Lil le Filemoneske

verso 1

O Pal, kon roboj anda Kristo Jezush, haj o Timoteush phral le Filemoneske, amare kamade butyake amaleske,

verso 2

haj la Appia phenyake, haj le Archippos vortakoske, haj le kethanipeske, kon ande tyo kher si.

verso 3

Gracija haj pachipe tumenge kathar o Del, kathar amaro Dad, haj kathar o Raj Jezush Kristo!

verso 4

Najisipe phenav mure Devleske, haj sagda serosardyuvav pa tute ande mure rudyimata –

verso 5

ke ashundom pa tyo kamipe haj patyape, so karing o Raj Jezush haj sa karing le suntura hatyares –,

verso 6

ke perdal pa tyiro patyape o kethanipe pinzhardo te kerdyol sa pa lashe kerdyimango pinzharipe, so mashkar amende ando Kristo andre pherdyol.

verso 7

Zurales losshav haj vojiv man ande tute, ke ushordyilas le suntongo ilo tutar, phrala!

verso 8

Anda kado, apol chaches kathar ando Kristosko patyape vi shaj vladisaros tuke kodo, soske trubuj te avel,

verso 9

ba kathar o kamipe barem mangav tut me, o phuro Pal, kon akanak vi roboj ando Kristo Jezush.

verso 10

Anda muro shavo, anda Onezimos rudyij, kas ande mure sastra kerdom,

verso 11

kon varikana khanchi kerdo sas pe tyi rig, ba akanak vi tuke haj vi mange trubuimaskoj.

verso 12

Palpale bishaldom les tute, sar mure iles.

verso 13

Fajlosardino man mande te inkrav les, ke anda evangeliumo dukharde sastra anda tute te slugisarel mange,

verso 14

ba bi tyira vorbako chi kamlom khanchi te kerav, ke tyo lasho kerdyipe tena anda trubuipe, ba kathar tyo gindipe te kerdyol.

verso 15

Shajke anda kodo gelastar tutar pekh vrama, ke palpale te lesles po sagdipe,

verso 16

aba na kade sar robune slugas, ba majbutindes: sar slugas, sar kamade phrales. Mange zurales kodo si voj, ba sodivar barem tuke: vi kathar o trupo, haj vi kathar o Raj.

verso 17

Anda kado, apol amaleske te inkres man, patyivin les kade, sar man.

verso 18

Haj kana variso te las tutar bake kamel tuke, gindinles mange:

verso 19

– me, o Pal mure vastenca iskirisarav – me potyinavles avri. Apol – tena phenav tuke – tu vi tusa mange kames.

verso 20

Bater, phrala! Tyo hasnipe kamav te lav ando Raj, ushorisar apol muro ilo ando Kristo!

verso 21

Ande tyo muklipe patyindes iskirsardom tuke: zhanav tu vi majbut keresa kathar kodo, so mangav.

verso 22

Haj inke lashar mange vi than: ke sperantisarav, ke anda tumare rudyimata palpale lena man.

verso 23

Drobovjisarel tut o Epafras, muro robicko amal ando Kristo Jezush,

verso 24

haj o Mark, o Aristarchos, o Demas haj o Lukach, mure butyake amala.

verso 25

Le Raj Jezush Kristoski gracija te avel tumare duhosa! Amen.

Capítulos:

1