Angluno lil kaj le tessalonikicka

Chapters:

1 2 3 4 5

verse #1

Kaver falos pale, phralale, ando Raj Jezush mangas haj ferisaras tumen pe kodo, so amendar sityiline, ke sar trubuj te trajin haj ande Devleski voja te phiren. Vi trajin kade, ke tumaro trajo feri majlasho te avel.

verse #2

Ke pinzharen e vladimata, so perdal pa Raj Jezush dam tumenge.

verse #3

Ke o Del kamlas kado: tumaro suntosardyipe kodoj, ke palpale te inkren tumen kathar o marhipe:

verse #4

ke savorazhene mashkar tumende te zhanel sama te lel pe pesko trupo ando suntosaripe haj patyivipe,

verse #5

na ande doropesko hatyaripe, sar le murtikana, kon chi pinzharen le Devles.

verse #6

Haj khonyik tena chorel haj tena xoxavel peske phrales ande chi soski traba, ke o Raj palpale del sakofalo, sar kodo aba vi phendam tumenge haj vi andre sikadam.

verse #7

Ke o Del na po biuzhipe akhardas amen, ba po suntosardyipe.

verse #8

Anda kado, kon tele dikhel kadal, na le manushes dikhel tele, ba le Devles, kon vi pesko Sunto Duho tumenge das.

verse #9

Pa phralikano kamipe chi trubuj te iskirisarav tumenge, ke tume sityiline kathar o Del, ke te kamen jekhavres.

verse #10

Ke vi keren kado sakone phralesa ande intrego Makedonia. Ba mangas tumen phralale, ke ande kado butajven inke,

verse #11

haj trajin ande pachate, te keren tumari butyi, tumare vastenca te keren tumari butyi, sar vladisardam tumenge,

verse #12

ke te aven patyivale le avralutnenca, haj pe khanyikaski kozha na resen.

verse #13

Phralale, chi kamas ande bi zhanimata te mukas tumen pa kodal, kon muline, ke tena brigajven, kas najle sperantipe.

verse #14

Ke te patyas, ke o Jezush mulas haj opretrajisardyilas, kade atunchi o Del zhi kade angle anela vi len lesa kethanes, kon ando Jezush muline.

verse #15

Ke kathar le Rajesko alav kodo phenas tumenge, ke ame, kon trajisaras, haj ashilam zhikaj le Rajesko avlipe, chi mukas tele kodalen, kon muline.

verse #16

Ke po vladipe, pe anglune andyelosko glaso haj pe Devleske fanfareski vorba o Raj tele hurala anda cheri, haj majanglal kodal trajisardyona opre, kon ando Kristo muline,

verse #17

pala kodo, ame, le zhuvinde, le ashiline, lenca kethanes lavadyisajvas pe norora ando cheri angla o Raj, haj kade sagda le Rajesa avasa.

verse #18

Ushorisaren apol jekhavres kadale alavenca.

Chapters:

1 2 3 4 5