Janoshesko angluno lil

chapter 2


Chapters:

1 2 3 4 5


verse #1

Mure shavora, kadal anda kodo iskirisarav tumenge, ke tena bezexaren. Ba vi te bezexardas varikon si amen vorbari kaj o Dad, o Jezush Kristo, o chacho.


verse #2

Voj si o ushoripe anda amare bezexa, ba na feri anda amare, ba vi anda intregone lumake bezexa.


O chacho devlikano pinzharipe


verse #3

Anda kodo zhanas avri, ke pinzharas les, ke andre te inkrasa leske vladimata.


verse #4

Kon kodo phenel: „Pinzharav les”, ba leske vladimata chi inkrel andre, kodo xoxamnoj, haj naj ande leste chachipe.


verse #5

Ba kon andre inkrel leske Alaves, ande kodo le Devlesko kamipe chachikanes feder si, anda kado zhanas avri, ke chachikanes ande leste sam.


verse #6

Kon kodo phenel, ke ande leste ashol, kodaleske vi kade trubuj te trajil, sar voj trajilas.


O nyevo vladipe


verse #7

Mure kamade! Na nyevo vladipe iskirisarav tumenge, ba dulmutano vladipe, so zhikathar o anglalipe pinzharenas. O dulmutano vladipe o alav si, so ashundine.


verse #8

Ba vi nyevo vladipe iskirisarav tumenge, haj kado vi pe leste inkerdyol, haj vi pe tumende, ke o tunyarikipe nachilastar, haj o chcho fimlalipe fimlalisarel aba.


verse #9

Kon kodo phenel, ke ando fimlalipe si, haj rucil peske phrales, kodo inke vi akanak ando tunyarikipe si.


verse #10

Kon kamel peske phrales, kodo ando fimlalipe ashol, haj chi kerela peske phralesko pustipe.


verse #11

Ba kon rucil peske phrales, kodo ando tunyarikipe si, ande tunyarikipe phirel, haj chi zhanel kaj zhal, ke o tunyarikipe korrardas leske jakha.


O Kristo haj e luma


verse #12

Iskirisarav tumenge mure shavora, ke jertimata resen tumare bezexa anda lesko anav.


verse #13

Iskirisarav tumenge dadale, ke pinzhardine kodo, kon zhikathar o anglalipe si. Iskirisarav tumenge ternale, ke tele mardine le nasulipes.


verse #14

Iskirisardom tumenge cine shavorale, ke pinzhardine le Dades. Iskirisardom tumenge dadale, ke pinzhardine kodales, kon kathar o anglalutnipe si. Iskirisardom tumenge ternale: zurale sanle, le Devlesko alav ashilas ande tumende, haj le nasulipes tele viktornisardine.


verse #15

Na kamen la luma, haj chi kodo, so ande late si. Kana varikon kamel la luma, ande kodo naj ande leste le Dadesko kamipe,


verse #16

ke sakofalo, so si ande luma, le truposko le jakhengo dorope si haj le trajosko phutyaripej. Kado na kathar o Dad, ba kathar e luma si.


verse #17

Kadi luma nacholtar, haj nacholtar vi lake doromata. Ba kon le Devlesko kamipe kerel, ashola sagutnes.


Le xoxamne sityarengo sityaripe


verse #18

Mure shave, kathej o paluno chaso! Haj sar ashundine ke avel o Antikristo, vi vazdadyilas aba but antikristo. Anda kado zhanas, ke kathej o paluno chaso.


verse #19

Mashkar amende aviline angle, ba na mashkar amende sasle von. Mashkar amende te avilesas, atunchi amenca ashilinesas: ba avritrubusajlas te zhanardyol, ke na savorazhene si mashkaramende.


verse #20

Ba tume opre sanle makhline kathar o Sunto, haj savorazhene zhanen kado.


verse #21

China na anda kodo iskirisardom tumenge, sar tena pinzharenas o chachipe, ba sar kodalenge, kon pinzharenles, haj vi kodo, ke khanchi xoxavjipe chi avel avri anda chachipe.


verse #22

Kon si o xoxamno, kana na kodo, kon asvikarel, ke o Jezush si o Kristo? O Antikristo si kodo, voj asvikarel le Dades haj leske Shaves.


verse #23

Kana varikon asvikarel le shaves, atunchi chi o Dad naj lesko: kana varikon patyal le Shaves, atunchi vi o Dad leskoj.


verse #24

So kathar o anglalipe ashundine, te ashol ande tumende. Te ashola ande tumende kodo, so kathar anglalipe ashundine, vi tume ashona ando Shavo haj ando Dad.


verse #25

Kadij kodi vorba, so voj das amenge: o sagutno trajo.


verse #26

Sa kadal pa kodal iskirisardom tumenge, kon xoxaven tumen.


verse #27

O makhlipe, so lestar line, ande tumende si, haj vi ande tumende ashola, kade chi trubul tumenge, ke vi varikon te sityarel tumen. Pe soste lesko makhlipe sityarel tumen, kodo chachoj haj naj xoxavjipe. Sar voj sityarelas tumen, ashon ande leste!


Opreakharipe po imandimope


verse #28

Ova, mure shavora, ashon ande leste, ke kana sikadyola, te patyas, haj tena lazhardyuvastar lestar, te avelatar.


verse #29

Te zhanen, ke voj chachoj, atunchi vi kodo zhanen, ke sa kodo, kon chachipe kerel, lestar arakhadyilas.

Chapters:


Books