Peteresko dujto lil

Capítulos:

1 2 3

verso 1

O Shimon Peter le Jezush Kristoski sluga haj aposhtolo, kodalenge, kon amenca jekharsa resline intergones o patyape perdal pa amare Devlesko haj amare muntoimaske Jezush Kristosko chachipe.

verso 2

Gracija haj pachipe te pherdyarel tumen ande Devlesko haj ande amare Rajesko ande le Jezusheseko pinzharipe!

verso 3

Sa kodal trabi, so kaj o trajo haj kaj o deldaramnipe trubuj, o devlikano saktimo das amenge perdal pa leste, kon amen peske luvudyipesa haj zorasa akhardas.

verso 4

Perdal pa leste amenge das le kuch paratnimatan, ke perdal pa lende rigasle te aven le devlikane trajoske, haj te muntosardyon kathar kodo rumosaripe, so ande luma rajilpe.

verso 5

Bolden apol vi tume tumare sakone gindimata pe kodo, ke tumare patyapesa te slugin le harnyikipes, le hanyikipesa le zhanipes,

verso 6

le zhanipesa le dostaipes, le dostaipesa le pachake toleranshipes,

verso 7

la pachake toleranshipesa le deldaramnipes, le deldaramnipesa le phralikane kamipes, le phralikane kamipesa le dopashone vortakipes.

verso 8

Ke kadal sa te si, haj butardes si ande tumende, chi shona tumen shushenge, haj chi bi sumbureskirenge ande amaro Raj Jezush Kristosko pinzharipe.

verso 9

Ba ande kaste naj andre kadal, kodo korro si, haj bisterdyilas pa peske dulmutane bezexengo uzharipe.

verso 10

Anda kado inke majfeder aven pe kodo, phralale, ke chacheske te keren tumari butyi haj tumaro avrialosaripe, ke kado te kerena, chikana perenatar.

verso 11

Ke kade bulho vudar puterdyol tumenge ande amare Rajesko haj muntoimasko Jezush Kristosko sagutno them.

verso 12

Anda kado pe kodo som, ke kadal sagda te phenav tumenge, ba chaches, ke zumade haj pinzharimaske sanle ando chachipe.

verso 13

Ke lasheske gindisarav kodo, ke zhikaj ande kadi cerha som, te dav duma tumenge haj te sidyaravav tumen,

verso 14

ke zhanav pashe si aba mura cerhako tele putripe, sar kado vi o Jezush Kristo avrizhanardas manca.

verso 15

Ba pe kodo avo, ke pa kado vi pala muro meripe te serosardyon.

verso 16

Ke na kathar avrirakhline paramichi zhanardam tumenca, amare Raj Jezush Kristosko saktimo haj sikadyipe, ba sar kodal, kon dikhara samas leske barimaske.

verso 17

Ke kana kathar o Dadunodel patyiv haj luvudyipe las, kado glaso das duma leste anda uchipe: „Kadoj muro kamado shavo, ande kaste vojiv man!”

verso 18

Ame ashundam kado glaso, so anda uchipe ashundyilas, kana lesa samas po sunto plaj.

verso 19

Haj pharo profeticko vorbipe pinzharas, pe soste mishto keren, te dikhena, sar pekh phabardi so andekh tunyarnyiko than si, zhikaj o kham opre chi zorila, haj le zorimasko cherhaj opre chi ushtyela ande tumaro ilo.

verso 20

Anglalutnes kodo trubuj te hatyaren, ke le Iskirimasko chi jekh profecipe na anda jekhe manushesko gindipe si.

verso 21

Ke chikana anda manushesko kamipe kerdyilas o profecipe, ba le Devleske sunci manusha kathar o Sunto Duho zhutisardines vorbinas.

Capítulos:

1 2 3