Angluno lil kaj le tessalonikicka

Chapters:

1 2 3 4 5

verse #1

O Pal, o Silvanus haj Timoteush le tessalonikicka eklezhiake, kon ando Dadunodel haj ando Jezush Kristo trajil. Gracija tumenge haj pachipe!

verse #2

Najisipe phenas le Devleske anda savorazhenende sagda, kana serosardyuvas ande amare rudyimata. Sagda gindisaras

verse #3

angla amaro Del haj Dad ande amaro Raj, ando Jezush Kristo inkerdo fruktosaripe, pe tumaro khinyisardo kamipe haj pe tumaro torelansho sperantipe.

verse #4

Zhanas, kathar o Del kamle phral, ke alosarde sanle.

verse #5

Ke ame o evangeliumo na feri vorbenca viacarasas tumende, ba vi zorasa haj Suntone Duhosa, haj intregonipesa. Ke zhanen, ke soske samas mashkar tumende, anda tumende.

verse #6

Tume pale amare patyamne kerdyiline, haj le Rajeske, patyajline le alaves mashkar but kikidyimata, le Suntone Duhoske losshasa.

verse #7

Kade patyivisarde kerdyiline sakoneske ande Makedonia haj ande Akhaj.

verse #8

Ke le Rajeske alavesko viacaripe tumendar zhal majdur, na feri ande Makedonia haj Akhaj. Tumaro ando Del patyamnipe reslas pe sogode riga, kade china chi trubuj pa kado majdur te vorvisras.

verse #9

Ke sakon vorbisarel pamende, ke sar reslam tumende, haj ke sar boldadyiline karing o Del kathar le fetisha, ke le trajisarde Devleske te slugisaren,

verse #10

haj te zhukaren anda o rajo leske Shaves, kas opretrajardas anda meripe, le Jezushes, kon muntusarel amen kathar e avluni xolyi.

Chapters:

1 2 3 4 5