Lil le efezushenge

Capítulos:

1 2 3 4 5 6

verso 1

Vi tumen opretrajardas, kon mule sanasle anda tumare bezexa,

verso 2

ande soste trajinas varikana ande kadi luma, haj mukenas tumen kodale rajeske, kodale duhoske, kon akanak ande bipatyamnimaske shave trajil.

verso 3

Varikana vi ame savorazhene mashkar kadal trajisarasas, kana kodal kerasas, so amaro trupo dorolas, haj kodal kerasas, so o trupo haj le hatyarimata mangenas. Sar arakhadyilam la xolyake shave samas, sar vi le majbut.

verso 4

Ba o Del, kon barvaloj ando lashipe, haj baroj anda pesko kamipe, sosa kamelas amen,

verso 5

ba chaches anda amare bezexa mule samas, le Kristosa kethanes opretrajardas amen – anda leski gracija muntusardyiline –,

verso 6

Lesa kethanes opretrajardas haj mashkar le chereske vazdas amen perdal pa Jezush Kristo,

verso 7

ke te sikavel ande avlimaske vrami peske gracijimasko barvalipe amenge ando Kristo Jezush.

verso 8

Ke anda gracija muntusardyiline perdal pa patyape. Kado na tumerndar si, ba le Devlesko tofnipej:

verso 9

na kathar kerdyimata, ke khonyik tena asharel pes.

verso 10

Ke leske kerdyimata sam, ando Kristo Jezush pe lashimata kerdosarde, saven o Del anglal kerdas, ke ande lende te trajisaras.

verso 11

Inkren apol ande tumari godyi, ke varikana murtikana sanasle, kathar o trupo inkerdines, haj bi krujalshindeske phenenas tumen kodal, kon po trupo vastesa kerdosardo krujalshinipe line pengo anav.

verso 12

Ande kodal vrami inke bi Kristosko trajinas, streni sanasle kathar le Izraelesko kethanipe, avral tordyonas pa paratnimataki konvencia, bi sperantako haj bi Devlesko trajinas pe kadi luma.

verso 13

Ba akanak apol ando Jezush Kristo tume, kon varikana dur sanasle, pashe resline perdal pa Kristosko rat.

verso 14

Ke voj si amari pacha, kon le duje popularon jekheske kerdas, haj kodo alosardo zido so mashkar amende si, ande peste tele puterdas.

verso 15

Le alosarde vladimaticka krisa koslas, ke sar pacha kerdari, le dujen jekhe nyeve manusheske te kerel ande peste,

verso 16

haj soldujen ando jekh trupo te ushorisarel le Devlesa perdal pa trushulesko kasht, mudardines o dushmanipe ande peste.

verso 17

Avilastar, ke pacha te viacarel tumenge, kon durutne sanasle, haj pacha kon pashe sanle:

verso 18

ke perdal pa leste si soldujen slobodo drom ande jekh duho kaj o Dad.

verso 19

Kade apol abakanak chi sanle streni haj avlimara, ba le suntonge amala haj le Devleske khereske manusha,

verso 20

pe aposhtolenge haj profetango fundo shutino kher, savesko kolcosko barr o Kristo Jezush si.

verso 21

Ande leste pashardyol kethane o intrego kher, haj le Rajeske sunto khangerake barola.

verso 22

Vi tume ande leste pashardyon kethane le Devleske khereske ando duho.

Capítulos:

1 2 3 4 5 6