chapter 3
Phen lenge, ke te muken pen le krajenge haj krisarenge, haj te aven gata pe sako lasho kerdyipe,
khanyikas tena kushen, haj tena kecinpe. Te aven blindura, haj te sityaren kaj sakone manusheste inkerdino pachipe.
Ke varikana vi ame bi zhangle, bi chache samas haj but falura doromatange slugisarasas, ando nasulipe haj xanzhvalipe trajisarasas, rucimaske haj ruci samas.
Ba kana amare Muntoimasko Devlesko lashipe haj manushikano kamipe sikadyilas,
muntosardas amen, na anda amare chache kerdyimata, so kerdam, ba anda lesko kamipe, anda Suntone Duhosko nyeveske kerdo haj nyevjardo thovjipe,
kas butindes avri muklas pe amende o Jezush Kristo, perdal pa amaro Muntosari,
ke kathar leski gracija chachardyilines, sperantimaske manusha te avas le sagutne trajoske.
Chachi vorbaj kadi, haj kodo kamav, ke te zurares kado ande lende, ke kon patyan ando Del, te aven lashe kerdyimaske. Lashoj kado haj trubuj le manushenge.
Le dile kecitoren, falongeskundon, haj pa kris vorbisarde xape krujin, ke kodal khanchikerdeske butya si.
Le hartikane manushes pala duj trin feripe krujisar,
zhangles, ke o kasavo manush rumumej, bezexarel, haj voj krisarel pes.
Pala soste tute bishalav le Artemases bake le Tichkiuses, sidyar, av mande ando Nikopolis! Ke kade gindisardom, ke kothe ashuvo po jivend.
Le kris sityari Zenases, haj le Apolloves mishto grizhosardines bishalav majdur, ke tena avel len faltipe ande khancheste.
Ba vi amare te sityon, ke lashe kerdyimatanca te phiren anglal, kaj trubuj, ke tena aven bi fruktoske.
Drobovjisaren tut savorazhene, kon manca si. Drobovjisar kodalen, kon kamen amen ando patyape!
Gracija te avel savorazhenenca! Amen.
The software aims to connect everyone with the text of the Bible on a quickly accessible, customisable interface.
The name refers to both connectivity and speed…
“Let every man be swift to hear, slow to speak, and slow to anger!”
With love, Tom Károly