Evangeliumo kathar o Mate

chapter 14


Chapters:


Le Herodeshesko phenipe pa Jezush


verse #1

Ande kodal vrami o Herodesh fertajicko kraj ashundas viaca pa Jezush,


verse #2

haj kodo phendas peske slugange: „Kado o Bolari Janosh si. Voj trajisardas opre anda meripe, anda kodo zhanel chudimata te kerel.”


Le Bolare Janoshesko shero tele shinen


verse #3

Ke o Herodesh xutyiladas le Janoshes, phanglasles haj ande robija shudas les anda Herodiash, kon leske phraleske, le Filipeske sas romnyi.


verse #4

Ke o Janosh kodo phendas leske: „Naj muklo tuke, ke voj tyiro te avel.”


verse #5

Kamlas voj te mudarel les, ba daralas kathar le manusha, ke profetaske inkrenas les.


verse #6

Kana le Herodesheske lesko arakhadyimasko dyes sas, la Herodiashaki shej avri tordyilas mashkarutnes haj las te khelel. Po fajlipo sas kado le Herodesheske,


verse #7

anda kado colaxasa manglas la, ke dela lake sakofalo, shaj mangel zhiso.


verse #8

Ba ke laki dej aba anglalutnes avri sityardas la, kade das duma: „De mange kathe pekh tejari le Bolare Janoshesko shero.”


verse #9

O kraj brigaslo kerdyilas, ba anda colax haj andaj manusha, kon kaj e mesalya beshenas vladisardas, te den lake kothe.


verse #10

Bishaladas haj tele shinadas le Janoshesko shero ande robija.


verse #11

Lesko shero kothe ingerdine pekh tejari haj kothe dineles la shake, kodi pale kothe ingerdas les peska dake.


verse #12

Leske sityarde xutyildine o mulikano trupos haj praxosardine les, pala kodo gelinetar haj viacarde kadi traba le Jezusheske.


O angluno manresko butaripe


verse #13

Kana o Jezush ashundas kado, palpale gelas kothar pekh bero, kaj jekh pusto than, korkoro. E butimata avri zhanglas kado haj zhanas pala leste andaj forura.


verse #14

Kana avri hulyilas, dikhlas le bute manushen. Sunusardyilas pe lende lesko ilo, haj kon mashkar lende nasvalo sas sastyardas len.


verse #15

Kana ratyi kerdyilas, kothe geline leste leske sityarde haj kodo phendine leske: „Pustoj kado than haj vi e vrama nachilastar aba. Bishal le bute manushen te zhantar ande gava haj te kinen penge xamasko.”


verse #16

Ba o Jezush kado phendas lenge palpale: „Naj anda soste te zhantar, denle tume te xan.”


verse #17

Kodal kado phendine leske: „Naj amen kathe kaver, feri panzh manre thaj duj mashe.”


verse #18

Kodo phendas lenge: „Anen kathe kodolen.”


verse #19

Vladisardas le bute manushenge, ke te beshen tele, pala kodo xutyildas le panzhe manren haj le duje mashen, opredikhlas po cheri, ashtyilipe phendas, phaglas le manren haj kothe dasle peske sityardenge, le sityarde pale le butimatange.


verse #20

Savorezhene xaline haj chalyiline. Pala kodo opre kidine so ashilas anda xamasko, so ande deshuduj pherde koshnyici resline andre.


verse #21

Karing le panzh miji manusha sas, kon xaline, le romnyan haj le shavoren na ginades.


O Jezush po paji phirel


verse #22

Pala kodo sigo vladisardas le sityardenge, te hulyen ando bero, haj te zhantar angla leste pe kaver dolma perdal, zhikaj voj bishalel le butimatan.


verse #23

Pala soste bishaldas le manushen korkoro opre gelas po plaj te rudyil. Kana andre ratyilas korkoro sas kothe.


verse #24

O bero aba bute shtadiumo dur sas aba kathar e dolma, haj opre-tele shudenasles le plemeni, ke mosestar phurdelas e balval.


verse #25

Ratyi apol, kana avilastar e vrama, kana le ketani po shtarto den perdar o samalelaripe jekhavreske, kothe gelas lende pe mara phirindes.


verse #26

Kana le sityarde dikhline les, sar pe mara phirel, zurales darajline haj kado phendine: „Dichimataj!”, haj kathar e bari dar line te cipin.


verse #27

Ba o Jezush atunchi duma das lende: „Patyan, me som, na daran!”


verse #28

O Peter kade das leske vorba palpale: „Raja, tu te san, vladisar, te zhav tute po paji.”


verse #29

Voj kodo phendas: „Av!” O Peter avri hulyilas anda bero, haj las te zhal karing o Jezush po paji.


verse #30

Ba kana dikhlas e zurali balval, darajlas, haj sar las tele te muklyadyol ando paji, opre cipisardas: „Raja! Muntusar man!”


verse #31

O Jezush atunchi avri lunzhardas pesko vast, xutyildas les haj kodo phendas leske: „Tu cerra patyamnesko! Sostar chi patyajlan?”


verse #32

Kana andre hulyiline ando bero, tordyilas e balval.


verse #33

Kon ando bero sasle tele burdosajline angla leste, haj kodo phendine: „Chachikanes le Devlesko shavo san!”


Sastyarimata pe Genezareteske phuva


verse #34

Kana perdal nakhline po sarovo, perdal resline pe Genezareteske phuva.


verse #35

Kana kodale thaneske manusha opre pinzhardine les, sakoneske duma dine pe kodal riga, haj kade kothe andine leste sakone nasvales,


verse #36

haj mangenas les, ke numa kaj leske gadengo agor te shaj resen. Kon numa leste reslas, sastyilas.

Chapters:


Books