Lil le Tituseske

Capítulos:

1 2 3

verso 1

Ba tu kodo viacar, so trazo sityaripe si.

verso 2

Le phurenge kodo, ke te aven trazi, patyivale, godyavera ando patyape, ando kamipe haj toleranshipe.

verso 3

Le phure romnya zhikade, sar sunci te trajin, na bange colaxenge, na le bute molyange phangle, ba te sityaren po lasho,

verso 4

te sityaren le terne romnyan pe kodo, ke te kamen penge romen haj shavoren.

verso 5

Ba inke te aven vi godyavera, uzhe, harnyika, lashe, penge romenge muklane, ke tena kushen anda lende le Devleske alaves.

verso 6

Le ternen zhikade zurar, ke te aven trazi.

verso 7

Ba majanglal tu sikav patyivipe ande sakofaloste: av ando sityaripe bi doshako haj na assamno.

verso 8

Tyi vorba te avel trazo, bi avri boldini, ke o dushmano tele te lazhavardyol, ke khanchi nasul chi zhanel te phenel pamende.

verso 9

Le robuneslugenge phen, ke te mukenpe penge rajenge, te roden ande sakofaloste lengi voja, tena xanpe,

verso 10

tena aven bi chache, ba te sikaven ande sakofaloste chacho muklipe, ke ande sakofaloste po shukaripe te aven amare Muntosare Devleske sityarimaske.

verso 11

Ke sikadyilas amare Muntori Devleski gracija sakone manusheske,

verso 12

haj pe kodo sityarel amen, ke te asvikaras o bidevlipe haj la lumake doromata. Te trajisaras trazo, haj chaches, devleskedarasa pe kadi luma,

verso 13

haj te zhukaras o anando sperantipe, le bare Devlesko haj amare Muntosaresko le Jezush Kristosko luvudyimasko avlipe.

verso 14

Voj pes das anda amende, ke te muntosarel amen kathar sakono nasulipe, haj te uzharel amen lashe kerdyimaske, pestarutne populareske

verso 15

Kado viacar, kado zurar, haj kade de duma intregone zorasa. Khonyik tena dikhel tele tut!

Capítulos:

1 2 3