Angluno lil le Timoteusheske

Fejezetek:

1 2 3 4 5 6

1. vers

O Pal, le Devlesko, amare Muntosaresko haj le Kristo Jezushesko, amare speratimasko vladipe le Jezush Kristosko aposhtolo

2. vers

le Timoteusheske, peske skunpone shaveske ando patyape. Gracija, lashipe haj pacha kathar o Dadunodel haj kathar o Kristo Jezush, kathar amaro Raj!

3. vers

Kana dromardomtar ande Makedonia, pe kodo manglom tut, ke te ashos ando Efezush, haj vladisar unyizhenenge, ke tena sityaren kaver falos,

4. vers

tena grizhonpe paramichanca haj sagutne falipesa, save numa pe kecimata inkren, na kaj le Devleski pacha, so kathar o patyape fundosardyol.

5. vers

Le vladimasko dajno anda uzho ilo, anda lasho hatyaripe haj bi xoxamno patyapesko kamipe inkerdyol.

6. vers

Kodal rigatisajline sakofalostar, haj pe shushe vorbimata dine pengo shero.

7. vers

La krisake sityara fajas te aven, ba china chi hatyaren, so phenen haj chacharen.

8. vers

Ba ame zhanas, ke e kris lashij, kana kade hasnila sar trubuj:

9. vers

zhanindes, ke po chacho chi inkerdyol kris, feri po nasul, pe bi mukle, pe bi devlengire, pe bezexasle, pe bi suntosardende, pe dad mudara, pe dej mudara, pe mudara,

10. vers

pe marhime, pe murshenca marhime, pe manush chor, pe xoxamne, pe xoxamnes colaxara, haj pe kodo, so avralutnes kaver falo si kathar o sasto sityaripe,

11. vers

kathar o ananpo Devlesko pe mande muklino evangeliumo.

12. vers

Najisipe phenav kodaleske, kon zor das man, le Kristo Jezusheske, amare Rajeske, ke chacheske gindisardas man, haj pe kado slugipe vladisrdas man,

13. vers

kon angla kodo kushlimasko, nashavari haj marhimasko somas, ba jertipe reslom, ke ande muro bipatyape bizhanipesko keros le trabi.

14. vers

Haj vi shordas man amare Rajeski gracija, ando Kristo Jezush patyapesa haj kamipesa kethanes.

15. vers

Chachi vorbaj kadi, haj patyamnipe perimaski: anda kodo avilastar o Kristo Jezush pe kadi luma, ke te muntosarel le bezexaslen. Mashkar kadal o anglono me som.

16. vers

Ba zhi anda kodo reslom jertipe, ke o Kristo Jezush pe mande, po angluno te sikavel pesko lungo toleranshipe, pe sityimaste kodalenge, kon patyana ande leste ando sagutno trajo.

17. vers

Patyivipe haj luvudyipe anda leste le sagutnimaske bi mulimaske, haj bi dikhlimaske Krajeske, le jekhtune Devleske, sagutno-sagutnes! Amen!

18. vers

Kadal vladimata phandav pe tyo duho, muro shavo Timoteush, pe kodol profecimata palpale akharindes, so pa tute vorbisaren, ke ande kodal patyamnes mar o lasho maripe,

19. vers

haj inker tyo patyape haj lashe duhoskohatyaripe, so unyizhene shudinetar, haj kade berosko kethane phagerdyilipe dukhardine ando patyape.

20. vers

Mashkar kadal inkerdyon o Himeneus haj o Alexander, kas perdal dom le shatanoske, muk te sityonles, ke tena kushen majbut.

Fejezetek:

1 2 3 4 5 6