Lil le Tituseske

Fejezetek:

1 2 3

1. vers

O Pal, le Devleski sluga, haj le Jezush Kristosko akhardo aposhtolo, ke le Devleske alosarden po patyape haj chacho devlikanopatyivisaripe te ingrel,

2. vers

ande sagutne trajosko sperantipe, so angla sagutne vrami anglal vorba das o Del, kon chi xoxavel,

3. vers

haj kon vi ande chachi vrama avri sikadas peski vorba perdal pa alav viacaripe, so amaro Muntori Del pe mande muklas:

4. vers

le Tituseske, le kamade shaveske kasa jekh si amaro patyape. Gracija haj pachipe kathar o Dadunodel haj kathar o Kristo Jezush, kathar amaro Muntori!

5. vers

Anda kodo muklom tut pe Kretako niso, ke so palal ashilas, lasharles, haj pa jekh gav po kaver phirindes prezhbiteron te kides kethane, sar kodo vladisardom tuke:

6. vers

patyivales, jekhar ansurisardines, kaske shave patyamne si, haj na ratyakej bake bi muklej.

7. vers

Ke le biskoposke, sar le Devleske lashareske, bi doshaleske trubuj te avel, haj na phutyardo, na xolyarnyiko, na matyarno, na marimasko, na xanzhvalo,

8. vers

barem manush kamlo, lashe kamipesko, trazo, chacho, sunto, palpaleinkerdinesko,

9. vers

kon zhanel te lasharel o lasho sityaripe, ke kathar o sasto sityaripe te trubul te zhanel vi te feril, haj kodalen, kon na phenen, te zhanel po lasho te anel.

10. vers

Ke si but bi mukle, but shushe vorbardine, xoxamne manusha, majfeder mashkar krujalshindine.

11. vers

Kadalen tele trubuj te lazhavaren, ke oprebolden intregone kheren, anda zhungalo xanzhvalipe kasavo sityaren, so chi trubulas.

12. vers

Mashkar lende o jekh, lengi profeta kodo phendas: „Le kretaicka sagutne xoxamnej, nasulaj, haj khanchikerde bokhshindej.”

13. vers

Kado chachardyipe chacho si. Zhi anda kado phen len tele zurales, ke saste te aven ando patyape,

14. vers

tena ashunen pe bibolde paramichi, haj pe kasave manushenge vladimata, kon dumo bolden le chachipeske.

15. vers

Le uzheske sakofalo uzhoj: ba le biuzheske haj bipatyamnenge khanchi naj uzho, ke vi lengi godyi haj vi lengo duhosko hatyaripe melalo si.

16. vers

Kodo phenen, ke pinzharen le Devles, ba penge kerdyimatanca asvikaren les, ke rucij, bi chachej, haj po sakono lasho kerdyipe bi muklej.

Fejezetek:

1 2 3