Angluno lil le Timoteusheske

Capítulos:

1 2 3 4 5 6

verso 1

O Pal, le Devlesko, amare Muntosaresko haj le Kristo Jezushesko, amare speratimasko vladipe le Jezush Kristosko aposhtolo

verso 2

le Timoteusheske, peske skunpone shaveske ando patyape. Gracija, lashipe haj pacha kathar o Dadunodel haj kathar o Kristo Jezush, kathar amaro Raj!

verso 3

Kana dromardomtar ande Makedonia, pe kodo manglom tut, ke te ashos ando Efezush, haj vladisar unyizhenenge, ke tena sityaren kaver falos,

verso 4

tena grizhonpe paramichanca haj sagutne falipesa, save numa pe kecimata inkren, na kaj le Devleski pacha, so kathar o patyape fundosardyol.

verso 5

Le vladimasko dajno anda uzho ilo, anda lasho hatyaripe haj bi xoxamno patyapesko kamipe inkerdyol.

verso 6

Kodal rigatisajline sakofalostar, haj pe shushe vorbimata dine pengo shero.

verso 7

La krisake sityara fajas te aven, ba china chi hatyaren, so phenen haj chacharen.

verso 8

Ba ame zhanas, ke e kris lashij, kana kade hasnila sar trubuj:

verso 9

zhanindes, ke po chacho chi inkerdyol kris, feri po nasul, pe bi mukle, pe bi devlengire, pe bezexasle, pe bi suntosardende, pe dad mudara, pe dej mudara, pe mudara,

verso 10

pe marhime, pe murshenca marhime, pe manush chor, pe xoxamne, pe xoxamnes colaxara, haj pe kodo, so avralutnes kaver falo si kathar o sasto sityaripe,

verso 11

kathar o ananpo Devlesko pe mande muklino evangeliumo.

verso 12

Najisipe phenav kodaleske, kon zor das man, le Kristo Jezusheske, amare Rajeske, ke chacheske gindisardas man, haj pe kado slugipe vladisrdas man,

verso 13

kon angla kodo kushlimasko, nashavari haj marhimasko somas, ba jertipe reslom, ke ande muro bipatyape bizhanipesko keros le trabi.

verso 14

Haj vi shordas man amare Rajeski gracija, ando Kristo Jezush patyapesa haj kamipesa kethanes.

verso 15

Chachi vorbaj kadi, haj patyamnipe perimaski: anda kodo avilastar o Kristo Jezush pe kadi luma, ke te muntosarel le bezexaslen. Mashkar kadal o anglono me som.

verso 16

Ba zhi anda kodo reslom jertipe, ke o Kristo Jezush pe mande, po angluno te sikavel pesko lungo toleranshipe, pe sityimaste kodalenge, kon patyana ande leste ando sagutno trajo.

verso 17

Patyivipe haj luvudyipe anda leste le sagutnimaske bi mulimaske, haj bi dikhlimaske Krajeske, le jekhtune Devleske, sagutno-sagutnes! Amen!

verso 18

Kadal vladimata phandav pe tyo duho, muro shavo Timoteush, pe kodol profecimata palpale akharindes, so pa tute vorbisaren, ke ande kodal patyamnes mar o lasho maripe,

verso 19

haj inker tyo patyape haj lashe duhoskohatyaripe, so unyizhene shudinetar, haj kade berosko kethane phagerdyilipe dukhardine ando patyape.

verso 20

Mashkar kadal inkerdyon o Himeneus haj o Alexander, kas perdal dom le shatanoske, muk te sityonles, ke tena kushen majbut.

Capítulos:

1 2 3 4 5 6