Evangeliumo kathar o Mark

capítulo 1


Capítulos:


Bolari Janosh


verso 1

Le Jezush Kristosko, le Devleske Shavesko evangeliumosko anglipe.


verso 2

Sar si iskirime kaj o Izajas profeta:
„Aketa, bishalav mure legataros angla tute,
kon angle lasharel tyo drom;


verso 3

ande pusta cipisardeski vorba:
Lasharen haj vortaren
le Devleske droma,


verso 4

O Janosh sikadyilas ande pusta: bolelas haj viacarelas le bezexbunuimatango bolipe pe bezexjertimata.


verso 5

Avri geline leste sa le Judeake haj le Jeruzhalemeske manusha. Boldas len ando Jordanicko ab, so pala soste avri phende penge bezexa.


verso 6

Le Janosheske gada anda dromedareski zar sas, haj morchuno brichinari phiravelas krujal pe pesko mashkar, shashki haj turbatoadyvin xalas.


verso 7

Kade sityarlas: „Pala mande avel, kon majzuraloj mandar, kaske chi som dosta changadines chi leske sandalenge haravja te putrav.


verso 8

Me pajesa bolav, voj pale Sunto Duhosa bolela tumen”


Le Jezushesko bolipe


verso 9

Pecisajlas ande kodal dyesa, ke avilas o Jezush anda galileako Nazaret, haj o Janosh boldas les ando Jordano.


verso 10

Sar opre vazdadyilas anda paji, dikhlas, ke puterdyon le chera, haj o Duho, sar gulunbo pe leste hural.


verso 11

Anda cheri glaso ashundyilas: „Tu san muro kamado Shavo, ande tute pherdyol muri voja.”


Le Jezushesko zumavjipe


verso 12

Pala kado o Duho sigo ingerdas les ande pusta.


verso 13

Ande pusta sas shtarvardesh dyes: o beng zumavelas les. Le turbatonepedonca sas, haj le andyela sluginas leske.


Alavviacaripe ande Galilea


verso 14

Zhi palasoste o Janosh perdal davadyilas, o Jezush ande Galilea gelas, te sityarel le Devlesko evangeliumo.


verso 15

Kodo phendas: „Andre pherdyilas e vrama, haj pashardyilas le Devlesko them. Inkren bezexjertimata, haj patyan ando evangeliumo.”


Le anglune sityardengo akharipe


verso 16

Kana pasha Galileaki mara gelastar, dikhlas le Shimones haj leske phrales le Andrashes, kana xudro shudenas ande mara, ke mashara sas.


verso 17

O Jezush kodo phendas lenge: „Aven palamande, haj me manushenge masharange kerav tumen!”


verso 18

Von atunchi mukline penge xudrura, haj zhanas pala leste.


verso 19

Na dur kothar dikhlas le Jakabos, le Zebedeusheske shaves, haj leske phrales, le Janoshes, sar vi von penge xudren lasharnas ando bero,


verso 20

haj sigo akhardas vi len. Kodol pale, muklines penge dades le Zebedeushes haj le slugan ando bero, haj gele pala leste.


O Jezush ande kafarnaumicko zhinagoga


verso 21

Andre gele ando Kafarnaumo. Savatone sigo andre gelas ande zhinagoga haj sityarlas.


verso 22

Bari dikhenas pe lesko sityaripe, ke kade sityarlas len, sar kas saktimo si, haj na kade sar le iskiritora.


verso 23

Sas ande lengi zhinagoga jekh manush ande kaste biuzho duho beshelas. Kado kade cipisardas opre:


verso 24

„So grizha xal amen tute, Nazareticko Jezush! Anda kodo avilan, te xasares amen? Zhanav kon san: le Devlesko Sunto!”


verso 25

O Jezush vladisardas leske: „Mucisajve, haj zha avri anda leste.”


verso 26

O biuzho duho pe kado opre tele shudelas les, pala kodo glasune cipimatasa avri gelas anda leste.


verso 27

Pe kado savorazhene bari dikhline, haj kodo pushenas jekhavrestar: „Soj kado? Nyevo sityaripe, saktimosa? Inke vi le biuzhe duhonge vladisarel, haj kodal mukenpe leske.”


verso 28

Je-kharsa bari viaca kerdyilas les ande Galilea.


Le Petereska sokrako sastyaripe


verso 29

Pala kado sigo avri gelas anda zhinagoga, haj geletar ande Shimonesko haj Andrashesko kher le Jakabosa haj le Janoshesa kethanes.


verso 30

Le Shimoneski sokra javrikanes pashjolas. Vi sigo duma dine le Jezusheske anda late.


verso 31

Kothe gelas late haj oprezhutisardas la kathar lako vast xutyildes. Pe kado muklas la o javrope, haj opreslugisardas lenge.


Le bengalenge haj le nasvalengo sastyaripe


verso 32

Kana andre ratyilas haj tele gelas o kham, kothe ingerde leste le intregone nasvalen haj bengalen:


verso 33

o intrego foro kothe cirdadyilas kaj o vudar.


verso 34

Sastyardas bute nasvalen, kathar butfala dukha, haj but bengen nashadas avri, ba chi muklas len te den duma, ke kodal pinzharenas les.


O Jezush ande Galilea sityarel


verso 35

Kaver dyes kana zorilas opreushtyilas, avri gelas, haj gelastar pekh pusto than, kothe te rudyil.


verso 36

O Shimon, haj kon lesa sas, pala leste geline.


verso 37

Kana rakhle les, kodo phende leske: „Sakon tut rodel.”


verso 38

Voj kado phendas palpale: „Aventar kaver thaneste, vi pe kaver riga, vi kothe te shaj sityarav o alav, anda kodo avilom.”


verso 39

Haj andre phirdas e intrego Galilea, sityardas ande lenge zhinagogi, haj bengen nashavelas.


Le lepralesko sastyaripe


verso 40

Atunchi kothe avilas leste jekh lepralo, haj changadines kade mangelas les: „Te kames, zhanes te uzhares man.”


verso 41

O Jezush sunusardas les. Avri lunzhardas pesko vast, haj kodo phendas leske: „Kamav, av uzho!”


verso 42

Kana kado avriphendas, ande kodo minuto nachilastar pa leste e lepra, haj uzhilas.


verso 43

Vazdine glasosa pe leste vladisardas, haj bishaldas les kadale vorbenca:


verso 44

„Lesama, khanyikaske na puknyin pa kado; ba zha, sikav tut le rashajeske, haj imbisar opre anda tyo uzhipe, so o Mozesh phendas, anda chacharipe lenge.”


verso 45

Ba kodo, kana gelastar, las te phenel sakoneske e traba, kade o Jezush nashtig gelas sakonestar pinzhardes ando foro, bethar avral ande pustone thana cirdelaspe; haj kothe phirenas leste pa sogode riga.

Capítulos:


Libros