Evangeliumo kathar o Mate

chapter 26


Chapters:


Le anglune svatosko krisipe


verse #1

Pecisajlas, ke kana o Jezush andre agorutnisardas kadal phenimata, kade das duma kaj peske sityarde:


verse #2

„Zhanen, ke pala duje dyeseste patradyako dyes avla, haj le Manusheske Shaves perdal dena, po trushul te tannaren les.”


verse #3

Atunchi le angrashaja haj le populareske phure kethane aviline ande anglalutne rashajeski dyiz, kas Kaifasheske anavarenas.


verse #4

Vorbisardine mashkar pende, ke le Jezushes xoxavjipesa xutyilena haj mudarena les.


verse #5

Ba kodo phendine: „Na pel bare dyesa, tena vazdadyol xape mashkar le manusha!”


O betanicko makhlipe


verse #6

Kana o Jezush ande Betania sas ande lepralone Shimonesko kher,


verse #7

kothe gelas leste jekh romnyi. Ande alabashtromicko vaso kuch makhlimata sas late, haj avri shordas kodo pe Jezushesko shero, kana voj kaj e mesalya beshelas.


verse #8

Kado dikhlines le sityarde xolyajline: „Pe soste si lasho kado avri rispisaripe?


verse #9

Ke pe butende shaj bikindamas kado haj kothe shaj damaslesles le chorrenge.”


verse #10

O Jezush sama las kado haj kade das duma: „Sostar azban kadala romnya? Haj apol lasho kerdas mange.


verse #11

Ke chorre sagda avna tumenca, ba me chi avo sagda tumenca.


verse #12

Kana voj avri shordas kado makhlipe pe muro trupo, pe muro praxope kerdasla.


verse #13

Amen, phenav tumenge: pe intrego luma kaj feri viacarena kado evangeliumo, pe lako serovjipe phenena vi kodo, so kerdas.”


Le Judashesko purripe


verse #14

Atunchi jekh mashkar le deshu duj, kas kariotickone Judasheske anavarenas, gelastar kaj le angrashaja


verse #15

haj kodo phendas lenge: „So den man, perdal te do les tumenge?” Kodal tranda rupune shinadine leske.


verse #16

kathar kodo rodelas e vrama, te shaj purril les.


La patradyako xamosko angle lasharipe


verse #17

Pe bi kamir manrengo angluno dyes kothe geline le sityarde kaj o Jezush, haj kodo phendine: „Kaj kames, angle te lasharas tuke, la patradyako xamo?”


verse #18

Voj kodo phendas: „Zhan andre ando foro kaj kado haj kado, haj phenen leske: »O Maistrovo phendas: Muri vrama pashe si, mure sityardenca kethanes tute inkro e paska.«”


verse #19

Le sityarde kade kerdine, sar o Jezush phendas lenge, haj kerdine la patradyako retxamo.


La patradyako ratyakoxamo


verse #20

Kana andre ratyilas, kaj mesalya beshlas le deshudujenca.


verse #21

Sar xanas, kade das duma: „Amen, phenav tumenge: jekh mashkar tumende purril man.”


verse #22

Pe kado zurales brigajline haj jekhtunes lenas te pushen les: „Dore, na me som kodo, Raja?”


verse #23

Voj kade das duma palpale: „Kon manca jekharsa bolel pesko vast ando charo, kodo purril man.


verse #24

Chaches le Manushesko Shavo zhaltar, sar vi si iskirime pa leste, ba jaj kodale manusheske, kon le Manusheske Shaves purril. Maj mishto avilino kodale manusheske, kana china chi te arakhadyilino.”


verse #25

Atunchi duma das o Judash, kon purrisardas les: „Dore na me som kodo, Rabbi?” Voj kodo phendas leske: „Tu phendan.”


verse #26

Sar xanas, o Jezush xutyildas o manro, ashtyilipe phendas, phaglasles, haj kothe dasles peske sityardenge kadale vorbenca: „Xutyilenles haj xanles, kadoj muro trupo.”


verse #27

Pala kodo xutyildas o taxtaj, najisipe phendas haj kothe dasles lenge kadale vorbenca: „Pen anda kado savorazhene,


verse #28

ke kadoj muro rat, le nyeve teshtamentosko, so anda butende avri muklyadyol pe le bezeximatango jertipe.


verse #29

Phenav tumenge: kathar kadi vrama chi po anda drakhesko kado upaj zhikaj kodo dyes, zhikaj o nyevo chi po tumenca ande mure Dadesko them.”


O Jezush avri zhal pe uloj kashtengo plaj


verse #30

Pala soste gilybade e dosologia, avri geline pe uloj kashtengo plaj.


verse #31

Atunchi o Jezush kodo phendas lenge: „Pe kadi ratyi tume savorazhene kordoladyona ande mande, ke iskirime si: »Marav le malyares, haj rispisardyon le bakra«.


verse #32

Ba pala soste opretrajisardyilom, angla tumende zhav ande Galilea.”


verse #33

Pe kado o Peter duma das haj kado phendas leske: „Sakonesko patyape te bandyola ande tute, muro patyape ande tute chikana chi nacholatar.”


verse #34

O Jezush kado phendas leske: „Amen, phenav tuke: kadi ratyi, so majanglal o bashno cipila, vi trivar asvikaresa man.”


verse #35

O Peter pe kado kade colaxarelas: „Inke vi te trubuj tusa kethanes te merav, chi atunchi chi asvikaro tut.” Kade vorbinas savora zhene le sityarde.


Le Jezushesko rudyimo ande Getsamanicko bar


verse #36

Atunchi o Jezush gelastar lenca andekh majro, so Getsemaneske anavarenas, haj kodo phendas le sityardenge: „Beshen tele kathe, zhikaj me zhavtar kothe haj rudyisarav.”


verse #37

Pasha peste las le Peteres haj le Zebedeusheske duje shaven, haj las te izdral haj te dukhardyol.


verse #38

Atunchi kodo phendas lenge: „Brigakoj muro dyi zhikaj o meripe. Ashon kathe, haj ratyaren manca kethanes.”


verse #39

Jekh cerra angle gelas, pe mosura burdosardas haj kade rudyilas: „Muro Dad, te shaj, te nacholtar mandar kado taxtaj. Ba na kade te avel sar me kamav, ba kade sar tu kames.”


verse #40

Pala kado kothe gelas kaj peske sityarde, haj sovjindes arakhlas len. Kodo phendas le Petereske: „Kade apol chi zhangline chi jekh chaso te ratyaren manca?


verse #41

Ratyaren haj rudyin, ke ande zumavjimata tena peren! O duho chaches gataj, ba o trupo slaboj.”


verse #42

Pala kodo pale gelastar, vi po dujto, haj kade rudyilas: „Muro Dad, kana nashtig avel kade, ke te nacholtar kado bi kodo, avri te pavles, te avel kade, sar tu kames.”


verse #43

Pale palpale gelas, haj pale sovjindes arakhlas len, ke lenge jakha pharosajline.


verse #44

Pe kado kothe muklas len, pale gelastar haj vi po trito rudyilas pale, zhikodale vorbenca.


verse #45

Pala kodo kothe gelas kaj le sityarde haj kodo phendas lenge: „Soven aba haj pachardyon! Aketa, pashardyilas o chaso, haj le Manusheske Shaves ande bezexaslenge vast den.


verse #46

Ushtyen opre, zhastar! Aketa, pashe si aba, kon purril man.”


Le Jezushes xutyilen


verse #47

Inke vorbilas, kana aketa, o Judash, mashkar le deshuduj o jekh reslas, haj lesa kethanes bari butimata xanrenca haj rolyanca kathar le angrashaja haj kathar le popularenge phure.


verse #48

Kon purrisardas les, somno sikadas lenge: „Kas chumidav, voj si kodo, xutyilen les!”


verse #49

Atunchi kothe ushtyadas kaj o Jezush haj kodo phendas: „Av drobome, Maistro!” Haj chumidas les.


verse #50

O Jezush kade das leste duma: „Muro vortakona, anda kado avilan!” Atunchi kothe geline haj vast vazdine po Jezush haj xutyildine les.


verse #51

Haj aketa, o jekh mashkar kodal, kon le Jezushesa sas, avri lunzhardas pesko vast, avri cirdas pesko xanro, haj pe anglalutne rashajeski sluga shindas, haj tele shindas lesko kan.


verse #52

O Jezush pe kado kodo phendas leske: „Shu palpale tyo xanro pe lesko than. Ke sa kodo, kon xanro xutyilel, kathar xanro merel.


verse #53

Bake kodo gindis, ke nashtig mangos mure Dades, ke akanak te bishalel mange majbut sar, desh legiova andyelon?


verse #54

Ba atunchi, sar shaj pherdyonas andre le Iskirimata, ke kadaleske kade trubuj te pecisajvel?”


verse #55

Ande kodo chaso o Jezush kodo phendas le butimatange: „Sar pekh varisosko chor, kade aviline avri xanrenca haj rolyanca, te xutyilen man. Sako dyes ande khangeri beshos haj sityaros, haj chi xutyildine man.”


verse #56

Sa kado anda kodo pecisardyilas, ke andre te pherdyon le profetange iskirimata. Atunchi leske sityarde savorazhene kothe mukhline les haj nashlinetar.


O Jezush angla angsvato


verse #57

Kodal pale xutyildine le Jezushes haj ingerdine les kaj o Kaifash, kaj o angrashaj, kaj le iskiritora haj le phure kethane aviline.


verse #58

O Peter pale dural zhalas pala leste zhikaj le angrashajesko dyiz. Andre gelas kothe haj tele beshlas le sluganca kethane, te dikhel le butyango agoripe.


verse #59

Le angrashaja pale, haj o intrego svato xoxamne colaxara rodenas po Jezush, po meripe te den les,


verse #60

ba chi arakhline, apol chaches but xoxamne colaxara aviline kethane pe leste. Palutnes angle tordyilas duj


verse #61

haj kade dine duma: „Kado kodo phendas: Tele zhanav te putrav le Devleski khangeri, haj tala trin dyes oprevazdavla.”


verse #62

Atunchi o angrashaj opreushtyilas haj kodo phendas leske: „Khanchi chi phenes? Soj kado, so kadal colaxaren pe tute?”


verse #63

Ba o Jezush chi das duma. O angrashaj kade das duma leste: „Colaxarav tut po trajindo Del, phen avri amenge, tu san o Kristo, le Devlesko Shavo?”


verse #64

O Jezush kodo phendas leske: „Tu phendan. Ba phenav tuke: Abakanak dikhena le Manusheske Shaves pe Saktimoski chachi rig te beshel, haj te aveltar pe chereske norura”.


verse #65

Atunchi o angrashaj shingerdas peske gada haj kade das duma: „Kushlas! So grizhosaras ame inke colaxarenca? Aketa, akanak ashundine e kushlimata.


verse #66

So gindin?” Kodal kado phendine: „Perelpe leske o meripe!”


verse #67

Pala kodo ande leski mosura shungardine, dukhumenca malavenas les, kavera pale palma shinenas les.


verse #68

haj kodo phenenas: „Profetisar amenge, Kristona, kon si kodo, kon maladas tut?”


Le Peteresko asvikaripe


verse #69

O Peter pale avral beshelas ande avlina. Kothe gelas leste jekh sluga shej haj kade das duma: „Vi tu le galilikane Jezushesa sanas!”


verse #70

Ba voj angla sakoneste tele asvikardas kado: „Chi zhanav so vorbis.”


verse #71

Kana avri gelas kaj o baro vudar, dikhlas les jekh kaver, haj kade das duma kaj kodal kon kothe sasle: „Vi kado le Nazaretickone Jezushesa sas!”


verse #72

Voj pale colaxarimasa asvikardas les: „Chi pinzharav kodale manushes!”


verse #73

Palakh cerra vrama kothe geline leste le kothe tordyinde haj kodo phendine le Petereske: „Chachikanes vi tu mashkar lendar san, ke vi tye vorbi purrin tut.”


verse #74

Pe kado voj las te del armaja haj te colaxarel: „Chi pinzharav kodale manushes.” Atunchi oprecipisardas o bashono.


verse #75

Le Petereske pale ande leski godyi avilas le Jezusheske vorba, kon phendasla: „Zhiso majanglal o bashno cipila, trivar asvikaresa man.” Avri gelas kothar haj zurales las te rovel.

Chapters:


Books