Janoshesko trito lil

verso 1

O prezhbitero le skunpone Gajuseske, kas chachikanes kamav.

verso 2

Muro skunpo! Anda kodo rudyisarav, ke ande sakofaloste baxtales te phires, haj sasto te aves, sar ke vi tyo duho mishto si.

verso 3

Zurales losh-shajlom, kana le phral resline, haj chacharipe kerdine pa tyo chachipe, pa kodo, ke ando chachipe phires.

verso 4

Naj man majbari lossh kathar kodo, sar kana ashunav, ke mure shavora ando chachipe phiren.

verso 5

Muro skunpo! Chaches keres sakofalo, so anda phral haj inke vi anda streni keres.

verso 6

Von chacharipe kerdine pa tyo kamipe angla eklezhia, haj mishto keres, ke po drom grizhostu pa lende, sar kado perelpe karning o Del.

verso 7

Ke anda lesko anav dromardinetar, haj khanchi chi len kathar le murtikana.

verso 8

Amenge trubul le kasaven te zuraras, ke zhutimaske amala te avas le chachipeske.

verso 9

Iskirisardom variso la eklezhiake, ba kodo, kas faj mashkar amende po angluno than te beshel, o Diotrefes, chi mukel andre amen.

verso 10

Anda kado, te zhotar, tele lazhavarav les anda kado, so kerel. Nasul vorbi phenel pamende, haj inke sar chi kado tena avlas leske dosta, chi mukel andre le phralen. Kodal pale, kon andre kamen te muken len, nashtil lenge, haj inke vi avrinashavel len anda eklezhia.

verso 11

Muro skunpo! Na zha pala nasul, ba ker kodo so lashoj! Kon lasho kerel, kodo ando Del si: kon nasul kerel chi dikhlas le Devles.

verso 12

Pa Demeter savorazhene chacharipe keren, vi o chachipe, haj inke vi ame chacharipe keras pa leste, haj tu zhanes, ke amaro chacharipe chachoj.

verso 13

But avlas inke so te iskirisarav, ba chi kamlom tuke tintasa haj poresa te iskirisarav.

verso 14

Sperantisarav ke na pa buteste dikho tut, haj atunchi shaj vorbisaras jekhavresa. Pachipe tuke! Drobovjisaren tut tye vortakura! Drobovjisar amare vortakon pe pengo anav!

Capítulos:

1