Evangeliumo kathar o Lukach

Capítulos:

… 8 9 10 11 12 …   ⇤ ← 10 → ⇥

verso 1

Pala kado o Raj avri alosardas kavere eftavardesh thaj dujen, haj dujtopenca bishaldas len angla peste ando sako foro haj sako than, kaj kamelas te zhal.

verso 2

Kodo phendas lenge: „O kosipe but si, ba le butyara cerraj. Mangen apol le kosimaske Rajes, te bishalel butyaran ando kosimatipe.

verso 3

Zhantar! Aketa, kade bishalav tumen, sar bakren mashkar le ruv.

verso 4

Na ingren trasta, chi sandala, haj po drom khanyikaske na den dyes.

verso 5

Kana ande varisosko kher andre zhan, majanglal kado phenen: »Pachipe kadale khereske!«

verso 6

Kana pachako shavo beshel kothe, pe leste hurala tumari pacha: ba kana na, palpale hural pe tumende.

verso 7

Ashon zhiande kodo kher, xan thaj pen, so sile, ke perelpe le butyareske leski potyin. Na phiren pa jekh kher po kaver.

verso 8

Kana ande varisavo foro andre zhan, haj kothe andre svagaren tumen, xan, so angla tumende shon.

verso 9

Sastyaren le nasvalen, kon kothe avna, haj phenen lenge: »Pashardyilas tumende le Devlesko them.«

verso 10

Kana pale andekh foro andre zhana, haj chi svagarena tumen andre, zhan avri pe vujica, haj phenen:

verso 11

»Inke vi o praho tele maras tumenge, so ande tumaro foro pamare punre kidadyiline opre: ba zhanen avri, ke pashardyilas le Devlesko them.«

verso 12

Phenav tumenge: la Sodomake majushoro zheja avlala pe kodo dyes, sar kodole foroske.

verso 13

Jaj tuke, Korozain! Jaj tukhe, Betsida! Ke ande o Tírus haj Sidon pecisardyilesas ande tumende kerdyiline chudi, aba dulmut ando gono haj praho beshindo inkresardinesas bezexbunuimatipe.

verso 14

Ba le Tiruseske haj le Sidoneske majushoro avla lengi zheja ando krisaripe, sar tumenge.

verso 15

Haj tu, Kafarnaum! Dore zhikaj o cheri vazdadyosa? Ande telalutni luma peresa!

verso 16

Kon tumen ashunel, man ashunel, haj kon tumen tele dikhel, man dikhel tele: kon pale man dikhele tele, kodales dikhel tele, kon man bishaldas.”

verso 17

Kana le eftavardesh thaj duj palpale aviline, loshshanes phenenas: „Raja! Inke vi le beng mukenaspe amenge ande tyiro anav!”

verso 18

Voj kodo phendas lenge: „Dikhlom le shatanos: sar o strafin kade pelas tele anda cheri.

verso 19

Aketa, zor dom tumen, pe sapa haj skorpiovura te phiren, haj sa pe dushmana saktimata, haj khanchi chi zhanela ande tumende dosh te kerel.

verso 20

Ba na kodaleske losshan, ke le duhura mukenpe tumenge, ba kodaleske losshan, ke tumaro anav opre si iskirime ande rajura.”

verso 21

Ande kodo chaso o Jezush opreloshshajlas ando Sunto Duho haj kade das duma: „Ashtyilisarav tut, Dade, le rajongo haj la phuvako Raj, ke garadan kadal angla platnika haj godyavera, haj sikadan les le cinenge. Ova, Dade, ke kade fajlas tuke.

verso 22

Muro Dad sakofalo perdal das mange. Khonyik chi zhanel, ke kon si o Shavo, feri o Dad: haj chi kodo, ke kon si o Dad, feri o Shavo, haj kaske o Shavo avri kamel te phenel.”

verso 23

Pala kodo karing le sityarde boldaspe haj numa lenge phendas: „Anandoj e jakh, savi dikhel, so tume dikhen.

verso 24

Ke phenav tumenge: but profeta haj kraj kamlas te dikhel, so tume dikhen, haj chi dikhline, haj te ashunen, so tume ashunen, ba chi ashundine.”

verso 25

Atunchi opretordyilas jekh kris zhanari, avri te zumavel les, haj kade das duma: „Maistro! So te kerav, te rakhav o sagutno trajo?”

verso 26

Voj kodo phendas leske palpale: „So si iskirime ande e kris? Sar ginavesles?

verso 27

Kodo kado phendas: „Kam tye Rajes, tye Devles anda tyo chacho ilo haj intrego duho, anda sogodi zor haj intrego godyi, tye dopashone vortakos pale sar tut.”.

verso 28

Pe kado voj kade das duma: „Mishto vorbisardan! Ker kado haj trajisa.”

verso 29

Ba kodo kamlas te chacharelpe, anda kado pushlas le Jezushes: „Ba kon si muro dopashuno vortako?”

verso 30

O Jezush atunchi kade las te vorbisarel: „Jekh manush anda o Jeruzhalemo ando Jerikovo gelas, ba ande chorenge vast pelas. Kodal chordine les, mardine les, pala kodo dopashmulones kothe mukhline les haj gelinetar.

verso 31

Kade pecisardyilas, ke jekh rashaj zhalas tele pe kodo drom: dikhlas les, ba majdur gelas.

verso 32

Zhikade vi jekh levita, kana kaj kodo than reslas haj dikhlas les, gelastar pashaleste.

verso 33

Intye gelas vi jekh samaritano. Kana kothe reslas haj dikhlas les, sunusardas les.

verso 34

Kothe ushtyadas, uloj haj mol shordas pe lesko dukhado trupo, haj andre phanglas les: pala kodo opreshutas les pe peski magara, haj ingerdas les andekh kirchima haj grizholas les.

verso 35

Kaver dyes angle las duj denara, kothe dasle le kirchimareske, haj kado phendas: »Grizhosar les, haj majbut te potyinesas pe leste, kana palpale avo, atunchi dav kodo tuke.«

verso 36

So gindis, mashkar kadal trin, savo kerdyilas dopashone vortako kodaleske, kon ande le chorenge vast pelas?”

verso 37

Kodo kado phendas: „Kodo, kon lashipe kerdas lesa.” O Jezush pe kado kodo phendas leske: „Zhatar, haj vi tu zhikade ker!”

verso 38

Pelaspe apol, ke kana majdur geline, andre gelas andekh gav, kaj jekh romnyi kaske Marta sas lako anav, andre mukhlas les ande pesko kher.

verso 39

Sasla »ekh pheny kaske Maria sas lako anav, kon kaj le Rajeske punre beshlines ashunelas leske vorbi,

verso 40

e Marta pale lelas-sholas peski butyi. Jekharsa tordyilas haj kade das duma: „Raja! Chi grizhos kodolasa, ke muri pheny korkori mukel man te slugisarav? De aba lake duma, te zhutil!”

verso 41

O Raj kado phendas lake: „Marta, Marta! Pe but sakofaloste gindo si tut haj but sakofalosa grizhos tu,

verso 42

ba feri pe jekh trubujas. E Maria e lashuni rig alosardas, haj china chi xasarela la chikana.”

Capítulos:

1 2 3 4 5 6 7 8 9 10 11 12 13 14 15 16 17 18 19 20 21 22 23 24