Lil le Tituseske

Fejezetek:

1 2 3

1. vers

Ba tu kodo viacar, so trazo sityaripe si.

2. vers

Le phurenge kodo, ke te aven trazi, patyivale, godyavera ando patyape, ando kamipe haj toleranshipe.

3. vers

Le phure romnya zhikade, sar sunci te trajin, na bange colaxenge, na le bute molyange phangle, ba te sityaren po lasho,

4. vers

te sityaren le terne romnyan pe kodo, ke te kamen penge romen haj shavoren.

5. vers

Ba inke te aven vi godyavera, uzhe, harnyika, lashe, penge romenge muklane, ke tena kushen anda lende le Devleske alaves.

6. vers

Le ternen zhikade zurar, ke te aven trazi.

7. vers

Ba majanglal tu sikav patyivipe ande sakofaloste: av ando sityaripe bi doshako haj na assamno.

8. vers

Tyi vorba te avel trazo, bi avri boldini, ke o dushmano tele te lazhavardyol, ke khanchi nasul chi zhanel te phenel pamende.

9. vers

Le robuneslugenge phen, ke te mukenpe penge rajenge, te roden ande sakofaloste lengi voja, tena xanpe,

10. vers

tena aven bi chache, ba te sikaven ande sakofaloste chacho muklipe, ke ande sakofaloste po shukaripe te aven amare Muntosare Devleske sityarimaske.

11. vers

Ke sikadyilas amare Muntori Devleski gracija sakone manusheske,

12. vers

haj pe kodo sityarel amen, ke te asvikaras o bidevlipe haj la lumake doromata. Te trajisaras trazo, haj chaches, devleskedarasa pe kadi luma,

13. vers

haj te zhukaras o anando sperantipe, le bare Devlesko haj amare Muntosaresko le Jezush Kristosko luvudyimasko avlipe.

14. vers

Voj pes das anda amende, ke te muntosarel amen kathar sakono nasulipe, haj te uzharel amen lashe kerdyimaske, pestarutne populareske

15. vers

Kado viacar, kado zurar, haj kade de duma intregone zorasa. Khonyik tena dikhel tele tut!

Fejezetek:

1 2 3