Evangeliumo kathar o Mate

Chapters:

1 2 3 4 5 6 …   ⇤ ← 1 → ⇥

verse #1

Le Jezush Kristoske familiako skundo, kon le Davidesko, le Abrahameske shavesko shavoj.

verse #2

O Abraham kerdas le Izhakos; o Izhak kerdas le Jakobos; o Jakob pale kerdas le Judas haj kadaleske phralen;

verse #3

o Juda kerdas le Fareses haj le Zaratos kathar e Tamara; o Fares kerdas le Ezrontos; o Ezron pale kerdas le Aramos;

verse #4

o Aram kerdas le Aminadabos; o Aminadab kerdas le Nahsones; o Nahson kerdas le Salmontes;

verse #5

o Salmon kerdas le Booztes kathar e Rahab; o Booz kerdas le Obedes kathar e Rut; Obed kerdas le Jesses; o Jesse pale kerdas le David krajes.

verse #6

O David kerdas le Shalamones kathar peski Uriash romnyi;

verse #7

o Shalamon kerdas le Roboamos; o Roboam kerdas le Abiates; o Abia kerdas le Asatos;

verse #8

o Asa kerdas le Jozafatos; o Jozafat kerdas le Joramos; o Joram kerdas le Ozijas;

verse #9

o Ozijas kerdas le Jotamos; o Jotam kerdas Achazes; Achaz kerdas le Hiskijas;

verse #10

o Hiskija kerdas le Manasses; o Manasse kerdas le Amones; o Amon kerdas le Jozijas;

verse #11

o Jozija pale kerdas le Joakinos haj leske phralen kana perdal geline te beshen ande Babilonia.

verse #12

Pala Babiloniako perdal zhape o Joakin kerdas le Shalatieles; o Shalatiel kerdas le Zerubbabeles;

verse #13

o Zerubbabel kerdas le Abiudes; o Abiud kerdas le Eljakimos; o Eljakim kerdas le Azores;

verse #14

o Azor kerdas le Sadokos; o Sadok kerdas le Akimos; o Akim kerdas le Eliudos;

verse #15

o Eliud kerdas le Eleazares; o Eleazar kerdas le Mattanos; o Mattan kerdas le Jakobos;

verse #16

o Jakob pale kerdas le Jozhefes. Voj sas lako rom la Marijake, kastar arakhadyilas o Jezush, kas Kristoske anavaren.

verse #17

Sa o intrego generaciovo apol kathar o Abraham zhikaj o David deshushtar generaciovo si; kathar o David zhikaj e Babilonicko perdal zhape deshushtar generaciovo si; haj kathar e Babilonicko perdal zhape zhikaj o Kristo deshushtar generaciovo si.

verse #18

Le Jezush Kristosko arakhadyipe pale kade sas:
Leski dej e Marija ande angrustya sas le Jozhefesa. Ba so majanglal kethane shaj colaxardinesas, avri zhanglyilas, ke ande peski utera kathar o Sunto Duho xutyilivardyilas.

verse #19

O Jozhef pale, lako rom, ke chacho manush sas, chi kamlas ande viaca te anel la, anda kado kodo gindisardas avri, ke ande pacha, tala tajna bishavela la.

verse #20

Kana kadal boldelas ande pesko ilo, aketa, le Rajesko andyelo ande lesko suno sikadyilas leske haj kade das duma: „Jozhef, Davidesko shavo, na dara tute te les tya romnya, la Marija, ke so ande late xutyilivardyilas, kathar o Sunto Duho si.

verse #21

Shaves anla pe luma, haj o Jezush anav desa leske, ke voj muntusarela peske popularos kathar lenge bezexa.”

verse #22

Sa kado pale anda kodo pecisardyilas, andre te pherdyol le Rajeski vorba, so le profetanca phenavardas:

verse #23

„Aketa, e sunto ande peski utera xutyilivardyol haj shaves anla pe luma, haj lesko anav Emmanueleske anavarena”. Kado kodo sikavel: Amencaj o Del.

verse #24

O Jozhef pale opre ushtyilas anda pesko suno, haj kade kerdas, sar so le Rajesko andyelo vladisardas leske. Peste las peska romnya,

verse #25

ba chi pinzhardas la, zhikaj chi andas pe luma le shaves; haj o Jezush anav das leske.

Chapters:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28