Angluno lil kaj le korintushicka

Capítulos:

1 2 3 4 5 6 …   ⇤ ← 1 → ⇥

verso 1

O Pal, anda Jezush Kristosko kamipe akhardo aposhtolo, haj o Sostenes phral,

verso 2

le Devleske korintushikana eklezhiake, ando Kristo Jezush suntosardenge, le akharde suntonge, sa kodalenca kethanes, kon po zhutipe akharen amare Rajesko le Jezush Kristosko anav, pe sako than, lende haj amende.

verso 3

Gracija tumenge haj pachipe kathar o Del, amare Dadestar, haj kathar o Raj Jezush Kristo.

verso 4

Sagda najisipe phenav mure Devleske anda tumende anda Devleski gracija, so davadyilas tumenge ando Jezush Kristo,

verso 5

ke ande sakofaloste barvale kerdyiline ande leste, ande sako alav haj pinzharipe.

verso 6

Ke le Kristosko chacharipe zurardyilas ande tumende,

verso 7

kade si tume dosta gracijake dimata, zhi tala kodi vrama, zhikaj zhukaren amare Rajesko le Jezush Kristosko sikadyipe,

verso 8

kon vi zurarela tumen zhikaj o agor, ke uzhe te aven pe amare Rajesko pe Jezush Kristosko dyes.

verso 9

Chachoj o Del, pa kaste perdal akharipe resline leske Shavesko, le Jezush Kristosko, ande amare Rajesko kethanipe.

verso 10

Mangav tumen, phralale, pe amare Rajesko, pe Jezush Kristosko anav, ke savorazhene zhikodo te phenen, haj tena avel mashkar tumende shindyipe, ba aven jekhtune haj jekh hatyarde zhiande kodi butyi.

verso 11

Ke kodi viaca ashundom pa tumende, mure phral, kathar le Kloe khereske manusha, ke xape si mashkar tumende.

verso 12

Pa kodo vorbisarav, ke mashkar tumende sakon kasave phenel: „Me le Palesko som”, „Me le Apollovesko”, „Me le Kefashesko”, „Me pale le Kristosko”.

verso 13

Dore pe riga shindyilas o Kristo? Apol le Pales tannardine po trushul anda leste, bake ande Palesko anav sanle bolime?

verso 14

Najisarav le Devleske, ke khanyikas chi boldom mashkar tumende, numa le Krispuses haj le Gajuses,

verso 15

tena phenel vi varikon, ke ande muro anav sanle bolime.

verso 16

Inke vi le Stefanaseske khereske manushen boldom: pa kadal kaver, chi zhanav, ke vi varikas te boldomas.

verso 17

Ke na anda kodo bishaldas man o Kristo, ke te bolav, ba anda kodo, ke o evangeliumo te viacarav, na le vorbenge platnikipesa, ke le Kristosko trushul tena xasarel peski zor.

verso 18

Ke o trushul alav si kodalenge, kon xasajventar, dilipej apol, ba kodalenge, kon muntusajven, kade amenge, le Devleski zor si.

verso 19

Ke iskirime si:”Mudarav le platnikimasko platnikipe, haj le godyaverengo godyaveripe nacharav”.

verso 20

Kaj si o platniko? Kaj si o iskiritori? Kaj si kadala lumako rodari? Apol na dilimatake kerdas o Del la lumako platnikipe?

verso 21

Ke e luma peske platnikipesa chi pinzhardas opre le Devles ande lesko devluno platnikipe, kade fajlas le Devles, ke perdal pa alav-viacarako dilipe muntusarel le patyamnen.

verso 22

Ke le bibolde somnura dorosaren, le hellena pale platnikimata roden,

verso 23

ba ame le Kristos viacaras, kas po trushul tannardine, ba so le bibolden chi faj, le murtikanonge pale chaladipe si;

verso 24

ba le akhardenge apol, le biboldenge haj le hellenonge jekhtunes, o Kristo si le Devleski zor haj le Devlesko platnikipe,

verso 25

ke le Devlesko dilipe maj platnikoj kathar le manusha, haj le Devlesko slabipe maj zuraloj kathar le manusha.

verso 26

Ke dikhen feri tumaro akharipe, phralale: na but si o platniko kathar o trupo, naj but o saktimo, naj but rajkano:

verso 27

ba kodo, so kathar e luma dilimataj, kodo alosardas avri o Del, ke te lazhavarel tele le zuralen.

verso 28

So kathar e luma telalutni si haj tele dikhli, kodal alosardas avri o Del: kodo, so khanchij, ke kodo so varisoj, te nacharel,

verso 29

ke chi jekh manush tena asharel pes angla o Del.

verso 30

Pa leste perdal san tume ando Jezush Kristo, kon kathar o Del amare platnikimaske, chachimaske, suntosardyimaske haj muntusardyimaske kerdyilas,

verso 31

ke sar iskirime si:
„Kon asharelpe, ando Raj te asharelpe”.

Capítulos:

1 2 3 4 5 6 7 8 9 10 11 12 13 14 15 16