Janoshesko angluno lil

Chapters:

1 2 3 4 5

verse #1

Mure kamade! Na patyan sakone duhoske, ba dikhen perdal sakone duhos, dore kathar o Del sile, ke but xoxamne profeti butardyiline ande intrego luma.

verse #2

Pa kado shaj pinzharas le Devleske Duhos: sakono duho, savo patyal, ke o Jezush Kristo avilastar ando trupo, kathar o Del si.

verse #3

Haj sako duho savo chi patyal le Jezushes, naj kathar o Del. Le Antikristosko si kodo, pa kaste ashundine, ke avelatar, haj aba ande luma si.

verse #4

Tume kathar o Del sanle, mure shavora, kodalen pale tele mardine, ke majbaro si kodo, kon ande tumende si, sar kon ande luma si.

verse #5

Von anda kadi luma si, anda kodo kathar kadi luma vorbin kade, haj e luma ashunel pe lende.

verse #6

Ame kathar o Del sam. Kon pinzharel le Devles, ashunel pe amende: kon naj kathar o Del, chi ashunel pe amende. Pa kado pinzharas le chachipeske Duhos haj le bi chachipeske duhos.

verse #7

Mure kamade! Kamas jekhavres, ke o kamipe kathar o Del si. Sa kodo, kon kamel, kathar o Del arakhadyilas, haj pinzharel le Devles.

verse #8

Kon chi kamel, chi pinzharel le Devles, ke o Del si o kamipe.

verse #9

Le Devlesko kamipe karing amende, kade sikadyol avri, ke peske jekharakhadyilimaske Shaves bishaldas pe luma, ke perdal pa leste te trajisaras.

verse #10

Ande kado tordyol o kamipe. Na sar ame te kamlamas le Devles, ba ke voj kamelas amen, haj bishaldas peske Shaves ushordyimaske anda amare bezexa.

verse #11

Mure kamade! Kana o Del kade te kamelas amen, vi amenge trubuj te kamas jekhavres!

verse #12

Le Devles chikana chi dikhlas khonyik. Te kamasa jekhavres, o Del ande amende ashola, haj lesko kamipe intrego si ande amende.

verse #13

Anda kodo pinzharas, ke ande leste ashuvas, haj voj ande amende, ke anda Duho das amen.

verse #14

Ame pale dikhlam, haj chacharas pa kodo, ke o Dad bishaldas peske Shaves, sar la lumake muntosares.

verse #15

Kon patyal, ke „o Jezush le Devlesko Shavoj”, ande kodo o Del ande leste ashol, haj voj ando Del.

verse #16

Ame, kon patyasas, pinzhardam le kamipes, sosa o Del kamel amen.

O kamipe o Del si: kon ando kamipe ashol ando Del ashol, haj o Del ande leste.

verse #17

Le Devlesko kamipe kodalesa avla intrego ande amende, ke vi pe krisaripesko dyes avla amen patyape. Ke sosko voj si, kasave sam vi ame pe kadi luma.

verse #18

Ando kamipe naj dar. Ando federicko kamipe naj dar, ke e dar dukhardyimasa phirel. Kon pale daral, naj feder ando kamipe.

verse #19

Kamas apol, ke o Del majanglal kamelas amen.

verse #20

Kana varikon kodo phenel: „Kamav le Devles”, haj peske phrales pale rucil, kodo xoxamnoj. Ke kon chi kamel peske phrales, kon dikhel, nashtig kamel le Devles, kon chi dikhel.

verse #21

Kodoj o vladipe amenge lestar, ke kon kamel le Devles, te kamel vi peske phrales.

Chapters:

1 2 3 4 5