Evangeliumo kathar o Mark

Chapters:

1 2 3 4 5 6 …   ⇤ ← 4 → ⇥

verse #1

Maj palal pale las te sityarel pasha mara. But manusha cirdaspe krujal leste, voj pale ando bero ushtyindes tele beshlas, e butimata pale pe dolma ashiline.

verse #2

Ande paraboli pe but sakofaloste sityarelas len:

verse #3

„Ashunen! Aketa, avri gelas o sumburo beshavari te beshavel.

verse #4

Sar beshavlas, o jekh sumburo pe dromeski dolma pelas. Aviline le chereske chiriklya haj oprekidineles.

verse #5

Ekh kaver po barruno than pelas, kaj nas but phuv. Na pa buteste avri barilas, ke nas dosta tele ande phuv,

verse #6

ba kana avri pekhlas o kham, kolyilastar, ke nasles rikita, shutyilastar.

verse #7

Pale o kaver mashkar kanre pelas, haj kana oprebariline le kanre, tasade les, haj chi kerdas upaj.

verse #8

Ba le majbut ande lashi phuv peline. Kadal oprebariline haj butajline, haj vi upaj kerdine, o jekh trandavar, o kaver shovardeshvar, o trito pale shelvar majbut.”

verse #9

Pala kodo kado phendas: „Kas siles kan po ashundyipe, te ashunel les.”

verse #10

Kana korkoro ashilas, le deshuduj, kon lesa ashiline, pushline les pa paraboli.

verse #11

Kado phendas lenge: „Tumenge davardyilas, te pinzharen le Devleske themeski tajna, kodalenge pale, kon avral si, sakofalo parabolicka ashundyol,

verse #12

ke dikhles te dikhen haj tena dikhen,
ashundes te ashunen haj tena hatyaren;
tena mishtyisajven
haj lenge bezexa jertimata te resen”

verse #13

Pala kodo kade vorbilas majdur:” Chi hatyaren kadal paraboli? Haj atunchi sar hatyarna le majbut paraboli?

verse #14

O sumburo beshavari o alav beshavel.

verse #15

Kaske o alav pe dromeski dolma perel, kodal, kana ashunen kodo, sigo avel o beng, haj ingrel o alav, so ande lengo ilo pelas.

verse #16

Zhikade save pe barrune thaneste peline, kodal kana ashunen o alav, sigo ande pende len les losshasa,

verse #17

ba chi mukel ande lende rikita, feri unyi chasura inkrel. Kana anda alav kikidyimata haj nashavjimata ashol, sigo xolyajven.

verse #18

Kavera pale, save mashkar kanre peren, kodal si, kon ashunen o alav,

verse #19

ba le lumake gindura, o barvalipe, haj kaver butyange dorope andre pherdyarel len, haj kadal tasaven le alaves, kade pusto ashol kodo.

verse #20

Ande lashi phuv beshade sumbura pale kodal si, kon o alav ashunen, ande pende len kodo haj vi upaj keren, o jekh trandavar, o kaver shovardeshvar, o trito pale shelvar majbut.”

verse #21

Pala kodo kade das duma lende: „So gindin o melcho pe kodo si, ke tala piri te shon les bake tala o pato? Na pe kodo, ke po inkerdo te shon les?

verse #22

Ke naj garadi butyi, so avri tena zhanardyolas, haj naj tajna, save le butimata jekhar na pinzharnas.

verse #23

Kas siles kan po ashundyipe, t«ashunel les!”

verse #24

Pala kodo kade vorbilas majdur: „Ashunen perdal, so ashunen. Sodenca tume vazren, kattyenca vazrena vi tumenge, haj inke vi majbutipe dena tumenge.

verse #25

Ke kas si, kodaleske inke den: kas pale naj, kathar kodo inke vi kodo len, so siles.”

verse #26

Pala kado kade das duma: „Le Devlesko them kasavo si, sar kana o manush sumburo rispisarel ande phuv.

verse #27

Pala kodo te sovela opre te ushtyela ratyi haj dyese, o sumburo avri barol, chi voj chi zhanel, ke sar.

verse #28

Ke e phuv pestar kerel majanglal le patra, pala kodo o dyiv, haj pala kodo ando dyiv o sumburo.

verse #29

Kana apol dosta barilas o upaj, sigo luno shinel ande leste, ke avilastar o kosipe.

verse #30

Pala kado kade das duma: „Kaj soste te zumavas le Devleske themes? Soske parabolenca te sikavas les andre?

verse #31

Kasavoj kodo, sar le sinapesko sumburo. Kana ande phuv beshaven les, majcino si kathar sako sumburo, so pe luma si;

verse #32

ba te beshade les, oprebarola haj majbaro avla kathar sogode beshavjimata. Kasave bare kranzhi putrel, ke ande lesko ushalinimo shaj keren kulybo le chereske chiriklya.”

verse #33

Ande but paraboli sityarlas lenge o alav, te zhanen te hatyaren les.

verse #34

Chi delas lende duma numa ande paraboli; ba peske sityardenge sa le paraboli, bi metaforicka avri phenelas.

verse #35

Kana kodo dyes andre ratyilas, kade das lende duma: „Aven perdal pe kaver dolma!”

verse #36

Pe kado von bishaldine le manushen, les pale penca ingerdine kade, sar kothe sas ando bero. Vi majbut bero lenca inkerlas.

verse #37

Bari balval kerdyilas, haj le plemeni andre marenas ando bero, kade, ke aba na but trbusardino te pherdyol.

verse #38

Voj pale ande beroski paluni rig pekh sherand sovelas. Opreushtyade les, haj kado phendine leske: „Maistro! Haj chi grizhos kodalasa, ke xasajvas?”

verse #39

Voj opreushtyilas haj daradas la balvaja, haj kodo phendas la marake: „Pachardyu haj mucisajve!” Pe kado tordyilastar e balval haj baro pachipe kerdyilas.

verse #40

Pala kodo karinglende boldaspe: „Sostar sanle daramne? Inke chi akanak naj tumen patyape?”

verse #41

Pe kado baro daravjipe muklyosardyilas pe lende, haj kodo pushenas jekhavrestar: „Koni kado, ke inke vi e balval haj vi e mara mukelpe leske?”

Chapters:

1 2 3 4 5 6 7 8 9 10 11 12 13 14 15 16