Evangeliumo kathar o Mate

Chapters:

… 22 23 24 25 26 …   ⇤ ← 24 → ⇥

verse #1

O Jezush avriavilas anda khangeri haj las te zhaltar. Leske sityarde kothe geline leste, te sikaven leske la khangerake riga.

verse #2

Atunchi kade das duma lende: „Apol dikhen savora zhene kadal sa? Amen, phenav tumenge: Chi ashola kathe barr po barr, so tena pustilaspe.”

verse #3

Kana pe uloj kashtengo plaj tele beshlas, le sityarde kothe geline leste haj mangenas les: „Phen amenge avri, ke kana pecisardyona kadala? Haj so avla o somno tye avlimaske haj la lumake agorake?”

verse #4

O Jezush kodo phendas lenge: „Len sama, tena xoxavel varikon tumen.

verse #5

Ke but zhene avna ande muro anav haj kodo phenena: »Me som o Kristo«, haj bute zhenen perdal marena.

verse #6

Pa marimata haj pa kodalengi viaca ashunena. Len sama, tena darajven. Kadalake andre trubuj te pherdyol, ba kado inke na o agor avla.

verse #7

Ke popularo po popularo dela haj them po them. But rigate bari bok avla haj mishkilape e phuv.

verse #8

Ba sa kadal feri le dukhango anglipe avla.

verse #9

Atunchi maj dukharena haj mudarena tumen. Ruci avna angla sakono popularo anda muro anav.

verse #10

But zhene bezexasle kerdyona, purrina haj rucina jekhavres.

verse #11

But xoxamne profeti kerdyona haj but zhenen vi xoxavena.

verse #12

Ke butajvela o nasulipe bute zhenengo kamipe avri shudrola.

verse #13

Ba kon avri inkrel sagutnes, kodo muntosajvel.

verse #14

Haj le themeski kadi losshani viaca pe intergo luma viacarena, chacharipe kerena angla sakono popularo – haj atunchi avla o agoripe.

verse #15

Kana apol dikhena ke o putisardo marhipe, pa soste o Daniel profeta vorbilas, kothe tordyola po sunto than – kon ginavelles, te hatyarelles!-,

verse #16

Atunchi kodala, kon ande Judea si, te nashen ande plaja.

verse #17

Kon pe kheresko opralutnipe si, te na hulyol tele kothar, te ingrel variso anda kher,

verse #18

kon pale pe mal si tena avel palpale kothar, te ingrel peske gada!

verse #19

Jaj le phare haj chuchi dine romnyange ande kodal dyesa!

verse #20

Rudyin anda kodo, ke tumaro skepipe, na jivende haj na savatone te avel.

verse #21

Ke kasavo baro kikidipe avla atunchi, zhikaj nas inke kathar la lumako anglalipe zhikaj akanutni vrama, haj china chi avla majbut.

verse #22

Tena skurtosarenas kodal dyesa, chi muntosardyolas chi jekh zhuvindo; ba anda alosardo skurtosarena kodal dyesa.

verse #23

Atunchi, kana varikon kodo phenela tumenge: »Aketa, katej o Kristo«, bake »Kothej«, na patyan kodo.

verse #24

Ke xoxamne Kristura haj xoxamne profeta kerdyona, bare somnura haj chudimata kerena, ke te shaj, vi le alosarden perdal te zhanen te maren.

verse #25

Aketa, anglal phendomles tumenge.

verse #26

Kana apol kodo te phenena tumenge: »Aketa, ande pusta si«, na zhan avri: »Aketaj, ande andralutni soba«, na patyan.

verse #27

Ke sar o strafin pe orienteski rig fimlal haj pe nordeneski rig dichol, kasavo avla vi le Manusheske Shavesko avlipe.

verse #28

Ke kaj o mulo trupo si, kothe huran vi le mulikane chiriklya.

verse #29

Pala kadale dyesengo kikidyipe o kham kalyolatar, o shonitiko chi rispisarla majbut pesko fimlalipe, le cherhaja tele perena pa cheri, haj le chereske zora slabosajvenatar.

verse #30

Pala kodo opredichola po cheri le Manusheske Shavesko somno, haj atunchi pesko kolyin marela la phuvako sakono popularo. Dikhena le Manusheske Shaves, sar avelatar pe chereske norura saktimosa haj luvudyipesa.

verse #31

Bishalela peske andyelon bare bashavlyimatasa, haj kodal kethane kidena leske alosarden pa lumake shtar riga, kathar le chereski jekh rig zhikaj e kaver agor.

verse #32

Len parabola pa gular kasht: kana aba kolej leske kranzhi haj leske patra avri puterdyiline, zhanen, ke pashe si o milaj.

verse #33

Kade vi tume, kana sa kadal dikhena, zhanen avri, ke pashe si, aba ando vudar.

verse #34

Amen, phenav tumenge: chi nacholatar kado generaciovo, zhikaj kadal chi pecisardyona.

verse #35

Cheri thaj phuv nachonatar, ba mure alava chi nachonatar.

verse #36

Ba kodo dyes haj kodo chaso khonyik chi pinzharel: chi le chereske andyela, chi o shavo, feri korkoro o Dad.

verse #37

Ke sar le Noevoske dyesa, kasavo avla vi le Manusheske Shavesko avlipe.

verse #38

Ke sar angla bare pajesko shordyipeske dyesa so feri xaline haj piline, romnya line haj romeste geline, zhikaj kodo dyes, zhikana o Noe andre gelas ando bero,

verse #39

haj china chi gindisardine, zhikaj ch«avilastar le bare pajesko shordyipe haj chi mudardas len savora zhenen: kade avla vi le Manusheske Shavesko avlipe.

verse #40

Kana a-tunchi dujzhene pe plugasle phuva avna, le jekhes opre lena, le kaveres kothe mukena.

verse #41

Haj kana duj romnya morena assavesa, la jekha opre lena, la kavera kothe mukena.

verse #42

Aven apol sama linde, ke chi zhanen, ke savo dyes avelatar tumaro Raj.

verse #43

Kodo pale hatyaren, ke te zhanelas le kheresko raj, ke ande savi vramate avla o chor, sama lindo avelas haj chi mukelas andre te phagel ando kher.

verse #44

Aven apol gata vi tume, ke ande savo chaso chi gindina, avla le Manushesko Shavo.

verse #45

So gindis, savo si o chacho haj godyaver sluga, kas o Raj angla peske khereske manusha tordyarel, te del avri lenge o xamasko ande vramate?

verse #46

Anando si kodi sluga, kasko raj, kana khere resel, ande kadi butyi rakhel.

verse #47

Amen, phenav tumenge: pe pesko intrego barvalipe opral shol les o raj.

verse #48

Ba kodo nasul sluga kodo te phenel ande pesko ilo: »Pe buteste avel aba muro raj«,

verse #49

haj lela te marel peske slugane amalen, xal thaj pel le matenca;

verse #50

avla kodo dyes lesko raj kodale slugaske, pe savo chi zhukarela les, haj ande kodo chaso, ande saveste chi gindila.

verse #51

Nashavela les, haj pe paxandengi zheja resarela les. Avla kothe rovjipe haj dand kircipe!

Chapters:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28