Lil le Filemoneske

versetul 1

O Pal, kon roboj anda Kristo Jezush, haj o Timoteush phral le Filemoneske, amare kamade butyake amaleske,

versetul 2

haj la Appia phenyake, haj le Archippos vortakoske, haj le kethanipeske, kon ande tyo kher si.

versetul 3

Gracija haj pachipe tumenge kathar o Del, kathar amaro Dad, haj kathar o Raj Jezush Kristo!

versetul 4

Najisipe phenav mure Devleske, haj sagda serosardyuvav pa tute ande mure rudyimata –

versetul 5

ke ashundom pa tyo kamipe haj patyape, so karing o Raj Jezush haj sa karing le suntura hatyares –,

versetul 6

ke perdal pa tyiro patyape o kethanipe pinzhardo te kerdyol sa pa lashe kerdyimango pinzharipe, so mashkar amende ando Kristo andre pherdyol.

versetul 7

Zurales losshav haj vojiv man ande tute, ke ushordyilas le suntongo ilo tutar, phrala!

versetul 8

Anda kado, apol chaches kathar ando Kristosko patyape vi shaj vladisaros tuke kodo, soske trubuj te avel,

versetul 9

ba kathar o kamipe barem mangav tut me, o phuro Pal, kon akanak vi roboj ando Kristo Jezush.

versetul 10

Anda muro shavo, anda Onezimos rudyij, kas ande mure sastra kerdom,

versetul 11

kon varikana khanchi kerdo sas pe tyi rig, ba akanak vi tuke haj vi mange trubuimaskoj.

versetul 12

Palpale bishaldom les tute, sar mure iles.

versetul 13

Fajlosardino man mande te inkrav les, ke anda evangeliumo dukharde sastra anda tute te slugisarel mange,

versetul 14

ba bi tyira vorbako chi kamlom khanchi te kerav, ke tyo lasho kerdyipe tena anda trubuipe, ba kathar tyo gindipe te kerdyol.

versetul 15

Shajke anda kodo gelastar tutar pekh vrama, ke palpale te lesles po sagdipe,

versetul 16

aba na kade sar robune slugas, ba majbutindes: sar slugas, sar kamade phrales. Mange zurales kodo si voj, ba sodivar barem tuke: vi kathar o trupo, haj vi kathar o Raj.

versetul 17

Anda kado, apol amaleske te inkres man, patyivin les kade, sar man.

versetul 18

Haj kana variso te las tutar bake kamel tuke, gindinles mange:

versetul 19

– me, o Pal mure vastenca iskirisarav – me potyinavles avri. Apol – tena phenav tuke – tu vi tusa mange kames.

versetul 20

Bater, phrala! Tyo hasnipe kamav te lav ando Raj, ushorisar apol muro ilo ando Kristo!

versetul 21

Ande tyo muklipe patyindes iskirsardom tuke: zhanav tu vi majbut keresa kathar kodo, so mangav.

versetul 22

Haj inke lashar mange vi than: ke sperantisarav, ke anda tumare rudyimata palpale lena man.

versetul 23

Drobovjisarel tut o Epafras, muro robicko amal ando Kristo Jezush,

versetul 24

haj o Mark, o Aristarchos, o Demas haj o Lukach, mure butyake amala.

versetul 25

Le Raj Jezush Kristoski gracija te avel tumare duhosa! Amen.

Capitole:

1