Janoshesko dujto lil

capítulo 1


Adresipe haj drobovjipe


verso 1

O prezhbitero la avrialosardake rajkinyake haj lake shavorenge, kas chachikanes kamav: haj na korkoro me, ba vi kodal savorazhene, kon pinzhardine o chachipe,


verso 2

kathar o chachipe, so ashol ande lende, haj amenca avla sagutnes.


verso 3

Te avel amenca e gracija, jertipe, pachipe kathar o Dadunodel haj kathar o Jezush Kristo, kathar o Dad peske Shavestar ando chachipe haj kamipe!


Trajo ando chachipe


verso 4

Zurales losshos, ke mashkar tye shavora kasaven rakhlom, kon ando chachipe phiren, sar vladipe lam kathar o Dad.


verso 5

Akanak apol mangav tut muri rajkinya, na sar nyevo vladipe te iskirisaros tuke, ba kodo, so aba sas amende zhikathar o anglalipe, ke te kamas jekhavres.


verso 6

O kamipe kodoj, kana kathar leske vladimata phiras. Ke kodo si o vladipe, ke so kathar o anglalipe ashundine, kade te keren


Feripe kathar le xoxamne sityara


verso 7

Ke but xoxamne butajline sa ande lumate. Kadal chi patyan, ke o Jezush Kristo ando trupo avilastar, kon kasavoj kodo xoxamnoj haj antikristoj.


verso 8

Len sama pe tumende! Na xasaren kodo, so tumare khinyardyipesa resline, ke intrego potyinipe te len!


verso 9

Kana varikon majdur ushtyavel pe kado, haj chi ashol ande Kristosko sityaripe, atunchi chi o Del naj lesko. Ba kana varikon ashol ando sityripe, atunchi vi o Dad haj vi o Shavo leskoj.


verso 10

Kana varikon tumende avel, haj na kado sityaripe anel pesa, na muken les andre ande tumaro kher, inke chi kodo na phenen leske: „T«aves baxtalo!”.


verso 11

Ke kon kodo phenel leske: „T aves baxtalo”, kodo rigaslo si ande leske nasul pecimata.


Andreagorimaske drobovjimata


verso 12

Inke vi majbut iskiripe avilosas man tumende, ba chi kamlom pe hertija haj tintasa te phenav muri vorba, ke sperantisarav, ke tumende reso, haj atunchi shaj vorbisarav tumenca, ke amari lossh inrego te avel.


verso 13

Drobovjisaren tut tye avrialosarde phenyake shavora!

Capítulos:


Libros