Lil le efezushenge

Chapters:

1 2 3 4 5 6

verse #1

O Pal anda Devlesko kamipe le Kristo Jezushesko aposhtolo si, ando Efezush sile suntonge haj ando Kristo Jezush patyamnenge.

verse #2

Gracija tumenge haj pachipe kathar o Del, kathar amaro dad haj kathar amaro Raj Jezush Kristo!

verse #3

Te avel ashtyilime amare Rajesko, le Jezush Kristosko Del haj Dad, kon ando Kristo sagda rajosarde, haj duhoske ashtyilipesa ashtyilisardas amen.

verse #4

Ke avrialosardas amen ande leste
angla lumako kerdyipe,
ke suntura haj uzhe te avas angla leste ando kamipe.

verse #5

Ke anda kodo kerdas amen,
ke peske shavenge te lel amen perdal pa Jezush Kristo,
kathar pesko kamipesko fajlipe,

verse #6

haj asharas leski luvudyisardi gracija,
so das amenge ande pesko kamado Shavo.

verse #7

Ande leste si amenge o muntoipe perdal pa lesko rat,
le bezexengo jertisaripe, leski gracija, sar so si lesko barvalipe,

verse #8

so butardes das amenge
sakone platnikipesa haj pinzharipesa kethanes.

verse #9

Ke pinzharadas amenca peske kamipeski tajna
kathar pesko lashipesko fajlipe, so avri gindisardas ande leste,

verse #10

pa vramengo intregonimasko kerdyipe:
ke ando Kristo, sar Angluno, pale kethanes te xutyilel sakofalo,
so ando cheri haj pe phuv si.

verse #11

Ande leste vi reslam kado muklosaripe, ame, kon pe kado arakhadyilam kathar kodalesko kamipe, kon sakofalo kathar pesko kamipe kerel,

verse #12

ke te asharas lesko luvudyipe, ame, kon aba vi angla kodo sperantisarasas ando Kristo.

verse #13

Ande leste vi tume ashundine le chachimasko alav, vi patyanas leske, haj vi line le Suntone Duhosko stemplo,

verse #14

kon samalelari si amare muklosaripeke, zhikaj o Del intregones chi lel palpale so leskoj pe pesko luvudyimasko asharipe.

verse #15

Anda kado vi me, pala soste ashundom, ke patyan ando Raj Jezush, haj ke kamen sa le intregone sunton,

verse #16

chi nachuvavtar najisipe te phenav anda tumende, haj serojisajvav pa tumende ande mure rudyimata,

verse #17

ke amare Rajesko, le Jezush Kristosko Del, le luvudyimasko Dad te del tumenge le platnikimasko haj avri sikadyimasko Duhos, ke te pinzharen les.

verse #18

Te fimlalisarel tumare duhikane jakha, ke te zhanen, ke pe sosko sperantipe akhardas tumen, ke sosko barvaloj lesko luvudyisardo muklipe pe suntongi rig,

verse #19

haj sosko baro si lesko saktimo pe amende, kon patyas. Peski bari zor ando

verse #20

Kristo sikadas, kana opretrajardas les anda meripe haj pe peski chachi rig tordyardas les ando rajo,

verse #21

opralutnes pe sakono krajipe haj saktimo, zor haj rajipe, haj sakono anav, so na feri pe kadi luma pomonin, ba vi ando avlimasko.

verse #22

Sakofalo tala leske punre shudas, haj le majbareske shutas les ande eklezhia,

verse #23

so lesko trupo si, haj kodalesko intregonipe, kon ande sakofaloste sakofalo andre pherdyarel.

Chapters:

1 2 3 4 5 6