chapter 18
Ande kodo chaso le sityarde kothe aviline kaj o Jezush haj kodo phendine: „Kon si o majbaro ande rajosko them?”
Pe kado voj kothe akhardas jekhe shavores, mashkar lende tordyardas les,
haj kade das duma: „Amen, phenav tumenge: tena boldentume karing o Del, haj ch«avena kasave, sar le cine shavora, chi zhan andre ande rajosko them.
Ke kon cino kerdyol, sar kado shavoro, kodo si o majbaro ande rajosko them.
Haj kon andre svagarel jekhe kasave cine shavores ande muro anav, man svagarel andre.
Kon pale koldolarel mashkar kadal cine jekhes, kon patyan ande mande, maj mishto avlas kodaleske, kana assavesko barr te phandenas ande leski kor, haj ande mara te shudenas les.
Jaj la lumake andaj bidi! Chaches, ke trubuj te aven bidimata, ba jaj kodale manusheske, kon pecil e bida.
Kana tyo vast bake tyo punro koldoralel tut, shinles tele haj shudeles tutar! Maj mishtoj tuke paralizanes bake banges andre te zhas ando trajo, sar duje vastenca haj duje punrenca ande sagutni jag te reses.
Haj kana tyi jakh koldolarel tut, shinla avri haj shudela tutar! Majmishtoj tuke dopash jakhasa ando trajo andre te zhas, sar duje jakhenca pe dyehennaki jag te reses.
Len sama, na dikhen tele chi jekhes mashkar le cine. Ke phenav tumenge: lenge andyela sagda dikhen ando rajo mure Dadeski mosura, kon ando rajo si.
So gindin? Kana jekhe manushes shel bakre siles, haj mashkar kodal jekh xasalyvel, chi mukel dore kothe le ijjavardesh thaj ijjan pe plaja, dore chi zhalatar haj chi rodela le xasalyline bakres?
Kana pale rakhelales, Amen phenav tumenge: majfeder loshshala kodaleske, sar le ijjavardesh thaj ijjange, save china chi xasalyline.
Zhikade tumaro Dad, kon ando rajo si, chi kamel te xasalyvel, chi jekh mashkar kadal cine.
Tyo phral te bezexarla tuke, zha haj de peleste duma kana duj zhene sanle.
Ba tena ashunela pe tute, atunchi le pasha tute inke jekhe bake duje amalen, ke sakone butya duje bake trine manushenga vorbasa trubuj te chacharen.
Kana chi pe lengi vorba chi kamel te ashunel, phenles avri la eklezhiake. Kana pale chi pe eklezhia chi kamel te ashunel, te avel pe tyi rig kasavo, sar o murtikano bake o financo.
Amen, phenav tumenge: sa kodo so phandav pe phuv, phanglo avla vi ando rajo, haj so opre putrav pe phuv, opre avla puterdo vi ando rajo.
Haj Amen, phenav tumenge: kana pe phuv duj zhene ande jekh hatyarimata mangen variso, zhiso te avel kodo, lenales kathar muro Dad, kon ando cheri si.
Ke kaj dujzhene bake trin zhene kethane aven ande muro anav, kothe som mashkarlende.”
Atunchi o Peter kothe gelas leste, haj kodo phendas leske: „Raja! Sodivar shaj bezexarel mange muro phral, sodivar trubuj te jertisarav leske? Dore eftavar”
O Jezush kado phendas leske palpale: „Na kodo phenav, ke eftavar, ba eftavardesh thaj eftavar.
Anda kado cirdel le rajosko them pekh kraj, kon kamlas agurutnes te lasharel peske slugen.
Kana las te kerel e traba, kothe ingerdine leste jekhes, kon desh miji talentumonca kamelas leske.
Ke nasles anda soste te delle, o raj vladisardas, te biknen les, leska romnya, leske shavoren, haj sakofalo so feri siles, haj kade te potyinel.
E sluga pe kado zhikaj e phuv bandyilas, haj tele burdosardes mangelas les: »Av jekh cerra pachuno mande, haj sakofalo do me tuke.«
Sunusardyilas le rajesko ilo pe sluga, bishaldas apol les, haj inke vi o kamipe muklas leske.
Kadi sluga apol, kana avri gelas, maladyilas peske slugone amalesa, kon kamelas leske shele denaronca. Xutyildas les, las te tasavel les haj kade cipilas: »De palpale, sosa kames mange.«
Lesko slugicko amal zhikaj e phuv bandyilas, haj mangelas les: »Av jekh cerra toleransho mande, haj dole tuke.«
Ba kodo chi mukelas anda pesko, ba ingerdas les haj ande robija shudas les, zhikaj dela o kamipe.
Kana le slugaske amala dikhline e pecimata, zurales brigajline. Gelinetar haj avri phendine sakofalo penge rajeske, ke so pecisardyilas.
Atunchi o raj peste akharadas les, haj kado phendas leske: »Tu nasul sluga! Me o intrego kamipe mukhlom tuke, ke mangesas man.
Chi trubusardino vi tuke lasho te aves tye amalesa, sar vi me lasho somas tute?«
Haj o raj ande peski xolyi perdal das les le dukharenge, zhikaj chi dela pesko intrego kamipe.
Kade kerla vi muro rajuno Dad tumenca, kana savorazhene mashkar tumende chi jertisarela peske phraleske anda pesko ilo.”
The software aims to connect everyone with the text of the Bible on a quickly accessible, customisable interface.
The name refers to both connectivity and speed…
“Let every man be swift to hear, slow to speak, and slow to anger!”
With love, Tom Károly