Evangeliumo kathar o Mate
capítulo 22
Parabola pa krajicko abav
verso 1
Pala kado o Jezush pale las te vorbil, haj pale ande paraboli vorbilas lende:
verso 2
„Cirdel le rajosko them pekh kraj, kon abav lasharlas peske shaveske.
verso 3
Bishaldas peske slugan, te akharen le akhardinen po abav, ba kodala chi kamline te aventar.
verso 4
Atunchi kavere slugan bishaldas kadale vorbenca: „Phenen le akhardinenge: Aketa, o xamo kerdom, mure guruven haj oprethulyarde pedon tele shindom, sakofalo gata si aven apol po abav.
verso 5
Ba kodal chi grizhonaspe lesa. Gelinetar, o jekh pe peski phuv, o kaver pala pesko bizniso,
verso 6
le maj but pale xutyildine le slugan, kushenasle haj mudardine len.
verso 7
Xolyarnyiko kerdyilas pe kado o kraj, haj bishaldas peske ketanen. Le mudaren mudaradas, lengo foro pale opre phabaradas.
verso 8
Pala kodo kodo phendas peske slugange: „O abav aba gataj, ba le akharde nas dosta karing leste.
verso 9
Zhan avri apol po bulho drom, haj kas feri rakhen, akharenle po abav.”
verso 10
Le slugi avri geline pel droma, haj kethane kidine sakones, kas feri arakhline, lashen thaj nasulen jekharsa, haj le abaveskokher pherdyilas manushenca.
verso 11
Kana o kraj andre gelas, te dikhel kon beshen kaj le mesalyi, sama las kothe jekhe manushes, kon nas ande abaveske gada urado.
verso 12
Kodo phendas leske: „Muro vortakona, ta sar avilan andre kathe bi abaveske kada?” Kodo chi das duma khanchi.
verso 13
Pe kado o kraj kodo phendas le opreslugarenge: „Phanden kethane leske vast thaj punre, haj shuden les avri po avraluto tunyarikipe. Avla kothe rovjipe haj dand kircipe!
verso 14
Ke but zhene si a-kharde, ba cerra zhene alosarde.”
Pushlipe pa taksha
verso 15
Atunchi le farizana gelinetar haj avri gindisardine, ke sar shaj maren les perdal vorbasa.
verso 16
Kothe bishaldine leste penge sityarden le Herodeshickirenca kethane, haj kodo phendine leske: „Maistro! Zhanas, ke chacho vorbako san haj le Devlesko drom kathar o chachipo sityares, chi grizhostu khanyikasa, ke chi dikhes le manushengo konipe.
verso 17
Phen amenge apol so gindis: Slobodo si taksha te potyinas le chasaroske, bake na?”
verso 18
Ba o Jezush oprepinzhardas lengo nasulipe haj kade das duma: „Sostar zumaven man, tume paxande!
verso 19
Sikaven mange la takshake love!” Kodal kothe andine leske jekh denaro.
verso 20
Atunchi pushlas lendar: „Kaskij kadi mosura haj opreiskirimata?”
verso 21
Kodo phendine leske: „Le chasareskoj.” Pe kado kodo phendas lenge: „Den apol le chasareske so le chasareskoj, haj le Devleske, so le Devleskoj.”
verso 22
Kodal kado ashundines bari dikhline, kothe mukhline les haj gelinetar.
Pushlipe pa mulengo opretrajisaripe
verso 23
Kodo dyes kothe geline leste le sadducana, kon kodo phenen, ke naj opretrajisaripe. Pushline les:
verso 24
„Maistro, o Mozesh kodo phendas: »Kana varikon merel bi shavoresko, atunchi lesko phral te lel peste leska romnya, haj te kerel shavoren peske phraleske«.
verso 25
Apol, sas lende efta phral. O Angluno romnya las, ba mulas, haj ke chi ashilas les shavoro, pe pesko phral mukhlas peska romnya.
verso 26
Zhikade mulas vi o dujto haj trito, haj inke, sa le efta.
verso 27
Pala savorazhene pale mulas vi e romnyi,
verso 28
Kaj o opretrajisaripe apol kaski romnyi avla mashkar le efta. Ke apol savorezhenengi sas.”
verso 29
O Jezush kade das duma lende: „Bi zhangles vorbin, ke chi pinzharen le Iskirimata, haj chi le Devlesko saktimo.
verso 30
Ke le opretrajisarde chi len romnyan, haj chi romeste chi zhan, ba kasave avna sar le andyelura ando rajo.
verso 31
Chi ginadine pa mulengo opretrajisaripe, so o Del phendas tumenge:
verso 32
«Me som le Abrahamesko le Izhakesko haj le Jakobesko Del?« Voj na le mulengo Del si, ba le zhuvindengo.”
verso 33
Kana e butimata kado ashundas, bari dikhlas pe lesko sityaripe.
Pushlipe pa angvladipe
verso 34
Kana le farizana ashundine, ke le sadducanen mutosardas, kethane aviline andekh grupo,
verso 35
haj o jekh mashkar lende, jekh kris pinzhardo, avri te zumavel les, pushlas lestar:
verso 36
„Maistro, savo si o majbaro vladipe ande kris?”
verso 37
Voj kodo phendas leske: „«Kam tye Rajes, tye Devles anda tyo intrego ilo, anda tyo intrego duho, haj anda tyo intrego godyipe«.
verso 38
Kadoj o majbaro, o angluno vladipe.
verso 39
O Dujto anel pe kado: »Kam tye dopashone vortakos, sar tut«.
verso 40
Pe kadal duj vladimata tordyol e intrego kris haj le profeti.”
Pushlipe pa Messhiasho
verso 41
Ke le farizana kethane sas, o Jezush pushlas len:
verso 42
„So gindin pa Kristo? Kasko shavo si voj?” Kodo phendine leske: „Le Davidesko.”
verso 43
Pe kado pushlas lendar: „Atunchi o David sostar phenel les kathar o Duho rajeske, kana kade del duma:
verso 44
»Kade del duma o Raj kaj muro Raj:
Pa muri chachi rig besh tele,
zhikaj tala tye punre shudav tye dushmanon«.
verso 45
Kana apol o David Rajeske phenel les, sar shaj avel lesko shavo?”
verso 46
Khonyik chi zhanglas palpale phenipe te del leske chi jekh vorba, haj kathar kodo dyes khonyik chi tromalas te pushel les.
Libros
