Lil le kolossenge

Capítulos:

1 2 3 4

verso 1

O Pal, anda Devlesko kamipe le Kristo Jezushesko aposhtolo, haj o Timoteush phral

verso 2

ande Kolosse suntone haj patyamne phralenge ando Kristo. Gracija tumenge haj pachipe kathar o Del, kathar amaro Dad!

verso 3

Najisipe phenas le Devleske, amare Rajeske, le Jezush Kristoske Dadeske, zhisodivar rudyisras,

verso 4

ke ashundam pa tumaro patyape ando Kristo Jezush, haj pa kamipe, sar hatyaren sa karing le suntura,

verso 5

anda kodo sperantipe, so gata tordyol tumenge ando rajo, haj pa soste aba ashundine ande evangeliumosko sunto alav.

verso 6

Kado reslastar tumende, haj sar pe intrego luma frukto kerel haj butajvel, kade vi tumende, zhikathar kodo dyes, kana ande pesko chachipe pinzhardine haj ashundine le Devleski gracija.

verso 7

Kade sityiline kodo kathar o Epafras, kathar amaro kamado slugano amal, kon le Kristoski chachi sluga si anda amende.

verso 8

Voj das amen viaca pa tumaro Duhikano kamipe.

verso 9

Anda kado vi ame, kathar kodo dyes, ke kado ashundam, sagda rudyisaras anda tumende, ke leske kamipesko pinzharipe te avel intrego ande tumende, sakone platnikipesa haj hatyaripesa kethanes,

verso 10

haj trajin kade, sar perelpe kodo karing o Raj, ande sakofaloste kade, sar les faj, ke ande sakone lashe kerdyimata frukto te keren, haj te butajven ande Devlesko pinzharipe.

verso 11

Te zurarel tumen anda pesko luvudyipesko saktimo sagda zorasa, ke zhikaj agor avri te inkren, haj pachake te aven.

verso 12

Losshanes phenen najisipe le Dadeske,
kon dostaske kerdas tumen pe kodo,
ke vi tumen rig te avel le suntonca ando fimlalipe.

verso 13

Avri-cirdas amen anda tunyarikipesko saktimo,
haj perdal shutas amen ande peske kamade Shavesko them.

verso 14

Ande leste si amaro muntosardyipe, le bezexengo jertipe.

verso 15

Voj si le bi dikhline Devlesko mosuripe,
haj sakone kerdyimasko angluno arakhadyipe,

verso 16

ke ande leste kerdadyilas sakofalo ando cheri haj pe phuv,
le dikhline, haj bi dikhline,
le rajkane iskamina haj le rajimata,
le kraja haj le saktimura.
Sakofalo lestar haj anda leste kerdadyilas.

verso 17

Voj majanglunes si sakofalostar,
haj sakofalo ande leste tordyol opre.

verso 18

Voj si le truposko, haj la eklezhiako shero;
voj si o anglipe, o angluno arakhadyilino mashkar le mule,
ke lesko te avel o anglunipe ande sakofaloste.

verso 19

Ke kade fajas le Dadeske,
ke ande leste te beshel o intrego intregonipe,

verso 20

haj perdal pa leste te ushorisarel pesa sakofalo,
so pe phuv haj ando rajo si,
perdal pa kodo, ke pachipe kerdas leske trushuleske ratesa.

verso 21

Vi tumen, kon varikana xolyarnyika haj strene hatyarimaske sanas anda nasul kerdyipe,

verso 22

ushorisardas akanak ande lesko manushikano trupo perdal pa meripe, ke sar sunton, uzhes haj sar bi doshakiren te tordyarel angla peste.

verso 23

Ashon anda kado ando patyape zurales, na durutnisajventar kathar la eklezhiako sperantipe, so ashundine, so sakone zhuvindeske viacardine tala cheri, haj saveske me o Pal, sluga kerdyilom.

verso 24

Akanak pale losshikanes dukhardyuvav anda tumende, haj avri intregonisarav ande muro trupo kodo, so faltil anda Kristosko dukhipe, pe leske truposke, pe eklezhiaki rig,

verso 25

savake me sluga kerdyilom kathar o Del lino anda tumende kerdi butyi, ke intrego patyivipe te rodav le Devleske alaveske,

verso 26

la tajnake, so aba garadi sas but shela bersh haj but generaciovura, ba so akanak avriphendas peske suntonge.

verso 27

Lenca kamlas o Del te pinzharavel la tajnako luvudyisardo barvalipe mashkar le murtikana, kade e tajna pale naj kaver, sar kon ande tumende si o Kristo, le luvudyimasko sperantipe.

verso 28

Ame les viacaras kana sakone manushes ferisaras haj sityaras intregone platnikipesa, ke sakone manushes federeske te keras ando Kristo.

verso 29

Anda kado khinyosardyuvav leska zorake zhutipesa, so mishto butyarel ande mande.

Capítulos:

1 2 3 4