capitolul 1
O Jakab, le Devleske haj le Raj Jezush Kristoski sluga pesko drobovjipe bishalel ande diaspora trajisardine deshuduje kunpaniange!
Sagda losshake inkren, mure phral, kana ande butfalura zumavjimata peren,
ke zhanen, ke tumare patyapesko avri- zumavjipe, pachimasko tolerashipne kerel.
Le pachimasko toleranshipe po federipe ingrel le kerdyimatan, ke sakone bi nachilimasko federa haj bi doshake te aven.
Kana pale varikon mashkar tumende cerrajvel ando platnikipe, te mangelles kathar o Del, kon sakoneske butardes del, bi vorbako dela kodaleske.
Ba na bi patyamnes, ba patyamnes te mangelles, ke kon chi patyal, kasavoj sar la marake plemeni, so e balval opre marel, haj kathe-kothe tradel.
O kasavo manush tena gindil, ke lel variso kathar o Raj.
Pe lesko sako drom bi tordyimaskoj le dujtone duhosko manush.
Le chorro trajosko phral kodalesa te asharelpe, ke oprevazdine les,
o barvalo pale kodalesa, ke tele lazhavardine les, ke nacholatar, sar la charake luludya.
Ke opre ushtyilas o kham peske phabarimaske tatyipesa, avrishutyardas e char, tele pelas laki luludyi, haj kernyilas lako shukaripe: kade kernyolatar vi o barvalo pe lesko drom.
Anandoj kodo mursh, kon o zumavjipe avritordyol, ke chacheske te rakhenales, resela le trajoski korona, so o Del le les kamlinenge vorba das.
Khonyik tena phenel, kana zumavjipe dukharel, ke „O Del zumavel”, ke le Devles nashtig zumaven po nasul, haj chi voj chi zumavel khanyikas.
Sakones, kon ando zumavjipe perel, pesko dorope ingreles rigate haj po nasul.
O dorope apol kana arakhadyol, bezex anel pe luma, e bezex pale, te kerenala, meripe kerel.
Na xoxadyon apol mure kamade phral!
Sako lasho dimatipe haj sako federicko tofnipe kothar opral, kathar le fimlalimasko Dad avel, kaste naj kaver kerdyipe, haj chi ushajin le kaver kerdyimaske.
Anda slobodo kamipe kerdas amen le chachimaske alavesa, ke sar luludyi te avas leske upajimaske.
Mure kamade phral, vi tume zhanen! Te avel sakono manush sigaslo po ashunipe, haj paso po vorbipe, haj pe xolyi!
Ke ande peski xolyi na kodo kerel o manush, so angla o Del chachimaskoj.
Anda kado shuden tumendar sakono biuzhipe haj le butfalura nasulimata, haj len tumende o blindope haj le alaves, so zhanel te muntusarel tumaro duhos.
Keren kade sar o alav phenel, haj na feri ashunenles, tumen xoxadines.
Ke kana varikon ashunel le alaves ba chi kerelles, cirdel pe kodo manush, kon peski mosura dikhel ande glinda:
te dikhlaspe haj gelastar, ande kodo minuto bistrel, ke sosko sas.
Ba kon mishto andre dikhel ande slobodipesko federicko kris, haj ashol ande kodo, haj kodaleske na bisterdimasko ashunari si, ba lasho kerdari, kodo anando avla kathar pesko kerdyipe.
Kana pale varikon patyamneske inkrel pes, ba chi pacharel peski shib tele, ba xoxavel pesko ilo, kodaleske chi mol khanchi lesko patyamnipe.
Ke kadoj o uzho bi doshako patyamnipe angla o Del haj Dad: te dikhen le geren haj phivlyan ande lengo kikidyipe, haj te ferisaras amaro uzhipe kathar kadi luma.
Software-ul își propune să conecteze pe toți cu textul Bibliei printr-o interfață rapid accesibilă și personalizabilă.
Numele face referire atât la conectivitate, cât și la viteză…
„Fiecare om să fie grabnic la ascultare, încet la vorbire și încet la mânie!”
Cu dragoste, Tom Károly