capitolul 22
Pala kado o Jezush pale las te vorbil, haj pale ande paraboli vorbilas lende:
„Cirdel le rajosko them pekh kraj, kon abav lasharlas peske shaveske.
Bishaldas peske slugan, te akharen le akhardinen po abav, ba kodala chi kamline te aventar.
Atunchi kavere slugan bishaldas kadale vorbenca: „Phenen le akhardinenge: Aketa, o xamo kerdom, mure guruven haj oprethulyarde pedon tele shindom, sakofalo gata si aven apol po abav.
Ba kodal chi grizhonaspe lesa. Gelinetar, o jekh pe peski phuv, o kaver pala pesko bizniso,
le maj but pale xutyildine le slugan, kushenasle haj mudardine len.
Xolyarnyiko kerdyilas pe kado o kraj, haj bishaldas peske ketanen. Le mudaren mudaradas, lengo foro pale opre phabaradas.
Pala kodo kodo phendas peske slugange: „O abav aba gataj, ba le akharde nas dosta karing leste.
Zhan avri apol po bulho drom, haj kas feri rakhen, akharenle po abav.”
Le slugi avri geline pel droma, haj kethane kidine sakones, kas feri arakhline, lashen thaj nasulen jekharsa, haj le abaveskokher pherdyilas manushenca.
Kana o kraj andre gelas, te dikhel kon beshen kaj le mesalyi, sama las kothe jekhe manushes, kon nas ande abaveske gada urado.
Kodo phendas leske: „Muro vortakona, ta sar avilan andre kathe bi abaveske kada?” Kodo chi das duma khanchi.
Pe kado o kraj kodo phendas le opreslugarenge: „Phanden kethane leske vast thaj punre, haj shuden les avri po avraluto tunyarikipe. Avla kothe rovjipe haj dand kircipe!
Ke but zhene si a-kharde, ba cerra zhene alosarde.”
Atunchi le farizana gelinetar haj avri gindisardine, ke sar shaj maren les perdal vorbasa.
Kothe bishaldine leste penge sityarden le Herodeshickirenca kethane, haj kodo phendine leske: „Maistro! Zhanas, ke chacho vorbako san haj le Devlesko drom kathar o chachipo sityares, chi grizhostu khanyikasa, ke chi dikhes le manushengo konipe.
Phen amenge apol so gindis: Slobodo si taksha te potyinas le chasaroske, bake na?”
Ba o Jezush oprepinzhardas lengo nasulipe haj kade das duma: „Sostar zumaven man, tume paxande!
Sikaven mange la takshake love!” Kodal kothe andine leske jekh denaro.
Atunchi pushlas lendar: „Kaskij kadi mosura haj opreiskirimata?”
Kodo phendine leske: „Le chasareskoj.” Pe kado kodo phendas lenge: „Den apol le chasareske so le chasareskoj, haj le Devleske, so le Devleskoj.”
Kodal kado ashundines bari dikhline, kothe mukhline les haj gelinetar.
Kodo dyes kothe geline leste le sadducana, kon kodo phenen, ke naj opretrajisaripe. Pushline les:
„Maistro, o Mozesh kodo phendas: »Kana varikon merel bi shavoresko, atunchi lesko phral te lel peste leska romnya, haj te kerel shavoren peske phraleske«.
Apol, sas lende efta phral. O Angluno romnya las, ba mulas, haj ke chi ashilas les shavoro, pe pesko phral mukhlas peska romnya.
Zhikade mulas vi o dujto haj trito, haj inke, sa le efta.
Pala savorazhene pale mulas vi e romnyi,
Kaj o opretrajisaripe apol kaski romnyi avla mashkar le efta. Ke apol savorezhenengi sas.”
O Jezush kade das duma lende: „Bi zhangles vorbin, ke chi pinzharen le Iskirimata, haj chi le Devlesko saktimo.
Ke le opretrajisarde chi len romnyan, haj chi romeste chi zhan, ba kasave avna sar le andyelura ando rajo.
Chi ginadine pa mulengo opretrajisaripe, so o Del phendas tumenge:
«Me som le Abrahamesko le Izhakesko haj le Jakobesko Del?« Voj na le mulengo Del si, ba le zhuvindengo.”
Kana e butimata kado ashundas, bari dikhlas pe lesko sityaripe.
Kana le farizana ashundine, ke le sadducanen mutosardas, kethane aviline andekh grupo,
haj o jekh mashkar lende, jekh kris pinzhardo, avri te zumavel les, pushlas lestar:
„Maistro, savo si o majbaro vladipe ande kris?”
Voj kodo phendas leske: „«Kam tye Rajes, tye Devles anda tyo intrego ilo, anda tyo intrego duho, haj anda tyo intrego godyipe«.
Kadoj o majbaro, o angluno vladipe.
O Dujto anel pe kado: »Kam tye dopashone vortakos, sar tut«.
Pe kadal duj vladimata tordyol e intrego kris haj le profeti.”
Ke le farizana kethane sas, o Jezush pushlas len:
„So gindin pa Kristo? Kasko shavo si voj?” Kodo phendine leske: „Le Davidesko.”
Pe kado pushlas lendar: „Atunchi o David sostar phenel les kathar o Duho rajeske, kana kade del duma:
»Kade del duma o Raj kaj muro Raj:
Pa muri chachi rig besh tele,
zhikaj tala tye punre shudav tye dushmanon«.
Kana apol o David Rajeske phenel les, sar shaj avel lesko shavo?”
Khonyik chi zhanglas palpale phenipe te del leske chi jekh vorba, haj kathar kodo dyes khonyik chi tromalas te pushel les.
Software-ul își propune să conecteze pe toți cu textul Bibliei printr-o interfață rapid accesibilă și personalizabilă.
Numele face referire atât la conectivitate, cât și la viteză…
„Fiecare om să fie grabnic la ascultare, încet la vorbire și încet la mânie!”
Cu dragoste, Tom Károly