Lil le Tituseske

Capítulos:

1 2 3

verso 1

Phen lenge, ke te muken pen le krajenge haj krisarenge, haj te aven gata pe sako lasho kerdyipe,

verso 2

khanyikas tena kushen, haj tena kecinpe. Te aven blindura, haj te sityaren kaj sakone manusheste inkerdino pachipe.

verso 3

Ke varikana vi ame bi zhangle, bi chache samas haj but falura doromatange slugisarasas, ando nasulipe haj xanzhvalipe trajisarasas, rucimaske haj ruci samas.

verso 4

Ba kana amare Muntoimasko Devlesko lashipe haj manushikano kamipe sikadyilas,

verso 5

muntosardas amen, na anda amare chache kerdyimata, so kerdam, ba anda lesko kamipe, anda Suntone Duhosko nyeveske kerdo haj nyevjardo thovjipe,

verso 6

kas butindes avri muklas pe amende o Jezush Kristo, perdal pa amaro Muntosari,

verso 7

ke kathar leski gracija chachardyilines, sperantimaske manusha te avas le sagutne trajoske.

verso 8

Chachi vorbaj kadi, haj kodo kamav, ke te zurares kado ande lende, ke kon patyan ando Del, te aven lashe kerdyimaske. Lashoj kado haj trubuj le manushenge.

verso 9

Le dile kecitoren, falongeskundon, haj pa kris vorbisarde xape krujin, ke kodal khanchikerdeske butya si.

verso 10

Le hartikane manushes pala duj trin feripe krujisar,

verso 11

zhangles, ke o kasavo manush rumumej, bezexarel, haj voj krisarel pes.

verso 12

Pala soste tute bishalav le Artemases bake le Tichkiuses, sidyar, av mande ando Nikopolis! Ke kade gindisardom, ke kothe ashuvo po jivend.

verso 13

Le kris sityari Zenases, haj le Apolloves mishto grizhosardines bishalav majdur, ke tena avel len faltipe ande khancheste.

verso 14

Ba vi amare te sityon, ke lashe kerdyimatanca te phiren anglal, kaj trubuj, ke tena aven bi fruktoske.

verso 15

Drobovjisaren tut savorazhene, kon manca si. Drobovjisar kodalen, kon kamen amen ando patyape!

Gracija te avel savorazhenenca! Amen.

Capítulos:

1 2 3