Janoshesko angluno lil

chapter 1


Chapters:

1 2 3 4 5


Anglardivorba: le trajesko alav


verse #1

So kathar o anglalipe sas, so ashundam, so amare jakhenca dikhlam, so dikhlam haj amare vastenca hatyardam pa trajesko Alav


verse #2

– ke o trajo sikadyilas, haj ame dikhlam, haj chacharipe keras pa leste, haj viacaras tumenge o sagutno trajo, so kaj o Dad sas haj sikadyilas amenge –,


verse #3

so dikhlam haj ashundam, kodo viacaras vi tumenge, ke vi tume ando kethanipe te aven amenca. Ke ame ando kethanipe sam le Dadesa haj leske Shavesa le Jezush Kristosa.


verse #4

Kadal anda kodo iskirisaras tumenge, ke tumari lossh intrego te avel.


Le Devlesko sipe


verse #5

Kadij e viaca, so lestar ashundam haj viacaras tumenge, ke o Del fimlalipej, haj naj ande leste khanchi tunyarikipe.


verse #6

Kana kodo phenas, ke ando kethanipe sam lesa haj ando tunyariko phiras, xoxavas, haj chi keras chachipe.


verse #7

Ba kana ando fimlalipe phiras, sar ke vi voj ando fimlalipe si, atunchi ando kethanipe sam jekhavresa, haj le Jezushesko, leske Shavesko rat uzharel amen kathar sako bezex.


O Kristo haj le bezexa


verse #8

Kodo te phenas, ke naj amen bezex, xoxavas amen, haj naj ande amende chachipe.


verse #9

Avri te phenas amare bezexa, voj lashoj haj chachoj, te jertisarel le bezexa, haj te uzharel amen kathar sakono nasulipe.


verse #10

Kodo te phenas, ke chi bezexardam, xoxamneske keras les, haj lesko alav naj ande amende.

Chapters:


Books