Janoshesko angluno lil
capítulo 4
Pa le duhongo alosaripe
verso 1
Mure kamade! Na patyan sakone duhoske, ba dikhen perdal sakone duhos, dore kathar o Del sile, ke but xoxamne profeti butardyiline ande intrego luma.
verso 2
Pa kado shaj pinzharas le Devleske Duhos: sakono duho, savo patyal, ke o Jezush Kristo avilastar ando trupo, kathar o Del si.
verso 3
Haj sako duho savo chi patyal le Jezushes, naj kathar o Del. Le Antikristosko si kodo, pa kaste ashundine, ke avelatar, haj aba ande luma si.
verso 4
Tume kathar o Del sanle, mure shavora, kodalen pale tele mardine, ke majbaro si kodo, kon ande tumende si, sar kon ande luma si.
verso 5
Von anda kadi luma si, anda kodo kathar kadi luma vorbin kade, haj e luma ashunel pe lende.
verso 6
Ame kathar o Del sam. Kon pinzharel le Devles, ashunel pe amende: kon naj kathar o Del, chi ashunel pe amende. Pa kado pinzharas le chachipeske Duhos haj le bi chachipeske duhos.
Le Devlesko kamipe
verso 7
Mure kamade! Kamas jekhavres, ke o kamipe kathar o Del si. Sa kodo, kon kamel, kathar o Del arakhadyilas, haj pinzharel le Devles.
verso 8
Kon chi kamel, chi pinzharel le Devles, ke o Del si o kamipe.
verso 9
Le Devlesko kamipe karing amende, kade sikadyol avri, ke peske jekharakhadyilimaske Shaves bishaldas pe luma, ke perdal pa leste te trajisaras.
verso 10
Ande kado tordyol o kamipe. Na sar ame te kamlamas le Devles, ba ke voj kamelas amen, haj bishaldas peske Shaves ushordyimaske anda amare bezexa.
verso 11
Mure kamade! Kana o Del kade te kamelas amen, vi amenge trubuj te kamas jekhavres!
verso 12
Le Devles chikana chi dikhlas khonyik. Te kamasa jekhavres, o Del ande amende ashola, haj lesko kamipe intrego si ande amende.
verso 13
Anda kodo pinzharas, ke ande leste ashuvas, haj voj ande amende, ke anda Duho das amen.
verso 14
Ame pale dikhlam, haj chacharas pa kodo, ke o Dad bishaldas peske Shaves, sar la lumake muntosares.
verso 15
Kon patyal, ke „o Jezush le Devlesko Shavoj”, ande kodo o Del ande leste ashol, haj voj ando Del.
verso 16
Ame, kon patyasas, pinzhardam le kamipes, sosa o Del kamel amen.
O kamipe o Del si: kon ando kamipe ashol ando Del ashol, haj o Del ande leste.
verso 17
Le Devlesko kamipe kodalesa avla intrego ande amende, ke vi pe krisaripesko dyes avla amen patyape. Ke sosko voj si, kasave sam vi ame pe kadi luma.
verso 18
Ando kamipe naj dar. Ando federicko kamipe naj dar, ke e dar dukhardyimasa phirel. Kon pale daral, naj feder ando kamipe.
verso 19
Kamas apol, ke o Del majanglal kamelas amen.
verso 20
Kana varikon kodo phenel: „Kamav le Devles”, haj peske phrales pale rucil, kodo xoxamnoj. Ke kon chi kamel peske phrales, kon dikhel, nashtig kamel le Devles, kon chi dikhel.
verso 21
Kodoj o vladipe amenge lestar, ke kon kamel le Devles, te kamel vi peske phrales.
Libros
