Janoshesko dujto lil

1. vers

O prezhbitero la avrialosardake rajkinyake haj lake shavorenge, kas chachikanes kamav: haj na korkoro me, ba vi kodal savorazhene, kon pinzhardine o chachipe,

2. vers

kathar o chachipe, so ashol ande lende, haj amenca avla sagutnes.

3. vers

Te avel amenca e gracija, jertipe, pachipe kathar o Dadunodel haj kathar o Jezush Kristo, kathar o Dad peske Shavestar ando chachipe haj kamipe!

4. vers

Zurales losshos, ke mashkar tye shavora kasaven rakhlom, kon ando chachipe phiren, sar vladipe lam kathar o Dad.

5. vers

Akanak apol mangav tut muri rajkinya, na sar nyevo vladipe te iskirisaros tuke, ba kodo, so aba sas amende zhikathar o anglalipe, ke te kamas jekhavres.

6. vers

O kamipe kodoj, kana kathar leske vladimata phiras. Ke kodo si o vladipe, ke so kathar o anglalipe ashundine, kade te keren

7. vers

Ke but xoxamne butajline sa ande lumate. Kadal chi patyan, ke o Jezush Kristo ando trupo avilastar, kon kasavoj kodo xoxamnoj haj antikristoj.

8. vers

Len sama pe tumende! Na xasaren kodo, so tumare khinyardyipesa resline, ke intrego potyinipe te len!

9. vers

Kana varikon majdur ushtyavel pe kado, haj chi ashol ande Kristosko sityaripe, atunchi chi o Del naj lesko. Ba kana varikon ashol ando sityripe, atunchi vi o Dad haj vi o Shavo leskoj.

10. vers

Kana varikon tumende avel, haj na kado sityaripe anel pesa, na muken les andre ande tumaro kher, inke chi kodo na phenen leske: „T«aves baxtalo!”.

11. vers

Ke kon kodo phenel leske: „T aves baxtalo”, kodo rigaslo si ande leske nasul pecimata.

12. vers

Inke vi majbut iskiripe avilosas man tumende, ba chi kamlom pe hertija haj tintasa te phenav muri vorba, ke sperantisarav, ke tumende reso, haj atunchi shaj vorbisarav tumenca, ke amari lossh inrego te avel.

13. vers

Drobovjisaren tut tye avrialosarde phenyake shavora!

Fejezetek:

1