Lil le efezushenge

Capítulos:

1 2 3 4 5 6

verso 1

O Pal anda Devlesko kamipe le Kristo Jezushesko aposhtolo si, ando Efezush sile suntonge haj ando Kristo Jezush patyamnenge.

verso 2

Gracija tumenge haj pachipe kathar o Del, kathar amaro dad haj kathar amaro Raj Jezush Kristo!

verso 3

Te avel ashtyilime amare Rajesko, le Jezush Kristosko Del haj Dad, kon ando Kristo sagda rajosarde, haj duhoske ashtyilipesa ashtyilisardas amen.

verso 4

Ke avrialosardas amen ande leste
angla lumako kerdyipe,
ke suntura haj uzhe te avas angla leste ando kamipe.

verso 5

Ke anda kodo kerdas amen,
ke peske shavenge te lel amen perdal pa Jezush Kristo,
kathar pesko kamipesko fajlipe,

verso 6

haj asharas leski luvudyisardi gracija,
so das amenge ande pesko kamado Shavo.

verso 7

Ande leste si amenge o muntoipe perdal pa lesko rat,
le bezexengo jertisaripe, leski gracija, sar so si lesko barvalipe,

verso 8

so butardes das amenge
sakone platnikipesa haj pinzharipesa kethanes.

verso 9

Ke pinzharadas amenca peske kamipeski tajna
kathar pesko lashipesko fajlipe, so avri gindisardas ande leste,

verso 10

pa vramengo intregonimasko kerdyipe:
ke ando Kristo, sar Angluno, pale kethanes te xutyilel sakofalo,
so ando cheri haj pe phuv si.

verso 11

Ande leste vi reslam kado muklosaripe, ame, kon pe kado arakhadyilam kathar kodalesko kamipe, kon sakofalo kathar pesko kamipe kerel,

verso 12

ke te asharas lesko luvudyipe, ame, kon aba vi angla kodo sperantisarasas ando Kristo.

verso 13

Ande leste vi tume ashundine le chachimasko alav, vi patyanas leske, haj vi line le Suntone Duhosko stemplo,

verso 14

kon samalelari si amare muklosaripeke, zhikaj o Del intregones chi lel palpale so leskoj pe pesko luvudyimasko asharipe.

verso 15

Anda kado vi me, pala soste ashundom, ke patyan ando Raj Jezush, haj ke kamen sa le intregone sunton,

verso 16

chi nachuvavtar najisipe te phenav anda tumende, haj serojisajvav pa tumende ande mure rudyimata,

verso 17

ke amare Rajesko, le Jezush Kristosko Del, le luvudyimasko Dad te del tumenge le platnikimasko haj avri sikadyimasko Duhos, ke te pinzharen les.

verso 18

Te fimlalisarel tumare duhikane jakha, ke te zhanen, ke pe sosko sperantipe akhardas tumen, ke sosko barvaloj lesko luvudyisardo muklipe pe suntongi rig,

verso 19

haj sosko baro si lesko saktimo pe amende, kon patyas. Peski bari zor ando

verso 20

Kristo sikadas, kana opretrajardas les anda meripe haj pe peski chachi rig tordyardas les ando rajo,

verso 21

opralutnes pe sakono krajipe haj saktimo, zor haj rajipe, haj sakono anav, so na feri pe kadi luma pomonin, ba vi ando avlimasko.

verso 22

Sakofalo tala leske punre shudas, haj le majbareske shutas les ande eklezhia,

verso 23

so lesko trupo si, haj kodalesko intregonipe, kon ande sakofaloste sakofalo andre pherdyarel.

Capítulos:

1 2 3 4 5 6