Evangeliumo kathar o Lukach
capítulo 1
Anglardi vorba
verso 1
Ke aba but zhene zumadepe, te phenen sa kodal trabi, save mashkar amende pecisardyiline,
verso 2
sar vi phende amenge kodola, kon kathar anglipe dikhara haj slugara sas le alaveske,
verso 3
la-sheske dikhlom vi me, zhi pala soste pe sakofaloste pala leste phirdom kathar o anglipe zhikaj o agor, tukhe, patyivale Teofil, tele te iskirisarav sogodi,
verso 4
te pinzhares kodale trabengo chachipe, pe save tut sityardine.
Le Bolare Janosheske arakhadyimas- ko avrizhanaripe
verso 5
Sas le Herodesheske, ande Judeaeke krajeski vrama jekh Zakariash anavesko rashaj, anda Abicka rashajengo grupo. Leski romnyi mashkar Aroneske sheja sas, haj Elizabetake akharenas la.
verso 6
Solduj zhene chache sas angla o Del, haj patyivales trajinas kade sar o Raj vladisardas, haj mukhlas lenge.
verso 7
Ba nasle shavoro, ke e Elizabet bi sumburaki sas, haj aba solduj zhene kaj e phurani vrama phirenas.
verso 8
Pelaspe apol, kana ando grupo peski rashajicko butyi kerlas angla o Del,
verso 9
haj sar kaj e rashaja sityilas t«avel, e avri ginavjimata leske das perdal e dhunimaski patyiv, andre gelas ande Rajeski khangeri,
verso 10
zhikana sa le intregone manusha avral rudyinas ande lashasungako andre sikadyimatako chaso.
verso 11
Atunchi sikadyilas leske le Rajesko andyelo, haj pe dhunimaske oltareski chachi rig tordyilas.
verso 12
Kado dikhlines o Zakariash bari dikhlas, haj bari dar muklyosardyilas pe leste.
verso 13
O Andyelo kado phendas leske: „Na dara Zakariash, ke ashundyisardyilas tyo rudyipe: tyi romnyi, e Elizabet, shavo anela pe luma tuke, haj lesko anav Jano-sheske phenesa.
verso 14
Tyi lossh haj tyi voja avla voj tuke, haj but zhene loshshana pe lesko arakhadyipe.
verso 15
Ke baro avla angla o Raj: mol haj matyarimaske pimata chi pela, haj aba ande peska dako per pherdyola Suntone Duhosa.
verso 16
Mashkar le Izraeleske shave, but zhenen boldela karing pengo Raj, karing o Del.
verso 17
Le Illesheska manoblesa haj zorasa phirla angla leste, ke le dadenge ile karing le shave te boldel, le bipatyamnen pale pe chachengo godyaveripe, haj kade le manushen angle te lasharel le Rajeske.”
verso 18
Atunchi o Zakariash pushlas les: „Anda soste shaj zhanav sa kadal? Ke me phuro som aba, haj vi muri romnyi anglegelyi si aba ande peske dyesa.”
verso 19
O andyelo kodo phendas leske: „Me o Gabriel som, kon angla o Del tordyuvav, haj anda kodo bishalde man, te dav duma tute, haj kadal losshane vorbi te anav tuke.
verso 20
Ba aketa, mucisajves, haj chi zhanes te vorbis zhikaj kodo dyes, zhikaj kadal chi pecisardyon andre, ke chi patyajlan mure vorbenge, save ande pengi vrama andre pherdyona.”
verso 21
Talakadi vrama le manusha zhukarenas le Zakariashes, haj chudinaspe, ke sosko butaig si andre ande khangeri.
verso 22
Kana pale avriavilas, chi zhanelas te vorbil lende, haj hatyardine, ke sikadyipe dikhlas ande khangeri: voj pale sikadas lenge haj muto ashilas.
verso 23
Kana pale nachiletar leske butyake vrami, palpale gelas ando kher.
verso 24
Pala kadal dyesa e Elizabet, leski romnyi phari kerdyilas, haj garadyilas panzh shon, kodo phendes:
verso 25
„Kado kerdas manca o Raj ande kadal dyesa, kana pe mande dikhlas, te lel muro lazhavjipe angla e manusha.”
Le Jezusheske arakhadyimasko avri viacaripe
verso 26
O Del pale ando shovto shon bishaldas le Gabriel andyelos ande Galileako foro, saveske Nazaret si lesko anav,
verso 27
kaj jekh sunto, savi jekhe mursheski piramnyi sas. Lesko anav Jozhef sas, anda Davidesko kher, la suntonako anav pale Marija.
verso 28
Andre gelas late o andyelo, haj kade das duma: „Av drobome, gracijasa pherdo, o Raj si tusa.”
verso 29
Daradas la kadal phenimata, haj las te gindilpe, ke sosko dyes dinipe si kado.
verso 30
O andyelo pale majdur vorbilas: „Na dara, Marija! Gracija arakhlan kaj o Del.
verso 31
Aketa, phari peresa haj shaves anesa pe luma, haj Jezusheske anavaresa les.
verso 32
Baro avla voj, le Uchimaske Shaveske anavarna les: o Raj Del leske del leske dadesko, le Davidesko krajicko iskamin,
verso 33
haj krajarla pe Jakobesko kher sagda, haj leske krajisaripeske chikana avla agor”.
verso 34
E Marija pe kado kade das duma kaj o andyelo: „Sar shaj avlas kado, ke me murshes chi pinzharav?”
verso 35
Pe kado o andyelo kado phendas lake: „O Sunto Duho hural pe tute, haj le Uchimaski zor ushajinarela tut, haj anda kado le Suntones, kon tutar arakhadyol, le Devleske shaveske anavarena.
verso 36
Aketa, e Elizabet, tyiri lala, phari pelas pe peski phurimata haj shavo avlala, kon aba ando shovto shon si, voj, kas bi sumburake phenenas,
verso 37
ke le Devleske khanchi naj bi shajipe”.
verso 38
E Marija pe kado kodo phendas: „Aketa, le Rajeski slugoni shej, t«avel mange sar tye alava phenen.” Thaj nachilastar latar o andyelo.
E Marija zhaltar kaj e Elizabet
verso 39
E Marija pale las te dromarel ande kodal dyesa, haj sidyardines gelastar mashkar le plaja, ande Judeako foro.
verso 40
Andre gelas ande Zakariashesko kher, haj dyes das la Elizabeta.
verso 41
Haj kade pecisardyilas, ke kana e Elizabet ashundas la Marijako glaso, oprelosshajlas ande lako per o cino shavoro haj e Elizabet pherdyilas Suntone Duhosa.
verso 42
Glasunes oprecipisardas: „Ashtyilime san tu mashkar le romnya, haj ashtyilime si tye truposko frukto!
verso 43
Ba sar shaj pecisardyilas manca kado, ke mure Rajeski dej avel mande?
verso 44
Ke aketa, kana ande mure kan opreashundyilas tyo dyes dinipe, oprelosshajlas ande muri utera o shavoro.
verso 45
Haj anandoj, kon patyalas, ke andre pherdyola, so o Del phendas leske.”
verso 46
E Marija pe kado kade das duma:
„Asharel muro duho le Rajes,
verso 47
haj muro ilo losshal ande muro muntusari Del,
verso 48
ke pe peski muklyona sluginya dikhlas.
Aketa, kathar kadi vrama
baxtajake phenla man sakone populara,
verso 49
ke bari butyi kerdas manca o Baro,
haj Suntoj lesko Anav.
verso 50
Lesko lashipe pe jekh po kaver popularo
hural, kon les daran.
verso 51
Bare butya kerel peske kujeska zorasa,
rispisardas ande gindimata phudyarden.
verso 52
Krajen tele shudas pa krajicko iskamin,
haj le cinen oprevazdas.
verso 53
Le bokhalen andre pherdyardas sakone lashipenca,
haj shushes bishaldas le barvalen.
verso 54
Oprezhutisardas peske slugas, le Izraeles,
chi serojindes pa lashipe,
verso 55
sar so phendas amare dadenge,
le Abrahameske haj leske falonge sagda vramate”.
verso 56
Haj e Marija late ashilas trin shon, pala kodo khere gelas.
Le Bolare Janoshesko arakhadyipe
verso 57
Avilastar apol e vrama, e Elizabet t«anel pe luma le shavores, vi shavo kerdyilas.
verso 58
Ashunde kado lake vechina haj lake nyamura, ke o Raj sosko baro lashipe kerdas lasa, haj kethanes losshanas lasa.
verso 59
Pecisardyilas apol, ke po oxtoto dyes aviline krujal te shinen le shavores, haj pa lesko dad Zakariasheske kamline te anavaren les.
verso 60
Ba leski dej kade das duma: „Chi sar, ke Janosh avla lesko anav.”
verso 61
Pe kado kodo phendine: „Ba khonyik naj mashkar tye nyamura, kas kade anavaren.”
verso 62
Pushline kade leske dades, ke sar kamel les te anavarel.
verso 63
Voj pale iskirimasko skundo manglas, haj kadala vorbi iskirisardas opre: „Janosh si lesko anav.” Savorazhene bari dikhline.
verso 64
Pe kado puterdyilas lesko muj haj leski shib, duma das, haj asharelas le Devles.
verso 65
Bari dar das pe intregone vechina, haj kadala trabaki viaca avrizhanglyilas ande intrego Judeaeake plaja.
verso 66
Sakon kon ashundine, ande pengo ilo garade kado, haj pushenas: „So avla anda kado shavoro” Ke le Devlesko vast sas lesa.
verso 67
Lesko dad pale, o Zakariash, andre pherdyilas Suntone Duhosa haj kade profecisarlas:
verso 68
„Ashtyilimej o Raj, le Izraelesko Del,
ke avilas haj muntusardas peske popularen.
verso 69
Le muntusaripekso somno kerdas amenge,
le Davideske, ande leske slugasko kher,
verso 70
sar so phendas peske Suntonge peske vushtenca,
kathar anglunipe le profetanca.
verso 71
Muntusardas amen kathar amare dushmana,
haj sa anda kodalenge vast, kon xolyajven pamende:
verso 72
ke lashimata te kerel amare dadenge,
haj te serosajvel pa sunto konvencija,
verso 73
pa colax, savasa amare Abraham dadeske colaxardas,
ke dela amenge,
verso 74
ke skepisajvas anda amare dushmanonge vast,
kade bi darimatasa shaj slugisaras leske,
verso 75
ando Suntope haj chachipe angla leste
ande amare trajosko sako dyes.
verso 76
Tut pale, shavore, le Uchimataske profetaske anavarena:
ke angla o Raj phiresa, angle te lashares lesko drom,
verso 77
haj leske popularon pe muntuipesko
pinzharipe te sityares, pe lenge bezexjertimata,
verso 78
anda amare Devlesko milno lashipo,
savesa avilas te dikhel amen voj ando uchipe opre ushtyindo,
verso 79
ke fimlalipe te anel kodalenge,
kon ando tunyariko haj ande merimasko ushajin beshen,
haj amareushtyavjimata pe pachako drom te lasharel”.
verso 80
O shavoro pale barardyolas haj zurardyolas ando duho, haj ande pusta sas zhikaj kodo dyes, zhikaj chi sikadaspe ando Izrael.
Libros
