chapter 8
Ande kodal dyesa, kana pale but manusha sas kethane haj nasle so te xan, peste akhardas peske sirtyarden haj kodo phendas lenge:
„Sunuj le butimatan, ke aketa, aba trin dyes ke manca si, haj najle so te xan.
Bokhales te bishalo len khere, khinyona po drom, ke si mashkarlende, kon dural avilas.”
Leske sityarde pe kado kodo phende leske: „Sar shaj inkrelas kadalen mishto o manush manresa kathe ande pusta?”
Voj pale pushlas len: „Sode manre si tumen?” Kodal kado phendine: „Efta”
Pe kado vladisardas le butimatange, te beshen tele pe phuv. Xutyildas le efta manren, najisipe phendas, phaglasle haj kothe dasle kaj peske sityarde, te shonle angla lende; haj kodal angla butimata shutele.
Vi masho sasle cerra: vi kodalen ashtyisardas, haj duma das, te shon vi kadal angla lende.
Pala kodo xaline haj chalyiline. Haj so ashilas anda xamasko, ande efta koshnyici kidinele kethane.
Kon xaline, karing le shtar miji zhene sas. Pala kodo bishaldas len.
Voj pale sigo ando bero beshlas peske sityardenca haj pe Dalmanutake phuva gelas.
Atunchi avri aviline le farizana, linepe te xanpe lesa, haj zumavenas les, chereske somnura mangenas lestar.
Atunchi anda pesko duhosko majtelalutnipe baro dyi cirdas haj kodo phendas: „Sostar mangel somno o popularo? Ke chachikanes phenav tumenge: chi lel somno kado popularo.”
Pala kodo kothe muklas len, pale ando bero beshlas, haj perdal gelas pe kaver dolma.
Ba bisterdine manro te ingren penca, haj kathar jekh manro nas lende majbut ando bero.
Atunchi kade ferilas len: „Len sama, ferin tumen kathar le farizanengo haj kathar le Herodeshesko kamiripe.”
Kodal pale vorbinaspe mashkar pende, ke najle manro: „Naj amen manro.”
O Jezush sama las kado haj kado phendas lenge: „Sostar vorbin tume pa kodo, ke naj tumen manro? Haj inke ch«akanak chi zhanen haj chi hatyaren e traba? Haj inke korrardo si tumaro ilo?
Si tumen jakha, haj inke chi dikhen? Si tumen kan, haj inke chi ashunen? Chi seron pe kodo,
kana panzh manre panzhe mijenge phaglom, sode pherde koshnyici ashilimata kidine opre?” Kodo phendine leske: „Deshudujen”
„Haj kana le efta manren shtare mijange, sode pherdine koshnyicengo ashilipe kidine kethane?” Kodo phendine leske: „Efta.”
Pe kado kade das duma lende: „Sostar si apol kodo, ke chi kade chi hatyaren?”
Pala kodo ande Betsaida resline. Jekhe korres ingerdine leste, haj mangenas les, te resel leste.
Voj vastestar xutyildas le korres, haj avri ingerdas les pa kodo than, pe leske jakha shungardas pala kodo pe leste shutas peske vast, haj pushlas lestar, ke dikhel apol variso.
Kodo opredikhlas haj kodo phendas: „Dikhav le manushen, sar le kasht te phirenas.”
Pala kodo pale pe leske jakha shutas pesko vast, pe soste kuko las te dikhel, sastyilas, haj uzhes dikhelas pale.
Haj voj kadalesa bishaldas les khere: „Ando gav na zha andre!”
O Jezush pala kado gelastar peske sityardenca ande Filip Cezareake gava. Po drom pushlas peske sityarden: „Kaske gindin man le manusha?”
Von kodo phende leske: „Le Bolare Janosheske, kavera le Illesheske, pale kavera jekheske mashkar le profeti.”
Pe kado pushlas len: „Haj tume kaske gindin man?” O Peter das vorba leske: „Tu san o Kristo.”
Atunchi pe lengo duho manglas len, ke khanyikaske tena vorbin kado pa leste.
Pala kado las te sityarel len pe kodo, ke le Manusheske Shaveske but trubul te dukhardyol. Trubuj te xasaren les le phure, le farizana haj le iskiritora, trubuj te mudaren les, haj pa trin dyes opre trubuj te trajisardyol.
Intregone uzhimatasa phendas lenge kadi traba. Atunchi o Peter rigate akhardas les, haj las tele te vorbil les.
Ba voj boldaspe, pe peske sityarde dikhlas, haj vorba vazdas po Peter: „Zhatar angla mande, shatanona! Ke na le Devleske butyanca grizhostu, ba le manushengirenca.”
Pala kodo peste akhardas le butimatan haj peske sityarden, haj kodo phendas lenge: „Kon pala mande kamel te avel, te asvikarel pes, te lel opre pesko trushul haj tavel pala mande.
Ke kon kamel te muntul pesko trajo, xasarel kodo, haj kon xasarel pesko trajo anda mande haj anda evangeliumo, muntul kodo.
Ke so mol le manusheske, kana sa e intrego luma peske lel, lesko dyi pale nasulipe resel?
Ke so shaj del o manush parudes anda pesko dyi?
Ke kon lazhal man haj mure alaven ande kadi ansurimata oprephagerdi, bezexasli vrama, vi le Manushesko Shavo lazhala kodales, kana avla ande peske Dadesko ashtyilipe le suntone andyelonca.”
The software aims to connect everyone with the text of the Bible on a quickly accessible, customisable interface.
The name refers to both connectivity and speed…
“Let every man be swift to hear, slow to speak, and slow to anger!”
With love, Tom Károly