Lil le Filemoneske

verse #1

O Pal, kon roboj anda Kristo Jezush, haj o Timoteush phral le Filemoneske, amare kamade butyake amaleske,

verse #2

haj la Appia phenyake, haj le Archippos vortakoske, haj le kethanipeske, kon ande tyo kher si.

verse #3

Gracija haj pachipe tumenge kathar o Del, kathar amaro Dad, haj kathar o Raj Jezush Kristo!

verse #4

Najisipe phenav mure Devleske, haj sagda serosardyuvav pa tute ande mure rudyimata –

verse #5

ke ashundom pa tyo kamipe haj patyape, so karing o Raj Jezush haj sa karing le suntura hatyares –,

verse #6

ke perdal pa tyiro patyape o kethanipe pinzhardo te kerdyol sa pa lashe kerdyimango pinzharipe, so mashkar amende ando Kristo andre pherdyol.

verse #7

Zurales losshav haj vojiv man ande tute, ke ushordyilas le suntongo ilo tutar, phrala!

verse #8

Anda kado, apol chaches kathar ando Kristosko patyape vi shaj vladisaros tuke kodo, soske trubuj te avel,

verse #9

ba kathar o kamipe barem mangav tut me, o phuro Pal, kon akanak vi roboj ando Kristo Jezush.

verse #10

Anda muro shavo, anda Onezimos rudyij, kas ande mure sastra kerdom,

verse #11

kon varikana khanchi kerdo sas pe tyi rig, ba akanak vi tuke haj vi mange trubuimaskoj.

verse #12

Palpale bishaldom les tute, sar mure iles.

verse #13

Fajlosardino man mande te inkrav les, ke anda evangeliumo dukharde sastra anda tute te slugisarel mange,

verse #14

ba bi tyira vorbako chi kamlom khanchi te kerav, ke tyo lasho kerdyipe tena anda trubuipe, ba kathar tyo gindipe te kerdyol.

verse #15

Shajke anda kodo gelastar tutar pekh vrama, ke palpale te lesles po sagdipe,

verse #16

aba na kade sar robune slugas, ba majbutindes: sar slugas, sar kamade phrales. Mange zurales kodo si voj, ba sodivar barem tuke: vi kathar o trupo, haj vi kathar o Raj.

verse #17

Anda kado, apol amaleske te inkres man, patyivin les kade, sar man.

verse #18

Haj kana variso te las tutar bake kamel tuke, gindinles mange:

verse #19

– me, o Pal mure vastenca iskirisarav – me potyinavles avri. Apol – tena phenav tuke – tu vi tusa mange kames.

verse #20

Bater, phrala! Tyo hasnipe kamav te lav ando Raj, ushorisar apol muro ilo ando Kristo!

verse #21

Ande tyo muklipe patyindes iskirsardom tuke: zhanav tu vi majbut keresa kathar kodo, so mangav.

verse #22

Haj inke lashar mange vi than: ke sperantisarav, ke anda tumare rudyimata palpale lena man.

verse #23

Drobovjisarel tut o Epafras, muro robicko amal ando Kristo Jezush,

verse #24

haj o Mark, o Aristarchos, o Demas haj o Lukach, mure butyake amala.

verse #25

Le Raj Jezush Kristoski gracija te avel tumare duhosa! Amen.

Chapters:

1