne butya chi pinzharel khonyik, numa le Devlesko Duho.
12. vers
Ba ame na la lumako duho lam, ba kodo Duho, so kathar o Del si, ke te pinzharas kodo, so o Del amenge das.
13. vers
Kado vi viacarisaras, ba na kathar o manushikano platnikipe, ba kathar o Duho sityarde vorbenca, kaj duhikane duhikanimata pashardines.
14. vers
Ba o manush chi hatyarel, so le Devlesko Duhosko si, ke bi hatyardoj kodo leske, haj chi zhanel te hatyarelles, ke duhikanes trubuj kodo te krisaren.
15. vers
O duhikano manush pale sakofalo krisarel, ba les khonyik chi krisarel.
16. vers
Ke kon pinzharel le Rajeske gindimata,
sar shaj sityarelas les?
Ande amende pale le Kristoske gindimata si.
Könyvek
