Evangeliumo kathar o Mate

Chapters:

… 6 7 8 9 10 …   ⇤ ← 8 → ⇥

verse #1

Kana pale tele avilas pa plaj, but manusha avile pala leste.

verse #2

Haj aketa, kothe avilas jekh lepralo, changa das angla leste, haj kodo phendas: „Raja, te kames, shaj uzhares man!”

verse #3

O Jezush avri lunzhardas pesko vast, leste reslas, haj kade das duma: „Kamav, av uzho!” Pe kado kuko atunchi uzho kerdyilas kathar e lepra.

verse #4

Atunchi o Jezush kodo phendas leske: „Lesama, khanyikaske na vorbin pa kado, ba zha haj sikav tut le rashajeske haj inbisar opre dimata, so o Mozesh vladisardas, po chacharipe lenge.”

verse #5

Kana pale andre gelas ando Kafarnaumo, kothe gelas leste jekh shelari, haj mangelas les:

verse #6

„Raja, muri sluga ande muro kher pashjol bi mishkisardes, haj zurales bare dukha siles.”

verse #7

Kodo phendas leske: „Zhav haj sastyarav les.”

verse #8

Ba o shelari kade das palpale duma: „Raja, chi som dosta, ke ande muro kher te aves, ba numa jekha vorbasa phen, haj sastyol muri sluga.

verse #9

Ke vi me tala saktimo inkerdo manush som, telalutne ketani slugin vi mange, haj kodo te pheno jekheske: »Zha!«, zhaltar, bake le kavereske »Av«, kothe avel, mure slugaske pale: »Ker kado«, kerelles.”

verse #10

Kado ashundes o Jezush bari dikhlas, haj kado phendas le manushenge, kon lesa inkrenas: „Amen, phenav tumenge: ando Izrael chi arakhlom kabor patyape khanyikaste.

verse #11

Phenav tumenge: But zhene avna pa oriento haj pa okidento, haj vatra malavena le Abrahamosa haj le Izhakosa haj le Jakobosa ande rajosko them.

verse #12

Le themeske shaven pale avri shudena ande avralutni tunyarikimata. Avla kothe rovjipe haj dand kircipe!”

verse #13

Pala kado o Jezush kade das duma kaj o shelari: „Zha, haj t«avel kade, sar patyajlan.” Haj sastyilas leski sluga ande kodo chaso.

verse #14

Kana pala kado o Jezush andre gelas ande Peteresko kher, dikhelas, ke kodaleski sokra pashjol haj nasvali si.

verse #15

Kaj lako vast reslas, pe soste mukhlas la o nasvalipe. Opre ushtyilas haj opre slugisardas leske.

verse #16

Kana andre ratyilas, kothe andine leste bute bengale manushen. Avri nashadas peska vorbasa le duhon, kodalen pale kas varisoske dukha sas, sastyardas,

verse #17

ke kade andre te pherdyon, so o Izajash profeta phendas:
»Voj amare slabimata pe peste las,
haj amare nasvalimata phiravelas«

verse #18

Kana dikhlas, ke soske but manusha len les krujal, kodo vladisardas te zhan perdal pe kaver dolma.

verse #19

Atunchi kothe gelas leste jekh iskiritori, haj kodo phendas leske: „Maistro, zhav pala tute, zhikaj feri zhas.”

verse #20

O Jezush kado phendas leske palpale: „Le hilpan sile gropa, le chereske chiriklyan pale kujbo sile, ba le Manusheske Shaveske naj kaj tele te shol pesko shero.”

verse #21

Mashkar leske sityarde jekh pale kado manglas lestar: „Raja, mukh mange majanglal te zhavtar, haj te shaj praxosarav mure dades.”

verse #22

Ba o Jezush kodo phendas palpale leske: „Av pala mande, mukh pe mule, te praxon penge mulen.”

verse #23

Kana andre hulyisardas ando bero, kade kerdine vi leske sityarde.

verse #24

Haj aketa, kasavo baro tufano kerdyilas pe mara, ke ando bero andre marenas le plemeni. Voj pale sovelas.

verse #25

Kothe aviline haj opre ushtyadine les: „Raja, muntusar amen, ke xasajvas!”

verse #26

Voj kodo phendas lenge: „Sostar sanle daramne, tume cine patyamne?” Pala kodo opre tordyilas, duma das pe balvaja haj pe mara, haj baro pachipe kerdyilas.

verse #27

Le manusha pale bari dikhline haj kade denas duma: „Kon si kado, ke inke vi le balvaja haj vi e mara mukelpe leske?”

verse #28

Kana perdal resline pe kaver dolma, pe gadarenge phuva, angla leste avile duj bengale. Anda murmuntura aviline avri, anda kado khonyik chi tromalas pe kodo drom te phirel.

verse #29

Haj kodal aketa, kade cipinas: „So grizha si amen tute, Devlesko Shavo? Anda kodo avilan kathe, ke angla e vrama te dukhares amen?”

verse #30

Dur lendar jekh balengo kethanipe sas pe mal.

verse #31

Le beng mangenas les: „Avri te nashavesa amen, bishal amen ande balengo kethanipe.”

verse #32

Kodo phendas lenge: „Zhantar.” Kodal avri geline, haj andre huraldine ande balende. Haj aketa, tele nashlas o intrego kethanipe, tele pa mal ande mara, haj tasadyiline ando paji.

verse #33

Le balara pale nashletar ando foro, haj ingerdine e viaca, ke so pelaspe le bengalenca.

verse #34

Haj aketa, o intrego foro avri avilas angla o Jezush. Kana dikhline les, mangenas les, ke te zhaltar pe kaver phuva anda lengi granica.

Chapters:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28