Evangeliumo kathar o Lukach

capítulo 9


Capítulos:


Le deshudujengo bishalipe


verso 1

Pala kado kethane akhardas le deshuduje aposhtolen, zor haj saktimo das len pe bengengo nashavjipe haj pe nasvalimatange sastyarimata.


verso 2

Pala kodo bishaldas len, te viacaren le Devlesko them, haj te sastyaren le nasvalen.


verso 3

Kodo phendas lenge: „Khanchi na ingren po drom, chi rolyi, chi trasta, chi manro, chi love, haj chi duj gad tena avel tumen!


verso 4

Ande savo kher andre zhan, ashon kothe, haj kothar zhan majdur!


verso 5

Kana pale varikaj chi muken tumen andre, kana muken o foro, inke vi tumare punrengo praho maren tele, chacharimaske pe lende!”


verso 6

Geletar apol, andre phirdine le gava, viacarisarenas o evangeliumo, haj sastyarenas sako rig.


Phenimata pa Jezush


verso 7

O Herodesh fertajicko kraj ashundas pa sakofaloste, haj daralas, ke unyizhene kodo phendine, ke:


verso 8

„O Janosh trajisajlas opre anda o meripe”, kavera pale, ke: „O Illesh sikadyilas”, inke kavera pale: „Mashkar dulmutane profeti trajisajlas opre varisavo”:


verso 9

Atunchi o Herodesh kodo phendas: „Le Janoshesko shero teleshinadom: kon si apol kado, pa kaste kasave ashunav?” Haj kamlas te dikhel les.


Le sityardengo palpale avlipe: le manresko butaripe


verso 10

Le aposhtolura palpale aviline, haj phendine leske sa kodola, so kerdine. Pala kodo lenca kethanes gelastar andekh Betsaidake anavarde forosesko pashipe.


verso 11

Kana le manusha kado avrizhangline, pala leste geline. Voj peste mukhlas len, vorbilas lenge pa Devlesko them, haj kodalen, kon nasvale sas, sastyardas.


verso 12

Ba o kham aba tele nakhelas, anda kado le deshuduj kothe geline leste, haj kado phendine: „Bishal le manushen, te shaj zhantar ande cine gava, te rakhen sovjimasko than, haj te shaj zhanen vi xamasko te kinen, ke ande pusta samle.”


verso 13

Ba voj kado phendas: „Tume den len te xan!” Kodal kado phendine: „Naj amen majbut sar panzh manre haj duj mashe, kana feri chi zhasatar ame haj kinas xamasko kadale intregone manushenge.”


verso 14

Ke le mursh dore panzh miji zhene sas. Atunchi kado phendas peske sityardenge: „Beshaven len tele ande panzhvardeshenge grupura!


verso 15

Vi kade kerdine, haj vi tele beshade savorazhenen.


verso 16

Atunchi xutyildas le panzhe manren haj le duje mashen po cheri dikhlas, ashtyilisardas len, phaglasle, haj peske sityardenge dasle, te denle kothe le manushenge.


verso 17

Savorazhene xaline, haj chajiline. Pala kodo opre kidine, so mukhline: deshuduje koshnyici pherdo manrenge kotorenca.


Le Peteresko avriphenipe: le Jezusheski angluni profecia pa dukhardyipe haj pa opretrajisaripe


verso 18

Pelaspe jekhar, ke kana korkoro rudyilas, haj vi le sityarde lesa sas, pushlas len: „Kaske inkrel man e butimata?”


verso 19

Von kado phendine: „Si kon le Bolare Janosheske, kavera le Illesheske, inke kavera pale kodo phenen, ke anda dulmutane profeti trajisardyilas opre varikon.”


verso 20

Pala kodo pushlas lendar: „Haj tume kaske inkren man?” O Shimon Peter das vorba palpale: „Le Devleske Kristoske.”


verso 21

Voj pale pe lende vladisardas haj phendas lenge, ke kado khanyikaske tena phenen avri, haj kade das duma:


verso 22

„Le Manusheske Shaveske but trubuj te dukharel, trubuj te xasaren les le phure, le rashajenge anglalutne haj le iskiritora, trubuj te mudaren les, haj po trito dyes opre trubuj te trajisardyol.”


Pala Jezush zhalipe: haj o pesasvikaripe


verso 23

Pala kodo sakoneste vorbisarlas: „Kana varikon pala mande kamel t«avel, te asvikarel pes, haj te lel opre pesko trushul sakodyes, haj t«avel pala mande.


verso 24

Ke kon kamel te muntul pesko trajo, xasarel kodo: kon pale xasarel pesko trajo anda mande, muntul kodo.


verso 25

So mol le manusheske, kana e intrego luma leski avla, pes pale xasarel, bake ande peste dosh dukharla?


verso 26

Ke kon lazhal man haj mure alava, kodales vi le Manushesko Shavo lazhala, kana avela ande pesko, ande Dadesko haj ande Suntone andyelengo luvudyipe.


verso 27

Chachikanes phenav tumenge: si mashkar kathe tordyiline unyizhene, kon chi pinzharna o meripe, zhikaj chi dikhena le Devleske themes.”


Le Jezushesko avriparnyipe


verso 28

Pecisardyilas pala kadal phenimata dore oxto dyesenca majpalal, ke pashapeste las le Peteres le Jakabos haj le Janoshes, haj opre gelas po plaj te rudyil.


verso 29

Sar rudyilas, leski mosura avriparnyilas, leske gada pale parnes fimlalas.


verso 30

Haj aketa, duj mursh vorbinas lesa, o Mozesh haj o Illesh,


verso 31

kon ande luvudyimata sikadyiline, haj vorbinas pa leski zhalimata, so ande o Jeruzhalemo trubuj leske andre te pherdyarel.


verso 32

Le Peteres haj kon lesa sas pizdas e lindra. Kana opreushtyiline, dikhline lesko luvudyipe haj le duje murshen, kon kothe tordyonas lesa.


verso 33

Haj kana nachiline lestar, o Peter kado phendas le Jezusheske: „Maistro! Mishto si amenge kathe t«avas! Mukh te keras trin cerhi: tuke jekh, le Mozesheske jekh haj le Illesheke jekh!” Chi zhanelas apolal, ke so phenel.


verso 34

Zhikana kadal phenelas, jekh noro huraldas tele, haj andre sharadas len. Kana ando noro resline, dar xutyildas len.


verso 35

Anda noro glaso ashundyilas: „Kado muro alosardo shavoj, les ashunen”.


verso 36

Kana o alavipe nachilastar, o Jezush pale korkoro sas. Von pale chi vorbinas, haj khanyikaske chi dine duma ande kodal dyesa, so dikhline.


Jekhe bengale ternesko sastyaripe


verso 37

Pecisardyilas kaverdyes apol, ke sar tele geline pa plaj, baro butipe avelas karing lende.


verso 38

Haj aketa anda butimata oprecipisardas jekh mursh: „Maistro! Mangav tut, dikh pe muro jekhtuno shavo, ke numa voj si mange!


verso 39

Aketha, jekh duho xutyilel les haj jekharsa oprecipil: kade shudel les ke spuma marel, haj feri unyivar del les pacha.


verso 40

Manglom tye sityarden te nashaven les avri, ba chi zhangline.”


verso 41

O Jezush kado phendas: „O, bipatyamne haj rumome populara! Zhisode vrama t«avav inke tumenca haj zhisodenge te toleralisarav tumen? An angle tye shaves!”


verso 42

Kana angle avilas, kaj e phuv shindas les o beng, haj opre tele shudelas les. Ba o Jezush po biuzho vladisardas, sastyardas le shavores, haj palpale das les leske dadeske.


verso 43

Atunchi savorazhene bari dikhline pe Devlesko baripe.

Dujto profecipe pa dukhardyipe haj pa opretrajisaripe Ke savorazhene chudinaspe pe kodo so kerdas, voj kade das duma kaj peske sityarde:


verso 44

„Ashunen mishto kadal vorbimata: le Manusheske Shaves ande le manushenge vast dena.”


verso 45

Ba von chi hatyardine kadal vorbi. Garado sas angla lende, tena hatyarenle, ba chi tromajline te pushen les pa kadal vorbimata.


Le sityardengo rivalizalipe


verso 46

Pala kodo opreavilas e vorba, ke kon si mashkar lende o majbaro.


verso 47

O Jezush kon pinzharelas lenge ilengo gindipe, kothe akhardas jekhe shavores, haj pashapeste tordyardas les,


verso 48

haj kodo phendas lenge: „Kon andre svagarel kadale shavores ande muro anav, man svagarel andre: haj kon man andre svagarel, kodales svagarel andre, kon man bishaldas. Ke kon mashkar tumende o majcinoj, kodo si o majbaro.”


O streno kon chudimata kerelas


verso 49

Atunchi o Janosh kade das duma: „Maistro! Dikhlam varikas, kon ande tyiro anav bengen nashavelas, haj nashtisardam leske, ke ch«avel pala tute amenca kethanes.”


verso 50

O Jezush kodo phendas lenge: „Na nashtisaren leske: Ke kon chi del pe tumende, kodo tumenca si.”


Le samaritanengo dushmanipe


verso 51

Kana aba pashe sas leske opreingremaske dyesa, gindisardas, ke ando Jeruzhalemo zhal.


verso 52

Legatara bishaldas angla peste, kon vi gelinetar, haj ande samaritanengo jekh than resline, than te keren leske.


verso 53

Ba kodal chi mukhline len andre, ke ando Jeruzhalemo kamelas te zhal.


verso 54

Kado dikhlines, leske sityarde, o Jakab haj o Janosh kado phendine: „Raja! Kames apol, te mangas, te hural tele jag anda cheri, haj te mudarel len?”.


verso 55

Ba voj karing lende boldaspe haj tele lazhavardas len,


verso 56

haj gelinetar andekh kaver gav.


Pala Jezush zhalipe


verso 57

Sar zhanas po drom, varikon kodo phendas lenge: „Zhav pala tute, zhikaj zhas!”


verso 58

O Jezush kodo phendas leske: „Le hilpan xiv sile, le chereske chiriklyan pale kulybo, ba le Manusheske Shaveske naj kaj tele shol pesko shero.”


verso 59

Jekhe kavereske kado phendas: „Av pala mande!” Kodo kado phendas palpale: „Raja! Mukh majanglal, te zhavtar, haj te praxosarav mure dades!”


verso 60

O Jezush kado phendas leske: „Mukh pe mule, te praxosaren penge mulen: tu pale zha haj viacar le Devlesko them!”


verso 61

Vi jekh kaver phendas: „Raja! zhav pala tute: ba mukh, majanglal te shaj dyesaravtar kathar mure nyamura!”


verso 62

O Jezush kodo phendas leske: „Kon pesko vast pe plugoske sastra shol haj palpale dikhel, kodo naj lasho pe Devlesko them.”

Capítulos:


Libros