Evangeliumo kathar o Mate

Capítulos:

… 22 23 24 25 26 …   ⇤ ← 24 → ⇥

verso 1

O Jezush avriavilas anda khangeri haj las te zhaltar. Leske sityarde kothe geline leste, te sikaven leske la khangerake riga.

verso 2

Atunchi kade das duma lende: „Apol dikhen savora zhene kadal sa? Amen, phenav tumenge: Chi ashola kathe barr po barr, so tena pustilaspe.”

verso 3

Kana pe uloj kashtengo plaj tele beshlas, le sityarde kothe geline leste haj mangenas les: „Phen amenge avri, ke kana pecisardyona kadala? Haj so avla o somno tye avlimaske haj la lumake agorake?”

verso 4

O Jezush kodo phendas lenge: „Len sama, tena xoxavel varikon tumen.

verso 5

Ke but zhene avna ande muro anav haj kodo phenena: »Me som o Kristo«, haj bute zhenen perdal marena.

verso 6

Pa marimata haj pa kodalengi viaca ashunena. Len sama, tena darajven. Kadalake andre trubuj te pherdyol, ba kado inke na o agor avla.

verso 7

Ke popularo po popularo dela haj them po them. But rigate bari bok avla haj mishkilape e phuv.

verso 8

Ba sa kadal feri le dukhango anglipe avla.

verso 9

Atunchi maj dukharena haj mudarena tumen. Ruci avna angla sakono popularo anda muro anav.

verso 10

But zhene bezexasle kerdyona, purrina haj rucina jekhavres.

verso 11

But xoxamne profeti kerdyona haj but zhenen vi xoxavena.

verso 12

Ke butajvela o nasulipe bute zhenengo kamipe avri shudrola.

verso 13

Ba kon avri inkrel sagutnes, kodo muntosajvel.

verso 14

Haj le themeski kadi losshani viaca pe intergo luma viacarena, chacharipe kerena angla sakono popularo – haj atunchi avla o agoripe.

verso 15

Kana apol dikhena ke o putisardo marhipe, pa soste o Daniel profeta vorbilas, kothe tordyola po sunto than – kon ginavelles, te hatyarelles!-,

verso 16

Atunchi kodala, kon ande Judea si, te nashen ande plaja.

verso 17

Kon pe kheresko opralutnipe si, te na hulyol tele kothar, te ingrel variso anda kher,

verso 18

kon pale pe mal si tena avel palpale kothar, te ingrel peske gada!

verso 19

Jaj le phare haj chuchi dine romnyange ande kodal dyesa!

verso 20

Rudyin anda kodo, ke tumaro skepipe, na jivende haj na savatone te avel.

verso 21

Ke kasavo baro kikidipe avla atunchi, zhikaj nas inke kathar la lumako anglalipe zhikaj akanutni vrama, haj china chi avla majbut.

verso 22

Tena skurtosarenas kodal dyesa, chi muntosardyolas chi jekh zhuvindo; ba anda alosardo skurtosarena kodal dyesa.

verso 23

Atunchi, kana varikon kodo phenela tumenge: »Aketa, katej o Kristo«, bake »Kothej«, na patyan kodo.

verso 24

Ke xoxamne Kristura haj xoxamne profeta kerdyona, bare somnura haj chudimata kerena, ke te shaj, vi le alosarden perdal te zhanen te maren.

verso 25

Aketa, anglal phendomles tumenge.

verso 26

Kana apol kodo te phenena tumenge: »Aketa, ande pusta si«, na zhan avri: »Aketaj, ande andralutni soba«, na patyan.

verso 27

Ke sar o strafin pe orienteski rig fimlal haj pe nordeneski rig dichol, kasavo avla vi le Manusheske Shavesko avlipe.

verso 28

Ke kaj o mulo trupo si, kothe huran vi le mulikane chiriklya.

verso 29

Pala kadale dyesengo kikidyipe o kham kalyolatar, o shonitiko chi rispisarla majbut pesko fimlalipe, le cherhaja tele perena pa cheri, haj le chereske zora slabosajvenatar.

verso 30

Pala kodo opredichola po cheri le Manusheske Shavesko somno, haj atunchi pesko kolyin marela la phuvako sakono popularo. Dikhena le Manusheske Shaves, sar avelatar pe chereske norura saktimosa haj luvudyipesa.

verso 31

Bishalela peske andyelon bare bashavlyimatasa, haj kodal kethane kidena leske alosarden pa lumake shtar riga, kathar le chereski jekh rig zhikaj e kaver agor.

verso 32

Len parabola pa gular kasht: kana aba kolej leske kranzhi haj leske patra avri puterdyiline, zhanen, ke pashe si o milaj.

verso 33

Kade vi tume, kana sa kadal dikhena, zhanen avri, ke pashe si, aba ando vudar.

verso 34

Amen, phenav tumenge: chi nacholatar kado generaciovo, zhikaj kadal chi pecisardyona.

verso 35

Cheri thaj phuv nachonatar, ba mure alava chi nachonatar.

verso 36

Ba kodo dyes haj kodo chaso khonyik chi pinzharel: chi le chereske andyela, chi o shavo, feri korkoro o Dad.

verso 37

Ke sar le Noevoske dyesa, kasavo avla vi le Manusheske Shavesko avlipe.

verso 38

Ke sar angla bare pajesko shordyipeske dyesa so feri xaline haj piline, romnya line haj romeste geline, zhikaj kodo dyes, zhikana o Noe andre gelas ando bero,

verso 39

haj china chi gindisardine, zhikaj ch«avilastar le bare pajesko shordyipe haj chi mudardas len savora zhenen: kade avla vi le Manusheske Shavesko avlipe.

verso 40

Kana a-tunchi dujzhene pe plugasle phuva avna, le jekhes opre lena, le kaveres kothe mukena.

verso 41

Haj kana duj romnya morena assavesa, la jekha opre lena, la kavera kothe mukena.

verso 42

Aven apol sama linde, ke chi zhanen, ke savo dyes avelatar tumaro Raj.

verso 43

Kodo pale hatyaren, ke te zhanelas le kheresko raj, ke ande savi vramate avla o chor, sama lindo avelas haj chi mukelas andre te phagel ando kher.

verso 44

Aven apol gata vi tume, ke ande savo chaso chi gindina, avla le Manushesko Shavo.

verso 45

So gindis, savo si o chacho haj godyaver sluga, kas o Raj angla peske khereske manusha tordyarel, te del avri lenge o xamasko ande vramate?

verso 46

Anando si kodi sluga, kasko raj, kana khere resel, ande kadi butyi rakhel.

verso 47

Amen, phenav tumenge: pe pesko intrego barvalipe opral shol les o raj.

verso 48

Ba kodo nasul sluga kodo te phenel ande pesko ilo: »Pe buteste avel aba muro raj«,

verso 49

haj lela te marel peske slugane amalen, xal thaj pel le matenca;

verso 50

avla kodo dyes lesko raj kodale slugaske, pe savo chi zhukarela les, haj ande kodo chaso, ande saveste chi gindila.

verso 51

Nashavela les, haj pe paxandengi zheja resarela les. Avla kothe rovjipe haj dand kircipe!

Capítulos:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28