Evangeliumo kathar o Mark

Capítulos:

1 2 3 4 5 6 …   ⇤ ← 4 → ⇥

verso 1

Maj palal pale las te sityarel pasha mara. But manusha cirdaspe krujal leste, voj pale ando bero ushtyindes tele beshlas, e butimata pale pe dolma ashiline.

verso 2

Ande paraboli pe but sakofaloste sityarelas len:

verso 3

„Ashunen! Aketa, avri gelas o sumburo beshavari te beshavel.

verso 4

Sar beshavlas, o jekh sumburo pe dromeski dolma pelas. Aviline le chereske chiriklya haj oprekidineles.

verso 5

Ekh kaver po barruno than pelas, kaj nas but phuv. Na pa buteste avri barilas, ke nas dosta tele ande phuv,

verso 6

ba kana avri pekhlas o kham, kolyilastar, ke nasles rikita, shutyilastar.

verso 7

Pale o kaver mashkar kanre pelas, haj kana oprebariline le kanre, tasade les, haj chi kerdas upaj.

verso 8

Ba le majbut ande lashi phuv peline. Kadal oprebariline haj butajline, haj vi upaj kerdine, o jekh trandavar, o kaver shovardeshvar, o trito pale shelvar majbut.”

verso 9

Pala kodo kado phendas: „Kas siles kan po ashundyipe, te ashunel les.”

verso 10

Kana korkoro ashilas, le deshuduj, kon lesa ashiline, pushline les pa paraboli.

verso 11

Kado phendas lenge: „Tumenge davardyilas, te pinzharen le Devleske themeski tajna, kodalenge pale, kon avral si, sakofalo parabolicka ashundyol,

verso 12

ke dikhles te dikhen haj tena dikhen,
ashundes te ashunen haj tena hatyaren;
tena mishtyisajven
haj lenge bezexa jertimata te resen”

verso 13

Pala kodo kade vorbilas majdur:” Chi hatyaren kadal paraboli? Haj atunchi sar hatyarna le majbut paraboli?

verso 14

O sumburo beshavari o alav beshavel.

verso 15

Kaske o alav pe dromeski dolma perel, kodal, kana ashunen kodo, sigo avel o beng, haj ingrel o alav, so ande lengo ilo pelas.

verso 16

Zhikade save pe barrune thaneste peline, kodal kana ashunen o alav, sigo ande pende len les losshasa,

verso 17

ba chi mukel ande lende rikita, feri unyi chasura inkrel. Kana anda alav kikidyimata haj nashavjimata ashol, sigo xolyajven.

verso 18

Kavera pale, save mashkar kanre peren, kodal si, kon ashunen o alav,

verso 19

ba le lumake gindura, o barvalipe, haj kaver butyange dorope andre pherdyarel len, haj kadal tasaven le alaves, kade pusto ashol kodo.

verso 20

Ande lashi phuv beshade sumbura pale kodal si, kon o alav ashunen, ande pende len kodo haj vi upaj keren, o jekh trandavar, o kaver shovardeshvar, o trito pale shelvar majbut.”

verso 21

Pala kodo kade das duma lende: „So gindin o melcho pe kodo si, ke tala piri te shon les bake tala o pato? Na pe kodo, ke po inkerdo te shon les?

verso 22

Ke naj garadi butyi, so avri tena zhanardyolas, haj naj tajna, save le butimata jekhar na pinzharnas.

verso 23

Kas siles kan po ashundyipe, t«ashunel les!”

verso 24

Pala kodo kade vorbilas majdur: „Ashunen perdal, so ashunen. Sodenca tume vazren, kattyenca vazrena vi tumenge, haj inke vi majbutipe dena tumenge.

verso 25

Ke kas si, kodaleske inke den: kas pale naj, kathar kodo inke vi kodo len, so siles.”

verso 26

Pala kado kade das duma: „Le Devlesko them kasavo si, sar kana o manush sumburo rispisarel ande phuv.

verso 27

Pala kodo te sovela opre te ushtyela ratyi haj dyese, o sumburo avri barol, chi voj chi zhanel, ke sar.

verso 28

Ke e phuv pestar kerel majanglal le patra, pala kodo o dyiv, haj pala kodo ando dyiv o sumburo.

verso 29

Kana apol dosta barilas o upaj, sigo luno shinel ande leste, ke avilastar o kosipe.

verso 30

Pala kado kade das duma: „Kaj soste te zumavas le Devleske themes? Soske parabolenca te sikavas les andre?

verso 31

Kasavoj kodo, sar le sinapesko sumburo. Kana ande phuv beshaven les, majcino si kathar sako sumburo, so pe luma si;

verso 32

ba te beshade les, oprebarola haj majbaro avla kathar sogode beshavjimata. Kasave bare kranzhi putrel, ke ande lesko ushalinimo shaj keren kulybo le chereske chiriklya.”

verso 33

Ande but paraboli sityarlas lenge o alav, te zhanen te hatyaren les.

verso 34

Chi delas lende duma numa ande paraboli; ba peske sityardenge sa le paraboli, bi metaforicka avri phenelas.

verso 35

Kana kodo dyes andre ratyilas, kade das lende duma: „Aven perdal pe kaver dolma!”

verso 36

Pe kado von bishaldine le manushen, les pale penca ingerdine kade, sar kothe sas ando bero. Vi majbut bero lenca inkerlas.

verso 37

Bari balval kerdyilas, haj le plemeni andre marenas ando bero, kade, ke aba na but trbusardino te pherdyol.

verso 38

Voj pale ande beroski paluni rig pekh sherand sovelas. Opreushtyade les, haj kado phendine leske: „Maistro! Haj chi grizhos kodalasa, ke xasajvas?”

verso 39

Voj opreushtyilas haj daradas la balvaja, haj kodo phendas la marake: „Pachardyu haj mucisajve!” Pe kado tordyilastar e balval haj baro pachipe kerdyilas.

verso 40

Pala kodo karinglende boldaspe: „Sostar sanle daramne? Inke chi akanak naj tumen patyape?”

verso 41

Pe kado baro daravjipe muklyosardyilas pe lende, haj kodo pushenas jekhavrestar: „Koni kado, ke inke vi e balval haj vi e mara mukelpe leske?”

Capítulos:

1 2 3 4 5 6 7 8 9 10 11 12 13 14 15 16