Angluno lil kaj le korintushicka

Fejezetek:

… 11 12 13 14 15 16   ⇤ ← 14 → ⇥

1. vers

Aven kamimaske, roden le duhoske dimata, haj majfeder pale kodo, ke te zhanen te profetalin.

2. vers

Ke kon pe shiba vorbil, na le manushenge vorbil, ba kathar o Duho vorbil tajnicka butya.

3. vers

Kon pale profetalil, le manushenge vorbil, pe lengo mishtyipe, haj ushoripe.

4. vers

Kon pe shiba vorbil, pe pesko mishtyipe kerel: ba kon profetalil, la eklezhiake kerel kodo.

5. vers

Fajas man apol, ke savorazhene te vorbinas pe shiba, ba majfeder kodo, te profetalin, ke majbaro si kodo, kon profetalil, sar kon pe shiba vorbisarel, atunchi, kana avriphenel kodo vi uzhes, pe eklezhiako mishtyipe.

6. vers

Kade apol phralale, tumende reslinos pe shiba te vorbisaros, so mishtyipe keros tumenge, kana chi vorbisaros tumende avri sikadyipesa bake pinzharipesa, profecipesa bake sityaripesa?

7. vers

Ke vi le bi trajisarde bashavjimata, sar e bansuri bake citera, kana chi den kaverfalo glaso, sar shaj pinzharen opre la bansura bake la citera?

8. vers

Haj kana o thur bichacho glaso del, kon zhala po larimo?

9. vers

Kade vi tume, kana pe shiba vorbisardes uzhi vorba chi phenav, sar hatyarena atunchi, ke so phenen?

10. vers

Ke kasave but shiba si pe luma, haj chi jekh naj bi hatyarde.

11. vers

Apol kana chi pinzharav so phenel e vorba, streno avo kodaleske, kon vorbil, haj vi kon vorbil streno avla mange.

12. vers

Kade vi tume, ke duhikane dimata kamen te resen, aven pe kodo, ke pe eklezhiako mishtyipe te barvajven.

13. vers

Zhi anda kado, kon pe shiba vorbisarel te rudyil, ke vi te phenel avri uzhes kodo.

14. vers

Ke kana pe shiba rudyisarav, muro duho rudyil, ba muro hatyaripe bi fruktoskoj.

15. vers

So avel avri anda kado? Te rudyisarav vi ando duho, ba te rudyisarav vi hatyaripesa; te gilybav vi ando duho, ba te gilyabav vi hatyaripesa.

16. vers

Ke kana numa ando duho phenes najisipe, kon kothe si bi zhanipesko, sar shaj phenel pe tyo najisipe, ke „Bater”, kana chi zhanel, ke so phenes?

17. vers

Ke chaches, tu shukares des najisipe, ba o kaver chi mishtyisajvel pe late.

18. vers

Najisipe dav le Devleske, ke savorazhenendar majfeder vorbisarav pe shiba;

19. vers

ba ande eklezhia barem kamav panzh vorbi godyaverikanes te phenav, ke vi kaveren te sityarav, sar deshmiji vorbi pe shiba.

20. vers

Phralale, ande godyaverikane butya na aven shavora, aven barem ando nasulipe shavora: ba ande godyaverikane aven oprebariline.

21. vers

Iskirime si ande kris:
„Pe strene shiba haj strenenge mujesa
vorbisaro maj kaj kado popularo,
ba chi kade chi ashunen pe mande” – |phenel o Raj.

22. vers

Apol kana pe shiba vorbin na le patyamnenge si kodo mishtyipe, ba le bi patyamnenge; o profetalipe pale na le bi patyamnenge, ba le patyamnenge.

23. vers

Apol kana kethane avel e intrego eklezhia, haj savorazhene pe shiba vorbina, kana bi zhanipeske bake bi patyamne te ushtyavena andre, dore na kodo phenena, ke dilyajline?

24. vers

Ba kana savorazhene profetalina, haj andre ushtyavela jekh bi patyamno bake bi zhanipesko, kodaleske sakon pe lesko duho vorbila, kodales sakon krisarela,

25. vers

leske ileske tajni avrizhanardyona, kade ke po muj burdosardines luvudyisarela le Devles, haj avriphenela: „Chachikanes mashkar tumende si o Del”.

26. vers

So avel avri anda kado, phralale? Kana kethane aven, haj savorazhenen si salmo, si sityaripe, si avrisikadyipe, si shibake dimatipe, si hatyaripe: sakofalo pe tumaro mishtyipe te kerdyol.

27. vers

Kana pe shiba del duma varikon, duj bake trin zhene te vorbin, pala jekhavreste, jekh pale te hatyaravel kodo.

28. vers

Tena naj kon hatyaravel, atunchi te ashol ande eklezhia: te vorbil peske haj le Devleske.

29. vers

Le profeti pale dujzhene bake trinzhene te vorbin, le majbut pale te krisaren len.

30. vers

Kana pale kaver, kon kothe si resel avrisikadyipe, o majangluno te asholtar.

31. vers

Ke pala jekhavreste savorazhene shaj profetalin, ke savorazhene te sityon, haj zuralipe te resen.

32. vers

Le profecimasko duho telalutnarelpe le profetaske.

33. vers

Ke o Del na le kethane boldipesko Del si, ba le pachipesko.
Sar vi ande suntonge intrega eklezhija,

34. vers

le romnya tena vorbin pe kethane avlimata, ke naj slobodo lenge te vorbisaren; ba te aven muklane, sar vi e kris phenel.

35. vers

Kana pale kamen te sityon variso, te pushen khere penge romen: ke chi perelpe le romnyange te vorbisaren pe kethane avlimata.

36. vers

Dore tumendar avilas le Devlesko alav, bake feri tumende reslas?

37. vers

Kon profetaske bake duhikane manusheske inkrel pes, te hatyarel, ke so tumenge iskirisarav, kodo le Rajesko vladipej.

38. vers

Kana pale varikon chi pinzharelles andre, atunchi chi les chi pinzharenatar.

39. vers

Anda kado, apol mure phral, profetalisaren, haj muken vi pe shiba te shaj vorbisaren.

40. vers

Ba sakofalo patyivales te pecilpe.

Fejezetek:

1 2 3 4 5 6 7 8 9 10 11 12 13 14 15 16